¹ Kaha mbunga yose ya mene na kumuneha Yesu kuli Pilato. ² Kaha vakele na kutonda kumuavela katenga ikeye, handekele, "tuamu uana ou vala mukua ku tangula vakua muyati uetu, nava vindika ku lambula kuli Sezela, ngueni ikeye ivene napu Kilisitu, Muangana." ³ Pilate ua mu huile, ngueni, "Yove Muangana ua va Yundeye?" Yesu ua mukumbuile na kuhandeka, "Muomo vene uahandeka." ⁴ Pilate ua handekele na va kuluntu va vasandote na vi vunga, "Kanja uanene mulonga ku muntu ou." ⁵ Vunoni vakele naku viana, na kuhandeka nguavo, "Ue ku sangumuna vantu, na kulongesa ku Yundeya, kuose mu ku sangumuka ku Ngalileya na kuhela kuno vene." ⁶ Kaha omo Pilate uevuile nguecize, uahuile imba ou yala ua puile kangalileya. ⁷ Kaha omo Pilate ua tantekeyele ngecize ua fumine kuze ku vunguvulu vua Helonde, ua tumine Yesu kuli Helonde, naua ivene uakele ku Yelusalema ku matangua aze. ⁸ Kaha omo Helonde hamuene Yesu, ue vuile ku viuka, moumu ua hiangele ku mu moana ha ntsimbu ya laza. Muomu ha vuile lutsimo lueni kaha ua lavelelele aka mumone ku linga citantekeyeso cimosi. ⁹ Helonde ua mu huile Yesu mezi a engi, vunoni Yesu kamu kuaniene limo liahi. ¹⁰ Vasasandote vakama na vakua ku soneka vameneko, na ku muambuhila cikumakuma. ¹¹ Helonde na masualele veni va mu yenguile Yesu na kumu mutsopa. Va muzikile vuzala vua ku viuka cikuma kaha vamu hiluisile kuli Pilate. ¹² Litangua lize Helonde na Pilate va likuatele vusamba hali lize litangua, muomu va lizindile ha kati kavo. ¹³ Kaha Pilate ua sanene vose vasasandote vakama nava kua kusika na civunga ca vantu ¹⁴ ua valekele ngueni, "Enu mua nji nehelele ou yala ngueni ikeye yala mukua ku tangula vantu, kaha talenu, ange, nja muihuile ntsimbu kanda enu, ka nja uanene mulonga kumuntu ou ku ovio vi mu ku muambulula. ¹⁵ Houe, cipue Helonde, muomu na mu hiluisile kuli etu, kaha talenu, evi via na pande kutsila kavihingile. ¹⁶ Ngoco vene nji kumuzangamesa kaha njika mueca." ¹⁷ Kaha Pilate ua pandele kuecelela va Yundeya umo cindzinda. ¹⁸ Vunoni vakevo vose va tambakanene mumo lika, va handekekele nguavo, "Fumaho hali ou yala, tuecelele etu Mbalambasa!" ¹⁹ Mbalambasa akele yala uva mbilil mu ka menga muomu ua lingile ndzila mu nganda nomo ua tsihile vantu. ²⁰ Kaha Pilate ua handekele navo naua, ua hiangele kuecela Yesu. ²¹ Vunoni vakevo vatambakanene, nguavo, "Mu sukikienu, musukikienu. ' ²² Kaha ua handekele novo ntsimbu ya mu citatu, "Vika, vupi vuka vua nalingi ou yala? Kuli ikeye ka nja uanene eci ca ku tsihila muli ikeye. Ngoco vene nji ku muveta , kaha nji ku mueca." ²³ Vunoni vakevo vakoleseleko na ku tambakana cikuma, na ku mu vundila linga va musukike hacilindakano. Kaha mezi avo avulile Pilate. ²⁴ Kaha Pilate ua sikile va linge ngecize ngue mu va vundilile vakevo. ²⁵ Kaha uecelele uze iva vundilile iva na mbilile mu kamenga omu ua lingile ndzita na ku tsiha. Vunoni Yesu ua va kundikileye valinge cizango cavo. ²⁶ Kaha ha kumu tuala, kahava kuatele omu Simone ua ku Silene, ua fumine ku cifuti, kaha vamu tuikile cilindangano a cimbate, akavangeze Yesu. ²⁷ Kaha civunga ca kama ca vantu, na mapuevo va kuana ku mulila na kuliniengaya. ²⁸ Vunoni ua lulukile kuli vakevo, Yesu ua handekele, "Enu vana va mapuevo vaku Yelusalema, kati munjilile ange, vunoni