¹ Evi vikeko visemunuino via vana va Noa, vakeko ava, sema, Hane, na Yefeta. Vana vasemukile hanima yalivazi. ² Vana va Yafeta vakele Ngomele,Mangonge, Yavene, Tumbale, Meseke na Tilase. ³ Vana va Ngomele vakele Asekenaze, lifate, na Tangolame. ⁴ Vana va yavene vakele Elisa, Talisi, Kitima, na Ndondanime. ⁵ Kufumaha vantu vakele mumhela uamuciulo vahandekele na kuya kumafuti avo, uli uose muyati ueni, kuesekesa na lilimi liavo, nakumafuti avo. ⁶ Vana va hame vakele kuse, Mizelaime, pute, na kanana. ⁷ Vana va kuse vakele seva, Havila, Sambeta, Lamana Sambeteka. vana va Lama vakele Seva na Ndendane. ⁸ Kuse uakele Ise ya Nimelonde, uze akele uakulivanga kukala mukua vukame hano hamavu. ⁹ Akele ciyambi uakama kumeso a Yehova. Ngoco vahandekele, ''ngue Nimelonde, ciyambi uakama kumeso a Yehova. ¹⁰ Vusungumukilo uakulivanga ua vuangana ueni uekele Mbambete, Eleke, Akande na Kalene, mucifuti ca Sinale. ¹¹ Kufuma kucifuti cize uaile ku Acilia kaha atungile Ninivayi na Lehovote na kala, ¹² Na Lesene, viakele hakati ka Ninivayi na Kala. yakele mbaka ya kama. ¹³ Mizelaime uakele Ise ya Lundime, na Anamime, na Lehambime, na Nafutuhime, ¹⁴ Nava Patulusime, nava Kasuluhime (kukeko kuezile va Faliseo), nava kafotolime. ¹⁵ Kanana uakele Ise ya Sindone, muomu uandala, na Hete, ¹⁶ Kaha naua va yandesele, va ka Amuleu, va Ngilengaseu, ¹⁷ Va Hevelu, va Sineu, ¹⁸ Va Alevandeu, va Zemaleu nava Hamateu. kufuma haze Miyate yava kanana yatandeleleko. ¹⁹ Na Zindinda zia va kanana zia fumine ku Sindone, kutalekesa ku Ngelale, kulako ngue ku ngaza, kaha omu muaile kutalekesa ku Sondome, Ngomola, Andema na Zemboime, kulaku ngue Lase. ²⁰ Ava vakeko vana va Hame, kumiyati yavo, kumalimi avo, kuvihela viavo, na kumafuti avo. ²¹ Vana vasemukile naua kuli Seme muanaye ua mukulutu ua Yafete. Seme uakele naua ntsekulu ua vantu vose va ku Evele. ²² Vana va Seme vakele Elame, Asulu, Alepacande, Lundu, na Alame. ²³ Vana va Alame uakele uze, Hulu, Ngetele, na Manase. ²⁴ Alepacande uakele Ise ya Sele, kaha uakele Ise Evele. ²⁵ Evele uakele navana vava mala vavali. umo lizina lieni ikeye Pelenge, muomu kumatangua eni mavu alipangele. Na lizina lia muanaye likeko Yoketane. ²⁶ Yoketane uakele Ise ya Alemondande, Hazalamavete, Yela, ²⁷ Handolame, Uzale, Ndikela, ²⁸ Ovale, Avimaele, Seva, ²⁹ Ofile, Havila, na Yambambe. vose ava vakele vana va Yaketane. ³⁰ Kaha muhele vukalo uavo mua fumine ku mesa, Hantunda ya kufuma ku Sefate, muncinda ua kuucelo. Ava ³¹ vakele vana va Seme, kukala ngue kumiyati yavo na kumalimi avo, kumihela yavo, kuesekesa na mafuti avo. ³² Eyi ikeko miyati ya vana va Noa, kuesekesa naku mazimo avo, ku mafuti avo. kufuma halievi mufuti ali handunuine nakundanda hamavu hanima ya livazi.