¹ kaha na azule, na pulupula, evi vitila, va pangele vizalo via kupanga na vuino, mukupanga kucihela cakulela, naku panga vizalo via kulela via Alone, ngue muasikile Yehova kuli Mosesa. ² Kaha ua pangele efonde ya olu, nazule, na pulupula nevi vitila, na liniu lia kuose muacili. ³ Kaha va pangeleye olu mukala vitasu via kutotoka, na ku iteta mukukala zitsambo, muku ipangesa hamo na azule, na pulupula, nevi vitila, na liniu lia kuviuka, cipangi camuka vuino. ⁴ Va pangele ku ikeyo tundzendze vavali vaha vitsizi, vaku lipandakana; ku zintsongo zivali vaku lipandakana. ⁵ Kaha muiva uaku tunga muacili, uakele ku ikeyo, naku ikulisa, uakele mumo nayo, nakulifua na cipangi cayo; ua olu, na azule, na pulupula, nevi vitila, na liniu lia kuosa muacili, ngue Yehova muasikile Mosesa. ⁶ Kaha va pangele mavue a onikisa, akukukualesa mu vikuateso via olu, aku soneka navisoneka via kadzeya ka cintantekeyeso, ngue kuma zina avana va Isaleli. ⁷ Kaha ua hakele kutu ndzendze vaha vitsizi va efonde, mukukala mavue aku vuluisa vana va Isaleli; ngue Yehova muasikile Mosesa. ⁸ Kaha ua pangele ntelo yaha ntulo, cipanga ca muka muacili kulifua na cipanga ca efendo; lia kuosa muacili. ⁹ Yakele mumo kuvulahe namu vuihi; vapangele ntelo yaha ntulo yaku tsindakana vulahe vuayo ngue kupeka ya minie, yaku tsindakana. ¹⁰ Kaha va kuatesele mu ikeyo mikana iuana ya mavue. Mukana salindiu, topaziu , naka lembunkunu mukakele mukana uakulivanga. ¹¹ Namukana uamu civali, esemelanda, safila, na ndiamenta; ¹² Namukana uamu citatu, yasintu, angata, na ametista; ¹³ Namukana uamu ciuana, mbelilu, na onikisi, na yesepe: va akuatesele mu vikuateselo via olu muvikuateso viao. ¹⁴ Kaha mavue akele ngue kumazina avana va isaleli likumi na avali, ngue kumazina avo; ngue kusoneka ca kandzeya ka cintantekeyeso, munt ku muntu ngue ku lizina lieni, kumiyati ize likumi na ivali. ¹⁵ Kaha hantelo yaha ntulo va pangele malenge ngue mikole, cipanga caku vinda ca olu yakulela. ¹⁶ Kaha va pangele vikuateso vivali via olu, na tundzeya vavali va olu naku haka tundzeya vaze vavali ha mikulo ivali ya ntelo yaha ntelo. ¹⁷ Kaha va hakele malenge a vali a olu aku vinda mu tundzeya vaze vavali ku mikulo ya ntelo yaha ntulo. ¹⁸ Kaha zitsongo zivali zikuavo zia malenge aze avali aku vinda vahakele mu vikuateso vize vivali, nakuvihaka tundzendze vaha vitsize va efendo, ku mutamba uayo uaku lutue. ¹⁹ Kaha vapange tundzeya vavali va ntulo, ku mukulo uayo ku uze ua tala kumukolu ua efendo mu ntima. ²⁰ Kaha vangele tundzeya vavali va olu, naku vahaku ku tundzendze vaze vaze vavali vaha vitsizi va muitsi, ku mutamba uayo uakulutue, hahiehi na cikuateso cayo, helu lia muiva uaku tunga muacili ua efonde. ²¹ Kaha va kutisile ntelo yaha ntulo ha tundzeya vayo ku tundzeya va efonde na mukole ua azule, linga ikale helu lia muiva uaku tunga na