¹ Yesu ua ndukile meso eni ua muene va mpiti va na kumbila vuama vuavo mu ndzivo ya zimbongo. ² Kaha ua muene ntuluua umosi ua kuhutua ua mbililemo tu mbongo tu vali. ³ Kaha ua handekele ngueni, "Mua vusunga nji kumileka nguange, Ntutuua ou ua ku hutuana mbilamo via kuhiana mu va vose. ⁴ Muomu ava vose va mbilamo via ku kulama cavo. Vunoni ou ntuluua ku vu hutu vueni, na mbilamo viose via kele na kuli kuasa navio." ⁵ Kaha omu vamo va tumbuile tembele, ngue vana iviukisa na mavue a cili na milambu ua handekele naua ngueni, ⁶ "Evi vimuna kumona, matangua a kezako viose evi vimuamo kakuka sala limo livue helu lia likuavo va kali mbila ha mavu." ⁷ Kaha va mu huile nguavo, "Mulongesi muaka uka evi viuma vikeza? Kaha na citantekeyeso cika tu ka tantekeya naco omu viuma evi vika soloka? ⁸ Yesu ua va kumbuluile ngueni, "Zangamenu kutina va kami tangula. Muomu va vengi va keza mulizina liange, nguavo 'Yange ikeye vene,'Kaha,'Ntsimbu ili mu hiehi,'Kati mu ka vakave. ⁹ Kaha omu mukevua zindita na miyoyo, kati mu kalizuzukile, muomu evi viuma via pande kuiza hakatete, vunoni ku manusuka kati haze vene." ¹⁰ Kaha ua handekele ceka ngueni, "Cifuti cika katukila cifuti cikuavo, na vuangana ku vuangana. ¹¹ Kaha kuka kala mandunduma a mavu, na ndzala na misongo ya kulitambuisa, kaha ku ka kala via ku zuzusa na vitantekeyeso via kufuma muilu. ¹² Vunoni ysimbu kanda vi solka viuma evi, vaka mikuata na mavoko avo na kumiyandesa, naku mituala kuzi sinangonga naku tumenga, vakami neha ku meso a vamiangana na va nguvulu muomu ua lizina liange. ¹³ Cikeko ci kami puila ngue vukaleho. ¹⁴ Ngeco vene kundikenu mitima yenu ngecize kati muli vange k yongola nguenu muka kuaniako vati. ¹⁵ Muomu ange njika mihia mezi na maama akeo vene vitozi vienu kava ka hasa ku payosa cipue ku viana. ¹⁶ Vunoni na visemi zienu, navana va nokuenu, nava vusoko vuenu, na vavusamba vuenu vaka tuala vamosi halienu ku kusta. ¹⁷ Kaha vene vakami zinda ha lizina liange. ¹⁸ Kaha na lunkambu luenu ku mitue yenu luahi lu ka nonga. ¹⁹ Miono yenu muka inganiala na lu kakatela luenu. ²⁰ Vunoni omu mukamona mikana ia masualale ina zinguluka Yelusalema, ka yantekeyenu nguenu ku papuoka cayo caheta. ²¹ Amba vose vaze vali mu Yundeya va katiniue ku mincinda, na vaze vali mukati va fumemo na vaze vali ku mbandza kati va kovelemo. ²² Muomu matangua aa heo a ku lingula,linga viuma viose vi vana soneka vika puisemo. ²³ Cikela kuli vaze vali na vufumba na vaze vali na ku vavalesa vavo ku matangua aze, muomu haze ha ka kala lamba lia kama ha mavu, na vutenu ku vanthu ava. ²⁴ Kaha va ka lundumuka na vutuesi vua mukuale, va ka vatuala vu ndzinda ku vifuti vieka, kaha vaka vifuli va ka hatangela Yelusalema noho zilsimbu zia vaka vifuli zi ka puisamo. ²⁵ Kaha ku kakata vitantekeyeso ku litangua, na ngonde, na zintangantanga, na hano ha mavu. Lamba ku vifuti na citanga omo kuchuma ca mema a kalunga na mancimpa ao. ²⁶ Ku ka kala vanthu kutsa na vuoma na muku lavelela vikeza ha mavu, muomu zi ndzili zia muilu zi kalinika. ²⁷ Kaha vaka mona muomu munthu akuiza mu liselua na zingolo na vu pahu vua kama. ²⁸ Vunoni omu viuma evi vikasangumuka ku soloka, katukenu na kuandula mitue yenu, muomu ku mi-kuula cenu cili mu hiehi. ²⁹ Kaha Yesu ua va lekele cisimo cimo ngueni '' Talenu muti ua mukuyu na miti yose. ³⁰ Omu ikeyo ye kutuikila, mue kuli muena enu vavene na ku tantekeya nguenu luindza luli mu hiehi. ³¹ Shikaho ceka, omu mukamona viuma evi vili na kusoloka, tantekeya nguenu vungana vua Njambi vuli mu hiehi. ³² Mpundu vene njina ku mileka nguange, muyati uno ka uka nonga kuvanga yiose vika soloka. ³³ Lilu na mavu vika nonga, vunoni mezi ange ka aka nonga. ³⁴ '' Vunoni linwngenu, kutina mitima yenu iha lemu ua na kulia na kupenda na visoti via muono ou, kaha litangua olio lika mitungumuma ngue ngandzo. ³⁵ Muomu likza ngechize ku vose vaze va na tumama hano hamavu hose. ³⁶ Vunoni vingilenu zintsimbu ziose, na ku vundila linga muka hase kuovoka ku vuma viose vika soloka, kaha muka mona ku meso a muona munthu. ³⁷ Kaha ua longesele mu tembele matangua ose, kaha ku utsiki vuose ua tuhukilemo ua kele-kele ku muncinda uze va tumbula nguavo Oliveta. ³⁸ Kaha cimene vanthu vose va kuiza kuli likeye mu tembele na ku mualakana