¹ Kuvundila ca Havakuke kapolofeto: ² Yehova, njinevu luntsimo luove kaha njinevu vuoma. Yehova, sangula vipanga viove hamiaka ino; Hakati kamiaka vintsimanese; nakutenuka vuluka cikeketima. ³ Njambia uafumine ku Tamane, kaha nouze uakulela kufuma kumuncinda ua Palane. Selaha vumpahu vueni vua guikile melu, kaha namavu asulile na visangala vieni. ⁴ Naku viazima ceni califuile na ceke, Mintsa yatuhukile kulivoko lieni; kaha kuze uasuekele zindzili zieni. ⁵ Kulutue lueni kuendele musongo, namihiato yatuhia yafumine kuviliato vieni. ⁶ Kaha uamene nakupezelesa mavu; uatalele naku sanduola miyati. kaha naua na mincinda yamukati viyi sanduolele, kaha na mincinda yamuono haya miaka yatsikamene. Njila yeni yakuyoya. ⁷ Njamuene zimbala zia Kusene mukayando, Zintanga zia cifuti ca Mindiane zia zalele. ⁸ Vononu Yehova pihilile na ndongani? Vutenu vuove vuli hali vandonga, ni cipue uanienguele na mema a kalunga ni. ⁹ Ua nehele vuta vuskuhona kufuika; visingo na miyaka via kele lizi kuhola Selah ua tavuile mavu nava ndonga . ¹⁰ Mincinda yakumuene, na kuivua vuama. Kalunga kamena apitile; ndzinga ya handekele na lizi liayo, kaha yoluele mavoko ayo kuilu. ¹¹ Litangua na ngonde viamene ngoco muvukalo vuavio, omu ceke camivi yavo omu yahitile, omu kuviakuma ca likunga liove liku viazima. ¹² Ua pulakana cifuti namatoto; ua zunguile miyati na vutenu. ¹³ Ua tuhukule nakuohiela vantu vove, uatuile mbandu kumutue uakundzivo ya muka vipi. nakusolo luvala nakuheta kutsongo. Selah ¹⁴ Ua tuvile mutue ua masualale veni na milamu yeni ivene: vezile ngueni cinkumba nakunji sanduola; vazolele nakulia muhutu kusuekesa, ¹⁵ Uendele ha mema akalunga na tuvalu vove, mutumbo ua mema akama. ¹⁶ Njavuile, kaha muvila uange uazazele milungu yange ya zazele omu muliezile lizi lize; kupola cakovelele kuvitsiha viange, kaha njazakama muhela uange; muomu njatela kutumamena kulu litangua lia kayando, kuiza ca vantu vaze vatu kovelela. ¹⁷ Vutuhu mukuyu uakuhona kutema ntsani cipue vusuka kavukakala kumiyati ya viniu; vipanga via olivela vikahonoua, namehia ka akema viakulia; navutanga vukavatuka kulimba, navutanga vukavatuka vukakala kutanga. ¹⁸ Cocimo njaviukilila muli Yehova. Ange njikuviukilila muomu Njambi napu muovole uange. ¹⁹ Yehova muata uange ikeue ndzili yange uakulingisa viliato viange ngue viliato via ntava, kaha akanjendesa hamulundu uavaka kuimba hatulialia tuange.