muacili ua efonde, kaha ngecize Yehova mua sikile Mosesa. ²² Kaha ua pangele ca efendo ca vipangi via kutunga, cose ca azule; ²³ na katuntu ka cikovelo hakati kaco, ngue katuntu ka cikovelo ca ndzita, na lupula naku zingilika katuntu kaco, linga kati cikavuke. ²⁴ Kaha kumu kunduilo ua cikovelo va pangele zimomasi zia azule,na pulupula, vevi vitila, na liniu lia kuosa ²⁵ Kaha va pangele zingendzo zia olu yaku lela, kuha vahakele zingendzo hakati ka zilomosi kumu kunduilo ua cikovelo naku zingilika, hakati ka zilomasi; ²⁶ Ngendzo na lomasi, ngendzo na lomasi, ku mukunduilo ua cikovelo naku cizingilika naku panga mu cikeco; ngue Yehova muasikile Mosesa. ²⁷ Kaha vapangele tuzuka va liniu liaku viuka va cipanga cakutunga, kuli Alone, nakuli vana veni. ²⁸ Kaha sapeu ya liniu lia ku viuka, na vizalo via kuviuka viaku mitue via liniu liaku viuka, kaka vakalasau via liniu, via liniu lia kuosa muacili. ²⁹ Kaha muiva ua liniu lia kuosa muacili, na azule, na pulupula, nevi vitila, cipanga ca muka kuteleka; ngue Yehova muasikile Mosesa. ³⁰ Kaha va pangele citasu ca olu yakulela caku cilongo caku kulela, kaha va sonekele ha cikeco cisoneka, ngue cisoneka ca kandzeya ka cintantekeyeso, UAKU LELA KULI YEHOVA. ³¹ Kaha va kutile ku cikeco mukole ua azule, nakucikutisa ku sepeu ha lutue; ngue Yehova muasikile Mosesa. ³² Mukemuo muva manesele vipangi viose via tavenakulu yambalala ya ciuaneno: na vana va Isaleli va lingile viose muze Yehova muasikile Mosesa muva lingile. ³³ Kaha va nehele tavenakulu kuli Mosesa, mbalaka, na vitenga viayo viose, vikuateso viayo, na mavaya ayo mikambo yayo, na zingundzi ziayo, na maninga ayo; ³⁴ na cifuiko ca vilambu via vizamba va tusitu vamu kalunga, na ntanga yaku fuika yaku cifuiko; ³⁵ cikasa ca vukaleho, na mikambo yaco na cituamo ca cikeketima. ³⁶ Mesa, vitenga viayo viose, na muka uaku lekesa; ³⁷ ndeya yaku lela, zindeya zize vene zia ku viukisile lumo, na vitenga viayo viose, na mazi akundeya; ³⁸ na mutula ua olu, na mazi aku vuavesa, na vihemba via ku lembunuka, na cifuiko caku mbelo ya mbalaka; ³⁹ mutula ua nkengelezi, na vuanda vuavo masela vuanda vua nkengelezi, mikambo yauo, na vitenga viauo viose mbasiya na cilioto cayo. ⁴⁰ Zintanga zia ku citungu, zingundzi ziaco, na mununga aca, na cifuiko caka mbelo ya citungu, mikole yaco, na zimbongo ziaco, na vitenga viose via ku vipangi via tavenakulu, ku mbalaka ya ciuaneno; ⁴¹ Vizalo vize via kupanga na muacili nakupanga navio mu cihela cakulela, na vizalo vize viaku lela via Alone sasendote, na vizalo via vana vevi, naku panga navio ku cipanga ca vusasendote. ⁴² Ngue ku viose vize Yehova ua sikile Mosesa, mukemuo vana va Isaleli va pangele cipangi cose. ⁴³ Kaha Mosesa ua muene cipanga cose. kaha tala, vana cilingila; muze mua sikile Yehova mukemuo vene muvana cilingile; kaha Mosesa uava vezikisile.