¹ Kaha kuli Mosesa kuezile vana vava mpuevo va Zelofehande, muana Hefele, muana Ngileande, muana Makile, muana Manase, vaku vikota vua Manase muana Yosefe; aua akele mazina amuaneni uampuevo: Mala, Noa, Hongela, na Milika, na Tilisa. ² Kaha vamene kumeso a Mosesa, na kumeso a Eleazale sasendote, vantuamena, na kumeso avantu na lukungulukilo luose hambelo ya mbalaka ya lukungulukilo, vahandekele nguavo, ³ ''Tatetu ua tsile mumusenge. kakele hali vaze vakele nakuviana Yehova mu mbunga ya Nkole: Atsile ivene navupi, kakele na vana vava mala. ⁴ Muomuo vika mazina Tatetu azimbangana kufuma ha cikota ceni vikandzo muomu kakele na muana ua yala? Tuhie etu vusuana vua ntanga ya Tata.'' ⁵ ''Kaha Mosesa ua tualele cihande cavo kuli Yehova. ⁶ Yehova ua handekele na Mosesa na kuamba ngueni, ⁷ ''Vana va vampuevo va Zelofehande vana kuhandeka muakuoloka. Ove uatela kuvahia cihande cimo cavusuana vuavu ntanga vua iseavo kaha ove atela vene vusuana vua iseavo vuhete kuli vakeko. ⁸ Ove uatela kuhandeka kuvantu va Isaleli nguavo, ''Ngue muntu natsi cakuhona muana ua yala,kaha uatela kusinga vusunga vueni na kuheta kuli vana veni vava mpuevo. ⁹ Ngue kesi na muana ua mpuevo, kaha ua tela kuvahia vusunga vueni kuli vana va vuangana. ¹⁰ Ngue kesi na vuangana, kaha uatela kuhia vusuana vueni kuli vana va muanaye va Ise. ¹¹ Ngue Ise kesi nava muanaye, kaha uatela kuhia vusuana kuli vantanga zieni mucikota cini cili muhiehi kaha atela kuvumbata ivene. Eci cikakala ngue lusimbi lukatanda na lusiko muvantu va Isaleli, Ngue muasikile Yehova kuliange. ¹² Yehova ua handekele na Mosesa ngueni, ''Hamoye kanduka kumuncinda ou ua Avalime na kutala cifuti cize cinjinahie vana va Isaleli. ¹³ Ngue ua kumisa kumona eci, Ove, naua, ukakunguluka kuvantu ziove ngue Alone muanoko. ¹⁴ Eci cikasoloka muomu muavianene lisimbi luange mumusenge ua Zine. Kuze, Tsimbi mema akele na nakuhita mulivue, mukutenuka cove vahonene kunjilemesa ange ngue kulela kumeso avose va lukungulukilo.'' Aua mema a Melive ya kondese mumusenge ua Zine. ¹⁵ Kaha Mosesa ua handekele kuli Yehova na kuamba ngueni, ¹⁶ Yove, Yehova, Njambi ya vimbembesi viose kuvantu, kukundika muntu kulukungulukilo, ¹⁷ ,Muntu akatuhuka kaha nakuingila kuli vakevo kaha ava tuamenene naku vakuvelasa mukati, mangana lukungulukilo kati luhungumuke ngue kavesi nava mpanga.'' ¹⁸ Yehova ua handekele na Mosesa ngueni, '''Mbata Yehosua muana Nune, ikeye yala uze muekuyoyela muzimu uange uekuyoyelamo kaha saleka livoko liove hali ikeye. ¹⁹ Mutumbike kumeso a Eleazale sasendote kaha na kumeso alukungulukilo, kaha kusindiya ikeye kumeso ove nava tuamenena. ²⁰ Uatela kutumbikako lisesa liove kuli ikeye, mangana vose va lukungulukilo lua vantu va Isaleli mangana vamukavangeye ikeye. ²¹ Akuya kumeso a Eleazale sasendote nakutonda tonda visinganieka viange hali ikeye mumangana a Ulime. kukusindiya ceni vaze vantu vakatuhuka nakukovela, vose ikeye navantu vose va Isaleli naikeye, navose va lukungulukilo.'' ²² Kaha Mosesa ualingile ngue muamusingile Yehova ikeye. Ambatele Yehosua na kumutumbika kumeso a Eleazale sasendote na vose va lukungulukilo. ²³ Uasalekele mavoko eni hali ikeye na kumusindiya ikeye na kutuamenena, ngue Yehova muasindiyile ikeye kulinga.