¹ Hanima yevi viuma lizi lia Yehova liezile kuli Avilama mucimona, ngualio, '' Kati uivue, vuoma Avilama! Yange ntelo yove na cilunguiso cove cakama.'' ² Avilama ngueni, ''Mukuluntu Yehova, vika vimukunjihia, muomu njatualelela cakuhona muana, na suana uamu ndzivo yange ikeye Eliezele ua ku Dameseka?'' ³ Avilama ngeni, ''Muomu kauanjihiele cikota, tala, umo akasemuka mundzivo yange akakala suana yange?'' ⁴ Kaha, tala, lizi lia Yehova liezile kuli ekeye, ngualio, ''uyala kakakala suana yove; olondzo cipue ou akafuma kumuvila uove livene akakala suana yove.'' ⁵ Kaha ua mutuhuile hambandza, na kuhandeka ngueni, ''Tala kuilu, na kuntunda zintanga ntanga, ngueni ukuasa kuvatanda.'''kaha uahandekele kuli ekeye ngeni, ''kaha nacikota cove mucikakala.'' ⁶ Kaha ua tsilielelele, muli Yehova, kaha cikeko camu tandeleleko kuvusuga. ⁷ Ua handekele kuli ekeye ngueni, ''Yenge Yehova, ua kufumisile mu Uli yavaku Calidene, nakukuhia cifuti ciuka suanamo.'' ⁸ Ua handekele ngueni, ''Muata Yehova, ''njaka ntantekeya vati ngeni njika suana?'' ⁹ Kaha ua handekele kuli ikeye ngueni, ''njinehele ngombe ua citole ua miaka itanu, mpembe ua miaka itanu, na livembe na nualivembe.'' ¹⁰ Kaha ua nehele evi viose, naku viteta havali, nakutalasiana vihandua, olondzo kahanguile tuzila. ¹¹ Umuo muvasulukile tuzila hamavu hali ntsitu, Avilama uava sekuile. ¹² Umo litangua lia lahukile hamavu, Avilama ua lahukile mutulo kaha, tala, milima yakama ya muzingilikile naku muvuisa vuoma vuakama. ¹³ Kaha Yehova ua handekele kuli Avilama, ''Ntantekeya mpunda nguove cikota cove cikakala cavu ngendzi mucifuti cize kati cavo, kaha vakakala vandungo naku vayandesa ha miaka makulukazi auana. ¹⁴ Njika sompesa cifuti cize civaka pangelamo kaha kunsongo vakatuhukamu na vufuko vuavo vuingi. ¹⁵ Olondzo mukaya kuli vaisuenu muku unda,, kaha vakamitsinda muvia cili via vuzinakazi. ¹⁶ Kaha mu cisemuniuna camu ciuana vakahiluka kuno naua, muomu vupi vuavaka Amolite kanda vuheta na ntuintui yavo.'' ¹⁷ Kaha uno lia lahukile tangua kualavele, talenu, ndoho yatuhia nakukakumuka muisi na mumuni ua hitile ha kati ka vivalavala via ntsitu. ¹⁸ Halitangua lize Yehova ua kutile civuasiano na Avilama, ngueni, ''Kuli vaka cikota, kufuma ku ndonga ya Ingito sui na kundonga uakama, ua Eliphate - ¹⁹ va Kenite, vaka kenizete, vaka kadimonite, ²⁰ Vaka Hitile, vaka Peizete, vaka Refate, ²¹ Vaka Amolite, vaka Kanana, vaka Gigashite, nava Njevusite.''