¹ Omo mumanusuile mezi eni ose matuitui avantu, uengilile Mukapenama. ² Kaha kapitau omu uakele na ndongo, uamulememe cikuma, uakele nakuvavala, uatondele kutsa. ³ Kaha kapitau muavuile Yesu, uamuyumininine vanakuluntu vaku Yundeya, nakumuleka ikeye mangana akangule ngamba yeni. ⁴ Omu muezile kuli Yesu, vamuhulise muacili, nguavo, '' Napu uakulema kalaneni akulinge evi hali ikeye, ⁵ Muomu alemene cifuti cetu, kaha ikeye umo natungila sinangonga etu.'' ⁶ Kaha Yesu uatualeleho munjila yeni navakeko. Vunoni hatsimbu hahiehi na ndzivo, kapitau atumine kavusamba'vueni nakuhandeka kuli ikeye, ''Muangana kati ulikatiese ove yavene, muomuo ange kanjalemene kuliove nakuiza kundzivo yange. ⁷ Hakulinga omu kanjali tandeleleko ange yavene kuhetesamo nakuiza kuliove, vunoni hanseka lizi kaha ngamba yange akukanguka. ⁸ Muomu nange naua njimutu uze ivahake hakuononoka, kuva kuluntu muliange.Ange njikuhandeka evi, ' hamoye; kaha akuya, kulimuavo, 'Tuaya; kaha akuiza, kaha kuli ngamba yange, 'linga evi; kaha akucilinga.'' ⁹ Kaha Yesu muavuile viama evi ualikomokelele hali ikeye, kaha ualumukile kulivunga vakele nakumukavangeya ikeye ngueni, '''Njikumileka kati amba umo ka Isaleli nauana lutsilielo olu.'' ¹⁰ Kaha vaze vavantumine vahilukile kundzivo, vauanene ngamba nakanguka. ¹¹ Kaha muakumisile uaile kuimbo liakulika nguavo Naini, navandongesi veni vaile neni, nacivunga cakama. ¹² Kaha omu muasuenene kuhiehi na mbelo ya mbaka, zangamenu, muntu uze atsile vamumbatele, muana uayala uaze naye ( uoze akale ntuliue), kaha nalivunga liakama liafumumine mumbaka lia kele naikeye. ¹³ Kaha muanana omu muamu muene ikeye uamuvuililile cikeketima nakuhandeka kuli ikeye ngueni, ''Kati ulile.'' ¹⁴ Kaha uaile na kumukuata ha citala cize civambateleleho muvila, kaha vaze vacimbatele vakatukile. Uahandekele ngueni, ''Kanike uayala, njinakuhandeka kuliove, hinduka.'' ¹⁵ Kaha uze uatsile uahindukile nakuputuka kuhandeka, Kaha Yesu uamuhanene kuli naye. ¹⁶ Kaha vose vavuile vioma, kaha vatualeleleho nakuzumbangeye Njambi, nguavo, ''Kapolofeto uakama nasanguka mulietu'' kaha''Njambi natale hali vantu zieni.'' ¹⁷ Ou muzimbu ua Yesu uatandele kuhitila muva Yundeya navose muvatungila. ¹⁸ Vandongesi zia Yoano vamulekele evi viuma. Yoano uasanene vandongesi veni vavali na kuvatuma kuli Muangana nakuhandeka nguavo, '' ¹⁹ Ove yove omu uze akeza, ini tutondeko ueka?'' ²⁰ Kaha omu muvezile kuhiehi na Yesu, vantu vahandekele nguavo, ''Yoano mukakuzimika natutumu kuliove nakuhandeka nguetu, Ove yove uze ukeza, ini tundeko ueka?'''' ²¹ Mutsimbu ize akanguile vantu vavengi kumisongo na kuyanda na kuvimbembesi viava ndemone, kaha natupuputa vavengi vantu uavahiele meso. ²² Yesu omukuaniene nakuhandeka kuli vakevo ngueni, ''Ngue unayi munjila yove, mumuleke Yoano vimuamono na kuivua, Tupuputa vavakutambula meso, Vitondi vanakuenda, Vakambumba valele, Tuzika matuitui vanakuivia, vantu vaze vatsile vanakuva hindula kumuono, kaha vahutu vavaleka muzimbu uacili. ²³ Kaha muntu uze kalikueca kutsiliela muliange muomu yavilinga viange nayokua.'' ²⁴ Kufuma haze tunganda tua Yoano vaile,Yesu uaputukile kuhandeka kulivunga hali Yoano, ''Muomu vika vi unaililile mupambo nakutala? Lihongo linakunikisa naluhundzi? ²⁵ Vunoni muomu vika vi unayililile nakutala? Muntu uazalele vuzalo viacili? Tala, vaze vakuzala vuzalo viamutengo nakuyoya muacli