¹ Cho kaye ksohe kapangethele lilimi limo na majwi a kulifwa. ² Ngwe muje bakele na bungthzi bwa kuya mu mbwela, bawanene chana mu lifuti lya Shunale cho batungile muje bene. ³ Cho bendekele kuli umo na mukwabo ngwabo, "Ijeni, linga tupange ndopi nakuyenyeka muje mwamubwa." Cho bakele nabindopi mungila ya kukala namamanya na libu lya kuthzibala kulipwitha ngwe thenga ya kutungitha. ⁴ Cho bendekele ngwabo, "Ijeni, tutunge yetu babenya nganda na kaposhi kaje shongo yayo ije iketa mwilu, cholalo linga tupange lithzina lyetu babenya. Oloni ngwe embwe, cho bakalushandothzwela akati akamwa ya kaye koshe." ⁵ Cho Shukulu washulukile nakukenga nganda na kaposhi bije chithemunwina cha Andama chatungile. ⁶ Shukulu wendekele ngwendi, "Kengeni, kuli lika banu balilimi limo, cho banashangumuka kulinga ebi! Ololo nabimo byai bibakaluwila bije bibatonda kulinga. ⁷ Ijeni, linga tuye mwithi nakukalanganetha lilimi lyabo mangana kethi balithzibathane umo na mukwabo. ⁸ Cho Shukulu wabashandothzwele akati ya kamwa ya kaye koshe cho balikelele kutunga nganda. ⁹ Choni, nalithzina lyalyo baithanene ngwabo Mbambele, mwafwa Njambi watanganethele lilimi ya kaye koshe kutunda haje Njambi wabashandothzwele helu mwaya kaye koshe. ¹⁰ Aba bakebo bapwile mu chithemunwina chaba Shemi. Shemi wakele na myaka ya kuthemuka chita chimo, cho wakele ishe ya Aliashandi mu myaka ibali hanima ya libathzi. ¹¹ Shemi wayoyele biita bitanu bya myaka hakupwa ishe ya Alifashandi. Cho alo wethzile na kupwa ishe ya bana bakwabo babanalume naba babanakathzi. ¹² Omwo Alifashandi wayoyele myaka yakupwa makumi awana abiita na myaka itatu hanima yakupwa ishe ya Shela, ¹³ Alifashandi wayoyele na myaka 403 hanima yakupwa ishe ya Shela. Cho nawa wethzile nakupwa ishe ya bana babanalume naba babanakathzi. ¹⁵ Omwo Shela wayoyele makumi atatu amyaka, wethzile nakupwa ishe ya Emba. ¹⁴ Shemba wayoyele na myaka 403 hanima yakupwa na Emba. Cho lalo wethzile nakupwa naba kwabo bana babanalume naba babanakathzi. ¹⁶ Omwo Emba wayoyele makumi atatu na myaka iwana, wethzile nakupwa ishe ya Pelengi. ¹⁷ Emba wayoyele na myaka 430 hanima yakupwa ishe ya Pelengi. Cho lalo wethzile nakupwa ishe yaba kwabo bana banalume naba babanakathzi. ¹⁸ Omwo Pelengi ayoyele ha myaka makumi atatu, wethzile nakupwa ishe ya Leu. ¹⁹ Pelengi wayoyele na myaka 209 hanima ya kupwa ishe ya Leu. Cho lalo wakele ishe ya bana bakwabo ba banalume naba babanakathzi. ²⁰ Omwo Leu wayoyele makumi atatu na ibali ya myaka, cho wethzile nakupwa ishe ya Selungi. ²¹ Leu wayoyele na myaka 207 hanima yakupwa ishe ishe ya Selungi. Cho lalo wethzie nakupwa ishe ya bana bakwabo ba banalume naba babanakathzi. ²² Omwo Selungi wayoyele makumi atatu a myaka, wethzile nakupwa ishe ya Nahola. ²³ Cho Selungi wayoyele myaka makumi abali abiita hanima yakupwa ishe ya Nahola. Cho nendi lalo wethzile nakupwa ishe ya bana bakwabo ba banalume naba babanakathzi. ²⁴ Nahola wayoyele makumi abali na atanu nai iwana ya myaka, cho wethzile nakupwa ishe ya Tela. ²⁵ Nahola wayoyele na myaka 119 hanima ya kupwa ishe ya Tela. Cho alo wethzile nakupwa ishe bana bakwabo ba banalume naba babanakathzi. ²⁶ Hanima ya Tela kuyoya na myaka makumi atanu na ibali, wethzile nakupwa ishe ya Abilama, Nahola, na Halani. ²⁷ Cho aba bakebo bapwile cbithemunwina bya Tela. Tela wethzile nakupwa ishe Abilama, Nahole, na Halani, cho Halani wakele ishe ya Loti. ²⁸ Halani wathsililile mu mesho aishe Tela mu lifuti lije lya themukilile, mu Ule Chalundiani. ²⁹ Abiaha na Nahola bambatele banakathzi. Lithzina kya munakathzi wa Abilama lyapwile Salai na lithzina lya munakathzi wa Nahole lyapwile Milika, mwana wa munakathzi wa Halani, uje wapwile ise ya Milika na Isika. ³⁰ Cho Salai wapwile muumba, kakele na bana embwe. ³¹ Tela wambatele Abilama munendi wa munalume, Loti muna munendi wa munalume Halani, na Salai nyotomweno yendi, munakathzi wa munendi wa munalume Abilama, cho boshe batundile mu Ule Chalundiani nakuya mu lifuti lya Kanana. Oloni bethzile kuli Halani na kutunga kuje. ³² Tela wayoyele na myaka 205 cho wathsililile mu Halani.