¹ Kaha cakele ngecize omo vantu vavalekele kulanahano hamavu navana vava mpuevo vasemukile kuli vakekovo, ² Vaze va Njambi vamuene nguavo vana vava mpuevo vavantu vaviuka. kaha vali mbatele muvumpuevo , Uose iva hangula kuli vakeko. ³ Yehova uahandekele, ''Muzimu uange kau kasala mumuntu haya miaka, muomu mukeko vaka tumama miaka 120'' ⁴ Vikisikisi vakele hamavu muma tangua aze, na kutualelaho. evi via solokele omu vana va Njambi vambatele vana va vantu, vasemene vana navakevo. ava vakele va mala va zindzili, vamala vakutsimana. ⁵ Yehova ua muene ngueni vupi vuakamena muvantu hano hamavu, kaha naua visinganieka vivavalekele navio mukati kamitima yavo yaipi yatualeleleho. ⁶ Kaha Yehova nua lisimuine ha panga ceni vantu hano hamavu, kaha canehele ciniengo kumutima ueni. ⁷ Kaha Yehova ua handekele, ''Njika zimangana muntu Ou inja vumbile kufuma helu lia mavu muntu na tusitu, na viuma viekukalava na tuzila va muilu muomu nja lisisimuona omo nja va pangele. ⁸ Vunoni Noa uamuene kavumbi kumeso aYehova. ⁹ Evi vikeko viuma via pandamesele kuli Noa. Noa ukele muntu mukatsiliela, kaha kakele na mulonga hakati ka vantuhatsimbu yeni. Noa uandele hamo na Njambi. ¹⁰ Noa uakele cisemi ca vana vatatu: Seme, Hame, na Yafeta. ¹¹ Kaha naua mavu apihile kumeso a Njambi, kaha asulile na luozi. ¹² Njambi uamuene mavu; kutala, apihia, muomu mivila yose ya pihisile njila yavo hano hamavu. ¹³ Kaha Njambi ua handekele kuli Noa, ''njamono ngecize e i ntsimbu yakumanesa mivila yose, muomu mavu ana suluka na luozi kuli vakeko. cili vene, njika vanieka hamo na mavu. ¹⁴ Lipangele vuato vua muti ua ngofele. tungenu zihondo mu vuato, kaha uka uzike na ngongsi, muntima na hambandza. ¹⁵ Kaha mukemo mu ukafunga: mukulava ca vuato vukakale 300 zikuvitu; namu vuihi vuavo makumi atanu azikuviti, na mukutuntuka cavuo makumi atatu a zikuvitu. ¹⁶ Pangeni ciluli ca ha vuato, naku manesa zikuvuti imo ukamanese kufumama halu lia cihanda ukahaka lipito kumukulo ya vuoto na zihondo ya kuintsi, ya hakati, kaha nei yahelu. ¹⁷ Ivuilila, holo njineha livazi lia mema hamavu, na kuenieka mivila yose ize ili na muomu muitsi ya lilu.viose vilihamavu vikatsa. ¹⁸ Vunoni njikatunga litavasianonove. mukakovela muvuato, nove,na vana vose, na vampuevo ziove, na vampuevo zia vana vove. ¹⁹ Kuviose kuyoya viantsitu vavali vakumuyati uose ukaneha muvuato, muku vayoyesa hamo nove, vose vayala vampuevo. ²⁰ Kutu zila kumuyati uavo, na kutsitu kuyati uavo, na kuviuma viose via kukalava hamavu kumuyati uavo, vavali kufuma kukuhangula vikeza kuliove mukuviyoyesa. ²¹ Likunguluiile ove livene muyati ya via kulia vive kulia, kaha uviunge, linga vikakale viakulia viose navakeko.'' ²² Mukeko mualingile Noa. ngue muze mua mukambele Njambi kaha ua lingilemo.