¹ vononi mu mua hitile miaka likumi na iuana njaile ku Yelusalema hamo na Mbanambasa, njambatele na Tito kuya neni. ² Njaile vuno muomuo ya kusoluela kaha vaviukisile muzimbu uacili uze uja tangesa mukati kava vakua cifuti. Nja handekele kuali kalietu navaze vasolokele kulema , mangana nji ka linge mucano ngunge ange jaku ntunta amba kaja ntuntile cangoco. ³ Vunoni keti cipue Tito, ou uakele nange kaha uakele ka ngelengu, va mu nsindikile kulovoka. ⁴ Va muanetu va va mala va makuli vezile mu nsuamusioka linga va vataletale vua na vutulinavuo muli kilisitu Yesu. Vazangele vatu puise va ndungo, ⁵ vunoni katua suamene muku tamunuka kuli vakevo ha ntsimbu yaindende linga vusunga vua zimpande zia cili zika sale nenu. ⁶ Vuno vaze vasolokele ngue va lemu (viose viva kulinga kaviasi na ndava kuliange, Njambi kasoluele kahandu)- vaze, njinambe, vaze vasolokele ngue va leme nevi viva hakeleleho kuliange viahi. ⁷ Kumutamba ukuavo, vamuene nguavo vana njikundika na zimpande zia cili kuli vaze kavoloka ngece Petulu va mu kundikile na zimpande zia cili kuli vaze va kulovoka. ⁸ Omu Njambi, uazatele muli Petulu via vu positolo kulivaze va lovoka kaha naua uazatele muliange kuli va kua cifuti. ⁹ Vunoni Tiangu, Sefase, na Yoano vaze va ntsimanene ngue zingundzi, vamuene kavumbi kaze kava njihele, vanji hele livoko lia cilio liaku kunguluka kuli Mbanambasa na nge. Vali vuasanene nguavo tuye kuli vakua cifuti manga vakale va lovoka. ¹⁰ Va vundikile kaha nguavo vanuke vihutu, cikeko eci cuma cinja zangele kulinga. ¹¹ Vunoni omu Sefase muezile ku Antioka, njamu vianene kuloholo lueni muomu uamene ua ku viana. ¹² Oh tekanda va mala vamo veza kufuma kuli Tiangu, Sefase ua kuliana va ku cifuti. Vunoni muvezile ava vamala, uecele kaha uafutukileko kuli vakua cifuti. ua viule vuoma vua vaku sindieya ku lovoka. ¹³ Ceka vose va Yundeya valinge hamo civembulu. Ngecize Mbanambasa vamu tanguile na civembulu cavo. ¹⁴ Vunoni mu nja mueni vilinga viavo kavia kavangeya mucano ua zimpande zia cili, njambele kuli Sefase kumeso avo vose, "ngue umuka Yundeya vunoni una kuyoya ngue mu kua cifuti kaha keti ngecize muka Yundeya uku sindiaya vati va kua cifuti kuyoya ngue va ka Yundeya?" ¹⁵ Etu vavene tuva Yundeya naku semukilamo kaha keti va kua cifuti va vupi; ¹⁶ Vunoni tuesiva nguetu na muntu kuvanga mulu tsilialo lua kilisitu Yesu. Netu tuvose tua tavela muli kilisitu Yesu mangana tukovoke mu mucano muli kilisitu kaha kati navi mpangi via zi simbi. Muomuo havi mpangi via zisimbi na muvila uahi u kovoka. ¹⁷ Vunoni ngue tuku tonda kuovoka muli kilisitu, netu vatu uana ngue tuva vapi, kaha kilisitu ikeye ngamba ya vupi ni? katiimo houe! ¹⁸ Kaha ngue nji kutungulula vize viuma natsimbu imo vi njeniekele, nji ku lisosola ngue njimu kaku vulumina. ¹⁹ kaha kuhitila mu zisimbi nja tsile kuzisimbi, ngece njika yoyele muli Njambi. ²⁰ Vanji nsukika na Yesu. Kati yange naua ana kuyoya, vononi kilisitu ana ku yoyela muliange. Ou muono unjiliuo mu muvila njayoyela ku kutsiliala muli muana Njambi, ou njizangele kaha ua lihele yavene haliange. ²¹ Kanja handunuine likozi lia Njambi, muomuo ngue vuviuke tuku vuuana mu zisimbi, kaha kilisitu ua tile via ngoco!