¹ Kaha Avilama vaile ku Ingito kaha uaile mu Nevele, ikeye, na mpueyeni, kaha naviose vize viakele navio. Lote neni uaile navo. ² Kaha Avilama uapitile cikuma muvimuna, mu palata na mu olu. ³ Uatualeleho navungendzi vueni kufuma ku Nevele nakuya ku Mbetele, kucihela kuze mbalaka yeni kuyakele laza, kukati ka Mbesele na Ayi. ⁴ Uaile kucihela kuze kuakele mutula uakele uatungile laza kuze kuasanene lizina lia Yehova ⁵ Kaha Lote, uze ua kuenda na Avilama, Naikeye uakele namatanga, na milaka, kaha nazi mbalaka. ⁶ Cifuti kacasele kuvakuasa vose kuyoyela muhiehi hamolika, muomu vikuatakuata viavo vialanene, mangana vahone kutumama hamolika. ⁷ Naua, kuakele kulizungila mukati ka tuniungi tuavimuna va Avilama na tuniungi tuavimuna va Lote. vaka Kanana navaka Pelizeu vakele mucifuti cize hali ize ntsimbu. ⁸ Kaha Avilama ua handekele kuli Lote ngeni, ''Kati mukale kulizoza mukati kove nange, namukati katuniungi tuove na tuniungi tuange; muomu, muvusoko vuetu. ⁹ Keti cifuti cose cove? Tualelaho kuli fumusa ove liavene kuliange kucilio. cipue ngue ukaya kucilio, kaha ange njikuya kucimosue.'' ¹⁰ Kaha Lote uatalele talele kaha uamuene ngueni cuma cose ca Yondau muakele mema kuose munjila yaku Ziongua muliakele lihia lia Yehova, ngue lifuti lia Ingito. Omu ntsimbu kanda Yehova kuenieka sondoma na ngomola. ¹¹ Kaha Lote uahanguile liavene cana cose ca Yondau nakuya kuvucelo, kaha vavusoko valitepele. ¹² Avilama uatumamene muli futi lia Kanana, kaha Lote uatumamene muzi mbaka zia mucana. uahakele zimbalaka zieni kulako kufuma ku sondoma. ¹³ Kaha vantu va sondoma vakele vaka indzi na vupi vua Kanana hali Yehova. ¹⁴ Yehova ua handekele kuli Avilama hatsimbu ize Lote uafumine kuli liakeye, ''Tala kufuma kucihela kuuamene kuli Lote, nakusulu, nakuvucelo nakuvutokelo. ¹⁵ Lifuti liose eli livamona, njika kuavela ove navaka cisemunuino cove ca miaka yose. ¹⁶ Njikavalingisa vamu cisemuniuno cove kukala vakulana ngue makulana ngue mavu ahamavu, navaka cisemua cove vakahasa kuvatanda navo. ¹⁷ Katuka, Enda muvulahe vuaco namu vuihi vuaco vuamuli futi, muomu njikakuavelaco.'' ¹⁸ Kaha Avilama uambatele mbalaka yeni, kaha uaile nakuyoyela kumiti ya Osiki ya mamele, ikeyo ili ku Hevelone, kaha kuze ua tungile mutula kuli Yehova.