¹ Kaha Yehova ua handekele kuli Mosesa ngueni, '' Homoye kuli Faloa nakumuleka nguove, 'Yehova, Njambi yava Hevelu, nahandeka evi: ''Eca vantu ziange vaye mangana vahase kunjizimbageya ange.'' ² Vunoni ngue ukuva vianesa kuya, ngue ukavahiluisamo, ³ Kaha livoko lia Yehova likaneha vukalu vuakama kuvimuna ziove vali kumusenge - hatuvalu, vimbulu, tuvalu, vangombe nava mpanga. ⁴ Kaha Yehova akahandula hakati kavimuna va Isaleli na vimuna vaku Ingito, kaha na umo kasitu uahi uze uapandama kuli va Isaleli akatsa. ⁵ Yehova ua haka ntsimbu; uahandekele ngueni, ''Mene hakeko njikalinga evi viuma mu cifuti.'''' ⁶ Mukuacele Yehova ua lingile evi: vimunoa vose vaku Ingito vatsile, vunoni ka kuesi naumo cimuna ua Isaleli uatsile, naumo uahi. ⁷ Faloa ua lohelelele, kaha zangamenu, kati hakatse amba umo kasitu uava Isaleli. Vunoni mutuma ueni uakolele, kaha kavecele vantu kuya. ⁸ Yehova ua handekele kuli Mosesa na Alone ngueni, ''Mbatenu mavoko enu akusula na muto ua kupima ku civili. Ove, Mosesa , uatela kumbila muto helu haluhundzi aku Faloa anakumona. ⁹ Vakakala lukungu kaha mucifuti cose ca Ingito. Vakaneha mazuza na zimbandu kuli vantu na tusitu muahita cifuti cose ca Ingito,'' ¹⁰ kaha Mosesa na Alone vakambata muto kufuma kucicili na kumana kulutue lua Faloa. Kaha Mosesa akambila muto helu haluhundzi. Kaha muto ukaneha mazuza na zimbandu ha vantu vose na tusitu. ¹¹ Kaha vakatufuta kavasele Mosesa muomu yama zuza, muomu mazuza akele hali vakeko nahali vose va Isaleli. ¹² Yehova uakolesele mutima ua Faloa, kaha Faloa kevuililile Mosesa na Alone. Eci cakele kaha ngue omu mua handekele Yehova kuli Mosesa ngueni Faloa atela kulinga. ¹³ Kaha Yehova uahandekele kuli Mosesa ngueni, ''Kahinduke cimene pulundundu, ukamane kulutue lua Faloa, kaha uka handeke kuli ikeye nguove, ''Yehova, Njambi yava Hevelu, nahandeka evi: ¹⁴ ''Vece vantu ziange vaye mangana vakanjizumbangeye ange. Hali ino ntsimbu Ange njikutuma misongo haliove yavene, hali vangamba ziove kaha na vantu ziove. Ange njikalinga eci mangana ukantantekeye nguove kauesi mukuavo uakulifua ngue yange hamavu hose. ¹⁵ Hali ino ntsimbu menga njahetasa livoko liange nakulukuka ove na vantu ziove na misongo, kaha ove akulitambuisa kufuma kucifuti. ¹⁶ Vunoni cakele muomu yeci Ange njamitavesele kuyoya: Mangana njimileke zindzili ziange, mangana lizina lianga vazimbule mucifuti cose. ¹⁷ Ove ucili nakulizundula ove yavene hali vantu ziange nakuhona kuveca vaye. ¹⁸ Ivuenu! Mene ngue ino ntsimbu Ange njikaneha luhundzi luakama, olu kanda vamona mu Ingito kufuma hali tangua a lia putikile naku lelo. ¹⁹ Vuavuno ngoco, tuma vamala va kungulule vimuna vose na viose uli navio mumehia kumuhela uacili. vose va mala na vimuna vaze vali mumehia kavava nehele kundzivo - kaha vukalu vukeza hali vakeko, kaha vakatsa.'''' ²⁰ Kaha vaze vangamba zia Faloa vaze vatsilielele mazi a Yehova vazanguuisile nakuneha vandongo ziavo navimuna mundzivo. ²¹ Vunoni vaze vose kavambatele mezi a Yehova cikuma nakuseza vimuna ziavo mumehia. ²² Kaha Yehiva ua handekele kuli Mosesa ngueni, ''Olola livoko liove kutalesa muilu mangana kukale vukalu mucifuti ca Ingito, hali vantu na tusitu, navimbuto viose via mumehia mucifuti ca Ingito.'' ²³ Mosesa uoluele mulamu ueni kutalesa kuilu, kaha Yehova uatumene mukalateto, vukulu, na muhiato hamavu, Uanokesele vukulu ha cifuti ca Ingito. ²⁴ Sikoho kuakele vukukalu na mihiato yafutuile na vukalu, kayando kakama, kanda laza kakalaho mucfuti ca Ingito te kanda cikala cifuti cakama. ²⁵ Kuhuta mucufuti cose ca Ingito, vukulu vualukukile vuose via mumehia, vantu na tusitu. Vualukukile vimbuto viose mumehia na kuenieka miti yose. ²⁶ Mucifuti ca Ngosene, muvakele nakoyoyela va Isaleli, kamuakele vukalu cahi. ²⁷ Kaha Faloa ua tumine vantu nakusana Mosesa na Alone ua handekele navo ngueni, ''Njalingi vupi ntsimbu eyi. Yehova ikeye mukavusunga, Ange na vantu vange vakavupi. ²⁸ Vundila kuli Yehova, muomu mihiato na luhundzi luahiana. Ange njikumieca muye, kaha kamusimbula kuno.'' ²⁹ Mosesa ua handekele kuli ikeye ngueni,''Vuavuno munjikuseza mbaka, Ange njikahaka livoko liange hali Yehova. Mikalateto ikakuma, kaha kakukakala vukalu naua. Munjila nkana eyi mukantantekeya cifuti cakundama kuli Yehova. ³⁰ Vunoni enu nava ngamba zienu, Ange njantantekeya nguange kanda mumulemesaho laza Yehova Njambi.'' ³¹ Kaha liniu na sevanda via lieniekele, sevanda yakele navisakasaka na liniu lia samunene. ³² Muomu tiliku na sepeleta kavikuatela muomu ziakele zimbuto ziakulutue. ³³ Omo Mosesa muafumine kuli Falao kaha nambaka yakama, uoluele mavoko eni hali Yehova; mihiato na vukalu vuecele, kaha mema akele nakulahula kakeleko naua. ³⁴ Kaha Falao muamuene mema, vukalu, mikalateto vinahu, Ualingile vupi naua nakukolesa mutima ueni, hamolika nava ngamba zieni. ³⁵ Mutima ua Falao uakolele, kaha kecele vana va Isaleli kuya, ngue muze mua handekele Yehova hamavoko a Mosesa.