¹ Sikaho enu kamuesi na lisesa, enu vantu, enu vaze vamueku sompesa, vuno muviuma vimueku sompesa vantu veka, muekulihisa enu vavene. Muomu enu yenu vaze muekusompesa vimue kulilongesa viuma vuovimo lika. ² Vunoni tuantantekeya nguetu kusompesa ca Njambi caka kueseka na vusunga ngue vaze vakulinga viuma via vipi. ³ Vunoni kueseka eci, enu vantu, enu muekusompesa vaze vakulinga viama viavipi amba tuhu muekupanga viuma vimolika, Mukuvanda kuku sompesa ca Njambi? ⁴ Cipue muasinganieka kukueha ca vupite vua ngozi, kusimbuisa kusompesa ceni na kusimpa? muantantekeya nguenu ngozi yeni ikamituamenena enu ku kualumuka? ⁵ Vunoni muaheta ha kukolesa na kuhana kualumuna mutina uze umuatumbikile helu enu vavene vutenu hali tangua lia vutenu, likeko, litangua lia vuovole vua vuololoke vua kusompesa ca Njambi. ⁶ Akafueta muntu uose kueseka kuvi pangi viene: ⁷ kuli vaze kuesesa na nakukakatela ca vilinga via Njambi vakele na visinginieka vua vumpahu, na kasingimiko, nakulinga viacili, vakavahia muomu ua haya miaka. ⁸ Vunoni kuli vaze vakele nakulengeya - viavo vaze kava kuononoka vusunga vunoni kuononokela via kuhona vuololoke, vutenu luozi navutenu vukeza hali vakeko. ⁹ Njambi akaneha kayando na vihuli ha muono ua muntu uose hali vize viakulinga viavipi, cakavanga kuli va Yundeya, na kuli va Ngiliki. ¹⁰ Vunoni kuzumbangeya, kasingimiko, na kuunda cikeza kulienu vose vaze vekulinga viacili, kavangela kuli va Yundeya, kaha naua kuli va Ngiliki. ¹¹ Muomu Njambi kekumona vantu mueka cahi. ¹² Muomu vavengi vanavulumuna cakuhona lusimbi vakanonga cakuhona lusimbi, kaha vavengi vavulumuna nakuvumbi ku lusimbi vakava sompesa ku lusimbi. ¹³ Muomu kati kuivuilila ca lusimbi luze lua vuololoke kumeso a Njambi, vunoni cinapu vipangi via lusimbi vaze vaka kala vaka kuoloka. ¹⁴ Muomu vaka mafuti eka. vaze vahona zisimbi, omu muvekulinga ngue muaya zisimbi kucisemua cavo, vakeko cipue zisimbi kavakele nazio, vunoni vavene vanapu zisimbi kuli vavene. ¹⁵ Vakeko vipangi via zisimbi vakuzisolola zia kusoneka laza mumitima yavo, kaha vivezu viavo vieku vulukila vakaleho hamolika, kaha visinganieka viavo vikuva sompesa nakuvahia milonga, ngue cahi naku vahakuila. ¹⁶ Hatangua lize akapayesa Njambi evi via vantu viaku sueka, ngue omu muaya muzimbu uange uacili, muli kulistu Yesu. ¹⁷ Vunoni ngue ove vana kuvuluka nguavo, uka Yundeya, ngue uekukundamena ha zisimbi, ngue ukulisasela muli Njambi. ¹⁸ ngue ua ntantekeya muaya mutima ueni, ngue uekukunduiya viuma viahambakana kuviuka hakukulongesa kulusimbi. ¹⁹ ngue unalitsilielesa ove yavene nguove, untuamena ya tupuputa, nguove ucimuni ua kumunikila vaze vali mumilima. ²⁰ nguove, umuka kakulongesa vaze vahulama, nguove umu kakulongesa lukeko, lusimbi vene mukeko muvekumuena vialifua na ciningi na vusunga. ²¹ Sikaho, ove mukakulongesa vakuenu, ove ivene kaua lilongeselemo? Ove uekuambulula nguove, muntu kati ekeve, ove kauekuiva tahi? ²² Ove uekulisasela nguove, muntu kati akalinge vupangala, ove kauekulinga vupangala? Ove uekuivuilila mankombelo avuniengue, kauekuiva muzi tembela ziavo ni? ²³ Ove uekulisasela mu zisimbi, kauekumu tsiliela Yehova haku zombuoka zombuoka cove zismbi ni? ²⁴ Muomu lizina lia Njambi vekulisaula kuli vantu va mafuti eka hali enu, ngue muze muvasoneka. ²⁵ Muomu ngue umu kakulinga muaya zisimbi, kaha kukuenga cakuvikila vunoni ngue umukakuzombuozioka zisimbi, kaha kukuenga caove cinalumuka kukala vulima. ²⁶ Sikaho ngue cilima uekulama mezi akuyula aku zisimbi, kaha vulima vieni vaku vuluka nguavo, kunguenga ni? ²⁷ Kaha ava vanapu vilima kucisemua, ava vekuhetesamo muaya zisimbi, vanapu vakuhona kuhisa, vunoni ove uakala muze vasoneka kunguenga ove uekuzombozioka ziaimbi! ²⁸ Muomu kaYuleya kati ou akala ngoco kumeso a vantu cahi, kaha kunguemga eci kacesi cakumeso a vantu mumuvila cahi. ²⁹ Vunoni akala kaYuleya ou napu ngoco mumutima, ua muzimu, uzumbangeya kvantu cahi, kuvanga kuli Njambi kaha.