¹ Yesu ua handekele navo naua na visimo, ngueni, '' ² Vuangana vua muilu vu na pungue umo muangana ua viukisile ku - lia ca vulo vua muaneni ua yala. ³ Ua tumine va ngamba veni na ku sana vaze va na lanien linga veze cilika ca vulo, vunoni vakevo ka vezile. ⁴ Naua muangana ua tumine vakuavo va ngamba, ngueni , ' va lekienu vaze va nja laniene, '' Talenu, yange nja viukisa kulia cange. vangombe vange va ku litemba na va ngombe va ku nuna nja va tsihi, kaha viuma viose vinapumo. Tuayenu ku cilika ca vulo. ⁵ ''' Vunoni va litunine kaha va ile, umo ku lihia lieni, mukuavo ku vufuko vueni. ⁶ Kaha vakuavo va kuatele va ngamba va muangana. va lingile navo ntsoni , kaha va va tsihile. ⁷ Vunoni muangana ua tenukile, kaha ua tumine masualale veni vakevo veiekele vaze vakua ku tsiha kaha vo cele mbaka yavo. ⁸ Kaha ua handekela kuli vangamba zieni, ' cilika ca ku mbatesa cina hetelaho, vunoni va njalaniene kava heteselemo. ⁹ Ngoco ve hamenu ku mankano a zinjila kaha sanienu vantu vavengi va mu ka uana ku vene ku cilika ca vulo. ¹⁰ Va ngamba va ile ku zinjila kaha va kunguluile vantu vose va uanene, vose va vapi nava cili. Ngoco mu nzivo vali mbatesele vulo mua sulile na va ngenzi. ¹¹ Vunoni omo muangana ua kovelele na ku tala vangendzi, ua muenemo yala kazalele cikovelo ca pande ku vulo. ¹² Kaha muangana ua handekele neni, mukuetu, vika u na kovela muno ka uesi na cikovelo ca pande ku vulo? ' vunoni ou yala ua holokele kulu. ¹³ Kaha muangana ua lekele vangamba, mukutienu ou yala ku mavoko na ku mikono, kaha mu mbilenu ku milima ya ha mbandza, kuze ku ka kala ku lila na kulitakinia ku mazo: ¹⁴ MUomu vantu vavengi va va sana, vunoni va vandende va hangula. ¹⁵ Kaha va fuliseo va ile na ku lihandekela vatindzo va mu tela ngandzo Yesu ku mezi eni. ¹⁶ Kaha va tumine kuli ikeye vandongesi vavo, humo na vakua Helonde. va handekele kuli Yesu, '' mulongisi, tu na tantekeya u mukua cili naua nguetu ue ku longesa njila ya Njambi mua vusunga. vove ka ue ku komoka umosi,kaha ka ue ku solola cihandua hakatika vantu. ¹⁷ Ngoco vene tu leke, u na singanieka vati ? catavise etu ku fueta milambu ku sizale cipue cahi ? '' ¹⁸ Vunoni Yesu ua tantekeyele indzi yavo a handekele ngueni, '' vikandzo enu muli na ku njeseka ange. enu mukua civembulu ? ¹⁹ Nji muesienu lumbongo lua mulambu. '' kaha va mu nehelele lumbongo lumo. ²⁰ Yesu ua handekele navo, '' cifua ceya na lizina liey eli ? '' ²¹ Va handekele kuli ikeye, '' sezale, '' kaha Yesu ua va lekele, '' kaha mu hienu sezale viuma via sezale, na Njambi viuma via Njambi. '' ²² Omo va ci vuile eci, vali komokelele va mu sile kaha va fumineko. ²³ Ha litangua lize vene vasanduseo vamo, vaze ve ku handeka nguavo ka kuesi ku - sanguka, vezile kuli ikeye. va mu huile. ²⁴ Nguavo, '' mulongesi, Mosesa a handekele : Ngue yala, natsi ca kuhona vana muanaye atela kumbata mpueyeni akaseme na muanaye vana. ' ²⁵ Kua kele vana va naye vatanu na vavali. ua ku livanga ua ambatele kaha ua tsile. omo ka semene vana, ua sile mpuevo yeni kuli muanaye. ²⁶ Ngoco ua mu civali a lingile co cimo lika, kaha ua mu citatu, vose na kuli ou ua mu citanu na vavali muanaye. ²⁷ Kaha mu nima yovo vose, mpuevo ua tsile. ²⁸ Vunonu hakusanguka, mpuevo lieya a kapua hali va muanaye va va tanu na vavali ? momo vose va mu mbetele. ²⁹ Vunoni Yesu ua kuameneko ua va lekele, '' Enu mu vakua ku sevuka muomu ka mu tantekeya visoneka cipue zindzili zia Njambi. ³⁰ Muomu ha ku sanguka ka va ka ambata cipue ku hangesa. Vunoni, vali ngue tungelo va muilu. ³¹ Vunoni kupandama ku ku sanguka ku vatsi, ka mua tandele vize via na handekele nenu Njambi, ngueni, ' ³² Yange Njambi ya Avilahama,Njambi ya Isake na Njambi ya Yakomba ' ? Njambi kati Njambi vatsi, vunoni ya va kua kuyoya. '' ³³ Omo vivunga ve vuile eci, va komokele ku longesa ceni. ³⁴ Vunoni omo vafaliseo va vuile ngue Yesu na payesele va sanduseo, va likunguluile va venehamo. ³⁵ Kaha umo uavo, mulongisi ua mezi a lisiko, ua mu huile cihulo, na ku mulohua. '' ³⁶ Mulongisi, lizi lika lia kama ku mezi lisiko ? '' ³⁷ Yesu ua mu lekele, ''' u ka lema muangana Njambi yove na mutima uove uose, na muono uove uose, na mangana ove ose ! ³⁸ Eli likelio lizi lia lisiko lia kama na lia ku livanga. ³⁹ Kaha lia mu civali lia ku lifua neli naua ' u ka lema mukuenu ngue ove ivene ! ⁴⁰ Ku mezi a lisiko ano avali ku na zendamena mezi ose a lisiko na vapolofeto. ⁴¹ Vuno omo vafaliseo va likunguluile hamo, Yesu ua va huile vakevo cihula. ⁴² Ngueni, '' Enu muli na ku singanieka vati via kilistu ? ikeye muaneya ? va mu lekele, '' ikeye muana Ndaviti, '' ⁴³ Yesu a handekele kuli vakevo, '' vatindzo Ndaviti mu muzimu ua mu tumbuile muangana, ngueni, ⁴⁴ 'Muangana ua handekele na muangana uange, '' Tumama ku livoko liange lia cilo, Noho nji kononuesa vitozi vove muintsi lia viliato viove ''' ? ⁴⁵ Ngue Ndaviti ua tumbuile Kilistu ' Muangana, ' akuhasa kupua vitindzo Ndaviti muaneni ? '' ⁴⁶ Naumo uahi ua hasele ku mu kuania na lizi limo, na yala umo uahi ua hasele ku mu hula vi hula fume ha litangua olio.