¹ Yakoba wandukile, kenga, Esawu wakele nakwija, wakele na banalume bakweta biita biwana. Yakoba wandunwine baje bana hali Leya, Lakele, na bangamba babali ba banakathzi. ² Cho wakele baje bangamba babali ba banakathzi na bana babo kulutwe, wakabelehp Leya, na bana bendi, bakukumithilako bakele Lakele na Yosefa. ³ Yikeye babenya waile kulutwe lwabo. Bwathsikamene athi katanu na kabali, nomu etele kuyehi na ndolome yendi. ⁴ Esawu wamusheshele nakumuwana, wamutambwile na kumukumbateya mu thingo, na cho amuthsembele. Cho lalo bathsikokele. ⁵ Omo Esawu wandukile, wamwene banakathzi na banike. Wendekele ngwendi," Beyajo aba banu? Cho Yakomba wenedekele ngwendi, 'Aba bakebo bana obo Njambi mungothzi yendi naana ngamba yobe." ⁶ Cho baje bangamba ba banakathzi bethzile kulutwe na bana babo, cho banongamene. ⁷ Cho wakabeleho Leya na bana bendi bethzile kulutwe nakunongama. cho kumamanathelelo Yosefa na Lakele bethaile kulutwe na kunongama. ⁸ Cho Esawu wendekele ngwendi," chojo ebi bimbunga binjaliwana babyo chilumbununa bika? Cho Yakomba wkumbulwile ngwendi, "Njitonda njiwane kabumbi ku mesho a Shukulu yange. ⁹ Cho Esawu wendekele ngwendi, njili laja nabyo byabingi ndolome. Litulikile obyo bibuli nabyo." ¹⁰ Yakomba wendekele ngwendi, "Embwe, mwane, umona ngwe njinawana kabumbi ku mesho obe,cho tambula obu bwaana bunjina kwana kutunda mu liboko lyange, mwafwa chile bene, njina mono chihanga chobe, cho chinapu ngwe njinamono oni chihanga cha Njambi beene, chojo chili bene unanjitambula. ¹¹ Njakandako tambula bwana bwange obu bunjinakwana, mwafwa Njambi nanjilingila ngothzi yakama manene, cho lalo njili nabyo byabingi," Ngechi bene Yakomba wamuthzembelekele, chojo na Esawu wabutambwile. ¹² Cho Esawu wendekele ngwendi, "Tuyeni oni. Chojo yange njibanga kulutwe." ¹³ Cho Yakomba wendekele kuli ikeye ngwendi, "Shukulu nathzibuka ngwendi banike bachili babandondo cho nabimuna nawa bali nabana baba ndondo. Chojo umona ngwe tubendetha mu lumbithi nambe mulitanga limo lika, cho bimuna boshe bathsa. ¹⁴ Chojo Njakandako shukulu alibange bene kulutwe wa ngamba yendi. Mafwa yange onini njenda kamandondo kamandondo kwetheketha na endethi yaba bimuna na bana babandondo, kweta noho njiketa kuli shukulu kuje ku Seya." ¹⁵ Esawu wenedekele ngwendi, "Imana njikuthethzeleko bamo ba banu bange bunjili nabo>" Oloji Yakomba wendekele ngwendi, " Bikajo munapande kulinga chakufwa ngocho? Imanenei njiwane kabumbi ku mesho eni mwata." ¹⁶ Chojo Esawu alitangwa bene lije wakatukile nakwiluka ku Seaya. ¹⁷ Oloni Yakomba wakatukile nakuya ku Sakothi, kuje oni kwakalitungilile njubo, nakutungila bimuna bendi mwakulala. Cho nauje nwela babuthanene ngwabo Sakothi. ¹⁸ Omoni Yakomba welukile kutunda ku Pandani Alamu, wetele bwino bwino kuje ku nganda ya Shekemu, ije yakala mu lifuti lya Kanana. Watungile chilombo chendi kuyehi na nganda. ¹⁹ Chojo walandele mushuka wa libu haje ashimbikile tende yendi kutunda kuli bana ba banalume ba Hama, ishe ya Shekemu, handando ya kupwa chiita cha siliba. ²⁰ Cho kuje wakatungile mutula uje walukile lithzina lya El Elohe Isalela.