¹ Vuno va Faliseo va mo na va ku soneka vezile ku Yelusalema. va handekele nguavo, ² Vikandzo vandongesi vove va vulumuna masiko ava kuluntu? muomu va lia muka na kutana kumavoko ciahi. '' ³ Ikeye ua va kuaniene ngueni, '' vati ndzo enu na ua mueku vulumuna ma siko a Njambi omu ha vizila vienu? ⁴ Muomu Njambi na handeka ngueni, ' vumbika iso na noko, ' kana ' uose a handeka vipi kuli ise amba kuli naye cili vene a tsa .' ⁵ Vunoni enu muhandeka nguenu, ' uose a handeka kuli ise amba naye, '' Vuose vu kuaso vunji ne kukuhele njina hana ngue vuana kuli Njambi, '' ⁶ Muntu uze kapandele ku lemesa ise. ' mu njila eyi mu na puisa mupulungua lizi lia Njambi. ⁷ Enu va kua civembulu! mukemuo vene Isaya ua polofuetele omo enu na ku handeka ngueni, ' ⁸ Vantu ava va njilemesa ange na milungu yavo, vunoni mitima yavo ili kutako nange. ⁹ Vekunjilemesa ngocio muomu ve kulongesa ngue muaya vizila na maiko a vantu . ''' ¹⁰ Kaha ua sanene civunga cize manana cize kuli ikeye kaha ua vambele ngueni, '' ivuenu na kutantekeya. ¹¹ Nacimo ciahi cingila mukanua cihasa kupihisa muntu. sina kuvanga, evi vikutuhuka mukanua , vikevio vene vipihisa muntu. '' ¹² Kaha vandogesi vezile nakuhandeka kuli Yesu nguavo, '' una tantekeya ngecize va Faliseo cina va kuatele kumitima omu vana vuile mezi aa ? '' ¹³ Yesu ua va kumbuluile na ku handeka ngueni, '' muti vose uze tata ali muilu ka kunine vaka utukula . ¹⁴ Vecienu ngocio , vanapu va ntuama lutue vatupuputa. Ngue kapuputa atuamena mu kuavo kapuputa, vose hamo vaka uila mu cipuku. '' ¹⁵ Petulu ua kuaniene Yesu na kuhandeka ngueni, '' tulanguluile cisimo eci. '' ¹⁶ Yesu ngueni, '' Nenu naua hanga kamua tantekeyele ? ¹⁷ Kamuatanteyele ngecihize viose vikuingila mu kanua viekuya muzimo kaha vituhuka kumusenge ? ¹⁸ Vunoni vize vituhuka ku kanua vifuma kumutima . vike vio vize vipihisa muntu. ¹⁹ Muomu mumutima mu fuma visinganieka viakuhenga, kutsihiha, kukosa napuevo yambala, vupangala, vuizi, vukaleho vua makuli, na ku sahula. ²⁰ Evi vike vio vihasa ku pihisa muntu. Vunoni kulia na mavoka nakutanako ciahi ka cipihisa muntu. '' ²¹ Kaha Yesu ua fumineko na ku suenesako ku membo amafuti a kulihatako aku Tile na ku Sindone . ²² Kaha talenu mpuevo mu kua kanana uezile kucfuti cize. Ua tambekele mgueni , '' Nji vuileko ngozi, muangana, muana Ndaviti ! muanange na yande cikuma na mahamba. '' ²³ Vunoni Yesu kamukumbuluile lizi na limo lia hi. Vandongesi veni vamu lambelelele, nguevo, '' Fumisa mpuevo ou aye, muomu ali na ku tu tambeka kunima yetu, '' ²⁴ Vunoni Yesu ua kua nieneko nguni, '' ka va nji tumine kuli veka vunoni ku vampanga va zimala va ku ndozivo ya Isaleli. '' ²⁵ Vunoni uezile na kutsikama ku mavuile eni, ngueni, '' muangana, njikuase .'' ²⁶ Ikeye uamu kuaniene ngueni , '' kacifuila kutentula muka ua vana kuumbile ku vana va tutali. '' ²⁷ Mpuevo uze ua handekele ngueni, '' Mukemuo, muangana , vunoni na vana vatutali ve vekulia vu ui ui vuze vueku lakumuka kumesa ya ku kuavo .'' ²⁸ Kaha Yesu ua mu kuaniene mpuevo uze ngueni, '' Mpuevo, lunakama lutsilielo luove ; cikale ngue muu na zangela . '' kaha muaneni ua hindukile kufuma hantsimbu ize. ²⁹ Yesu ua sile kumu hela uze na kuya ku hiehi na kalunga ndonga ua ku Ngalileya. kaha ua kandukile kumuncinda umo na kutumama kuze. ³⁰ Vivunga viakama viezile kuli ikeye . Vamunehelele va kua kuvendukuta, tupuputa,tuueveve, vilema, na ve ka vavengi va kele na mavezi. Vaua nehele kuviliato via Yesu, kaha ua va kanguisile. ³¹ Kaha mbunga va likomokelele omuo va muene tu veveve va handeka, vilema va kanguka, va kua kuvendukuta venda na tupuputa va mona. kaha va sangalele Njambi ua Isalela. ³² Yesu ua sanene vandongesi veni kuli ikeye ua handekele navo ngueni, '' Njinevu cikeketima omu civunga eci muomu vanatumama nange matangua atatu na via kulia viahi. kanji kuve cia ngoco vaue na ndzala, muomu hamo vaku lezumukila munjila . '' ³³ Vandongesi veni vahandekele kuli ikeye, '' Kulihi kutuku uana muka muno mu mpambo mukuli sa civunga eci ciakama ? '' ³⁴ Yesu ua vahuile, ngueni '' muka unga hi utu li na uo kuno ? '' Vambele nguavo , '' vivalavala vitanu navivali na tuvantsi tua tundende . '' ³⁵ Kaha Yesu ua sikile nge cize va tumame civunga ciose hamavu . ³⁶ Ua nonene mika ize itanu na ivali na vansi, kaha omu ua vivezikisile, ua vihele kuli va ndongesi veni . kaha vandondongesi va vihele ku civunga cize. ³⁷ Vantu vose valile na kukuta. kaha vangungile vize via lisupileho na ku sulisa vihele vitanu na vivali . ³⁸ Vaze ua lile va kele va mala makombakazi a ua na, kaha naua va mpuevo na vanike. ³⁹ Kaha Yesu ua valekele vali sanduoke kaha ikeye ue ngilile mu vuato kaha ua ile kumuhela ua manga ndala .