hililienu enu vavene na vana venu. ²⁹ Muomu talenu, matangua ali kuiza omo vaka handeka nguavo, 'Vavezika vantsimo na mazimo aze kaa semene, na mavele aze kamuesele.' ³⁰ Amba vuose vaka sangumuka kuhandeka nami cinda, 'Elaukile ha lietu,' na malundu, 'aka tufuika.' ³¹ Muomu ngue vakulinga viose evi kumuti u tontola, cikasoloka vati kuli uze ua kuuma?" ³² Vakuavo vamala, vavali vitzi, vakeleneni hamo muku vatsiha. ³³ Kaha omo va hetele kumuhela uze u va sanene nguavo, "Cikolo," va mu sukikile ikeye na vaze vakua vupi- umo ku cilio mukuavo ku cimosue. ³⁴ Kaha Yesu ua handekele , "Tata, vecele kuvupi vuavo, muomu kava tantekeyele evi viva na kulinga."Kaha va lipangelele vizalo vieni ha kati kavo, vali tahelevio. ³⁵ Na vantu vameneko na ku tala omo vakua ku sika va mu yenguile, ua handekele, "Uovuele vakuavo. Aliohiele ivene, nga ou ikeye Kilisitu ua Njambi, nge va mu salele ikeye." ³⁶ Na masualele naua va mu tsopele ikeye, vezile kuli ikeye, va muhahanene vindangele, ³⁷ na kuhandeka, "nga yove u muangana ua va Yundeya, liohiele ove ivene." ³⁸ Kaha ha kele naua kantantekeyeso helu lieni, "Ou muangana uava Yundeya." ³⁹ Umo ua vakua vupi vaze va sukikile ua mu sahuile mukuhandeka ngueni, "Kati yove Kilisitu? Liohiele ove ivene netu." ⁴⁰ Vunoni mukuavo ua kuanieneko, ua handekele, "Kaueci na vuoma ua Njambi, omo ove u ku mona cihiso cimo lika? ⁴¹ Netu cili mua vusunga, muomu tulinakutambula cilunguiso cize ca pande vilinga vietu. Vunoni ou na vupi na vumo vuahi ua na lingi." ⁴² Kaha ua handekele, "Yesu ukanji vuluke omo ukeza mu vuangana vuove." ⁴³ Yesu ua handekele na ikeye, "Mua vusunga nji kuku leka, lelo vene uka kala hamo lika nange mu citungu." ⁴⁴ Kaha haze vene tsimbu ya puile ya mu citanu na imo, kaha milima yezie hamavu hose naku tsimbu ya mu citanu na ziuana ⁴⁵ ceka calitangua ca huile. Kaha ntanga ize yamu tembele ya tavukile mu katikati. ⁴⁶ Ua lilile na lizi lia kama, Yesu ua handekele, "Tata, mu mavoko ove nji na kundika cimbembesi cange." Kaha omo a handekele ngecize, kaha ua fuile. ⁴⁷ Amba vuose omo kapitau ua muene viuma evi via na linga, ua zumbangeyele Njambi, ua handekele, "Cacili vene ou a puile mukua vuviuke." ⁴⁸ Omu vi vivunga viose vialiunene hamo mu ku tala evi omo va muene vuima ovio vana lingile, va lilukile na kuliveta ku zintulo ziavo. ⁴⁹ Kaha vose vaze va mu tantekeyele, na mpuevo vaze vamu kavele kufuma ku Ngalileya, va mene kulako, na kumona vuma viose. ⁵⁰ Talenu, kuakele yala umo ua lizina lia Yosefe, ikeye mukua mpunga. Akele ua cili na ku vuviuke ua yala. ⁵¹ Ou yala ikeye ka taviele ku vutumbe vuavo na ku vilinga viavo. Uakele ua kufuma ku Alimateya, likeko limbo lia va yundeya, ua kele na ku lavele la vuangana ua Njambi. ⁵² Ou yala, ua ile kuli Pilate, ua vundilile muvila ua Yesu. ⁵³ Kaha ua u suluile, ua u zengelele ha ntanga ya liniu ya ku vuka, kaha ua mu hakele mu cihilo ca kusonga mu livue, muze te kanda va ci tsindamo umosi. ⁵⁴ Kaha likelio lia puile litangua lia ku viukisa na sapalalo ya sueneneko. ⁵⁵ Na mampuevo vaze va vana fumine hamue na Yesu ku Ngalileya va kavele va muene cihilo na vatindzo va hakelemo muvila nenu. ⁵⁶ Kaha va hilukile va viukisile vihemba na mazi. Kaha ku sapalalo va huimine ngue mua ya mezi alisiko.