¹ Matangua atanu na limo Yesu uaile na Petulu, Tiango, na Muanaye Yoano, ku muncinda ua kulaha kua lika liavo. ² Ua himpukile ntsimbu vose. Cihango ceni catuile ngue litangua, na vu zalo vueni vuavukilelo ngue mu tana. ³ TAlenu, ua va sololokele Mosesa na Eliya va handekele neni. ⁴ Petulu ua va kumbuiluile na kuhandeka kuli Njambi, "Muangana, catu viukila ku kala kuno, nge ua tondo, njilka panga zintsingi zitalu- Imo yove, imo ya Mosesa, na imo ya Eliya." ⁵ Omuo ua kele na kuhandeka, talenu, liselua lia ceka lia fuikile, talenu, lizi lia fumine mulisela, nguavo,"Ou muanange, nja tsiliela, mu muivuilile ikeye." ⁶ Kaha omu vandongesi va vuile, va uile ha maliolo avo vavuile cikuma vuoma. ⁷ Kaha Yesu uezile na kuvakuata na kuhandeka, "Katukenu kati muivue vuoma." ⁸ Kaha omu va andukile meso avo kava muene na umo uahi kuvanga Yesu lika. ⁹ Omu va sikumukile kumucinda, Yesu ua sindiliye ngueni "Kati mukambulule ku umo evi vi mua mono kuvanga muana muntu na sanguka ku vatsi." ¹⁰ Kaha vandongesi veni vamu huile , ua handekele , "Vatindzo vakuakusoneka vahandeka nguavo Eliya alinvange kuiza. ¹¹ Yesu ua kumbuluile kaha uambile ngueni, "Eliya akuaiza na kuhiluisa viuma viose. ¹² Vunoni njikumileka, Eliya neza laza, vunoni kava muntantekeye. Olondzo, va lingile neni viose vi vai zangile. Ngecize naua, muana muntu akamona kayando muma voko avo." ¹³ Kaha vandongesi vatantekeyele ngecize ua handekele nao via Yoano muka kumbapatiza. ¹⁴ Kaha omu vezile kucivunga, kuakele yala uezile kuli ikeye, na kumu tsikamena ngueni, ¹⁵ "Muangana, muvuileko muanange cikeketima, muomo ali na musongo ua kusinia kaha ali na kuyanda cikuma. Ue ku uila- uila zintimbu zia zingi mutuhia na mumema. ¹⁶ Nja mutualele kuvandongesi, kaha kavava hasele kumuka." ¹⁷ Kaha Yesu ava kumbuluile ngueni, "enu muyati ua zimpata na upi, ntsimbu ingahi nji kakala hamo nenu? ntsimbu ingahi njika miyandela? Mu hehienu kuno kuliange." ¹⁸ Yesu au fumisile vandemona, kaha vamu fumine, uze kanike ua yala ua yoyele kufuma hali ize ntsimbu. ¹⁹ Amba vandongesi vezile kuli Yesu kua lika liavo na kuliandeka, "Vikandzo etu katua hasile kumumbila?" ²⁰ Yesu ua handekele kuli vose, "Muomu ku tsiliela cenu ca cindende. Muomu mua vusunga nji kumileka vose nguange, ngemuli na kutsiliela ngue mbuto ya musalata, muhandeke na muncinda uno, 'fuma hano uye kuze,' kaha uka luka, na cimo cahi muka cihonoua. ²¹ Vunoni ava kave kutuhuka ku vanga ku vundila na kulikela kulia. ²² Kaha omu vakele na kutumama ku Ngalileya Yesu ua handekele ku va ndongesi zeni ngueni, "Muana ua yala vaka muiha kumavoko avantu, ²³ kaha vaka mutsiha, kaha mulitangua lia mucitatu akasanguka," vandongesi vezile na kuhuansana. ²⁴ Omu vahetele ku Kapenamu, va kakutambula mulambu vezile kuli Petulu na kuhandeka nguavo, "Uno mulongesi uove keku fueta milambu yose ivali?" ²⁵ Ua handekele ngueni, "Mukeko."Omuo Petulu anezile mundzivo yeni, Yesu ua livangele ku handeka, Unakusinganieka vati, ove Simone? Hakufuma ku vamiangana vahano hamavu veku tambula cipue lizimu kuli veyandzo? Ku vana vavo ni kuli veka?" ²⁶ "Kaha omu veka," Petulu amukumbuluile. "Enu vana vamizitula," Yesu ua handeka. ²⁷ Vunoni ka tueci kuliasa kulingisa vakutambula milambu vakale na indzi, hamenu kucisali, mukambile vulovo, kaha uka nona intsi ua kulivanga. Ua kutsa kuvulovo kaha omu ukamu fukula mu kanua, uka uanamo lumbongo ukalumone. Kaha ukava hialuo kufueta nange nove."