vakakala mulilapa lia muangana. ²⁶ Vunoni uanaililile vika nakumona? Kapolofeto? Mukeko, njikuhandeka kulienu nguange, kaha kuhambakana tupolofeto. ²⁷ Ou ikeye uze ivasonekelele, 'Tala, Anga njikutuma vangamba kumeso ove, vaze vakaviukisa njila yove kumeso ove. ²⁸ Ange njikuhandeka kuliove nguange, mukati kavaze vasemuka kuli mpuevo vava ndende vahambakana Yoano. Vunoni uze ivasoneka mu vuangana via Njambi nahambakana muakele.'' ²⁹ ( Omu vantu vose muvavuile evi, kuhakelako na vakakutambula milambu, vahandekele nguavo Njambi uakuoloka, muomuo vava zimikile naluzimiko lua Yoano. ³⁰ Vunoni va Feliseo nava lingesi mulusimbi vakanene Njambi vavene, muomuo kava vazimikile kuli Yoano.) ³¹ ''Ngue vika, kaha, vinjikuasa kuvapuisa ava vantu muli ano matangua? vanapu ngue vika? ³² Vanapu ngue vanike nakuhela muvi tanda, vaze vatumama na kusana umo namukuavo ngueni, 'Tuekuheha zimbendo ziove, vunoni kamuakinine.Tuembile hacililo miaso, kamualilile.' ³³ Muomu Yoano mukakuzimika uezile kalile mbolo kaha kanuine viniu. kaha nguenu, 'Ali namandemone.' ³⁴ Muana muntu ualile na kunua, kaha nguenu, ' Tala, uatsa hakulia ou yala nakunua, kavusamba ka mukakutamula milambu na vakavupi!' ³⁵ Vunoni mangana anatande kuvana veni vose.'' ³⁶ Kaha umo uava Faliseo akumuine Yesu nakulia naikeye. kufuma haze Yesu uengilile mundzivo yava Faliseo, uatumamene kumesa nakulia. ³⁷ Zangamenu, kuakele mpuevo mumbaka yakama akele muka vupi. Kaha muamuene ngueni anakulia kumesa yimo nava Faliseo uanehele mutumua ua mazi acili. ³⁸ Muamene kuhiehi nanima yeni kuviliato vieni, nakulila, uaputukile kutanesa kuvilioto vieni namasozi eni, kaha uahundile nazinkambu. namutue ueni kaha uamusempele vilioto vieni kaha nakuvaviavesa vakeko na mazi. ³⁹ Vunoni Kafaliseo uze muamu kumuine Yesu muamuene evi uasinganiekele ivene, nakuhandeka ngueni, ''Ngue ou muntu nganakele kapolofeto, menga naziva uze mpuevo nakumukuata ikeye, nhueni muka vupi.'' ⁴⁰ Yesu uamukuaniene kaha uahandekele ngueni, '''Simoni, njilinavimo via kuhandeka kuliove. ''Uahandekele ngueni, ''cihandeke, Longesi!'' ⁴¹ Yesu uahandekele ngueni, ''Kuakele umo mukakukonguesa zimbongo uakele navantu vavali vakonguele zimbongo zieni ziacele umo uakele nahita vitanu viazimbongo, kaha mukuavo zia makumi atanu. ⁴² Tsimbu ivahonene kufueta, avakonekelele vose vavali. Sikaho, umo uli akumulema cikuma?'' ⁴³ Smoni uamukuaniene ikeye nakuhandeka ngueni, ''Ange njatelele uze injakonekelele cikma.'' Yesu uahandekele kuli ikeye ngueni, ''Ove ua sompa muacili.'' ⁴⁴ Yesu ualumukile kuli uze mpuevo nakuhandeka na Simoni, ''Umumono ou mpuevo. Ange njinengila mundzivo yove. kaua njihiele mema aku vilioto viange, vunoni nazulisa vilioto viange namasozi kaha nakuhunda nazinkambu zieni. ⁴⁵ Ove kauanjisempele, vunoni kufum hatsimbu Ange injizile mukati kecele kunjisempa kuvilioyo viange. ⁴⁶ Kaua uavesele kumuyue uange na mazi, vunoni aua uavesele vilioto viange namazi ali zimba. ⁴⁷ Sikaho ange njikuhandeka kulienu nguange, vupi vueni.vuze vuakele vuavuingi, vamukonekela- muomu anjilemene cikuma Vunoni uze ivakonekela cacindende, vakamulema cindende.'' ⁴⁸ Kaha uahandekele kuli ikeye ngueni, ''Vupi viove vakukonekela.'' ⁴⁹ Vaze vatumamene hamo vaputukile kuhandeka vavene, ''Iya ou vene anakukonekela vupi?'' ⁵⁰ Kaha Yesu uahandekele nauze mouevo, '' Lutsilielo luove luakuohiela. hamoye mukuhunga.''