¹ Kaha eci cikeko ciuatela kulinga kuvalelesa kuliange mangana vazatele ange ngue vasasendote. Mbata muana Ngombe na vizamba vavali vaze kavesi na mapenga, ² Muka uakuhona cimbaluila, na tumbolo tuakuhona kufutula na mazi na tumbolo kakuesi cimbaluila tua viakuhia muacili. ³ Uatela kuvahaka mucizuma ca likaliavo, avanehe vakeko mucizuma, kaha akavasoluesa vakevo na muana Ngombe na vizamba vavali vana mpembe. Ove uatela kusoluesa Alone na vana veni vavamala ha mbelo ku mbalaka ya lukungulukilo. ⁴ Ove uatela kutanesa Alone navana veni mumema. ⁵ Uatela kutuala vuzalo na kumuzika Alone na cikovelo ca efonde, kaha na efende, na ntelo yaku ntulo, kumuzitika na muiva uze ua efende kuzingulula ikeye. ⁶ Uatela kuhakasapau hamutue ueni kaha nakuhaka cilongo ha sapeu. ⁷ Kaha mbata mazi akuuavesa na kumuaniana hamutue ueni, kaha munjila yeni ukamuuaves ikeye. ⁸ Uatela kuneha muaneni uayala namuzika cikovelo hali uakevo. ⁹ Uatela kuzika Alone navana veni nakuva zitika na miva kaha nakuhaka vuzalo hamitue hali vakevo. vipangi via va sasendote vakakundama kuli vakevo kunahu ¹⁰ Uatela kuneha vose vana vava ngombe ngombe kumeso alukungulukilo lua tavanakulu, kaha Alone navana veni vatela kusaleka mavoko avo hamutue ua ngombe. ¹¹ Ove uatela kutsiha muana ngombe Yehova ha mbelo ya mbalaka ya ciuaneno. ¹² Uatela kumbata maninga omo a muana ngombe nakuhaka halumbinga lua muntula na munie uave, kaha uatela kumuania maninga ose ha muntula. ¹³ Uatela kumbata mazi ose aze afuika vilio viamukati, kaha naua ukambate afuika kumasuli na zintso zivali zili namazi hali vakevo; nakuvitsimka ha muntula. ¹⁴ Vunoni hatsimbu ya muana ngombe, nacilambu ceni na vufuati vieni, uatela kuvitsimika hambandza ya cilombo. cikakala cikombelo ca kuvupi. ¹⁵ Uatela kumbata cizamba umo, kaha Alone navana veni vatela kusaleka mavoko avo hamutue ua cizamba. ¹⁶ Uatela kutsiha cizamba, kaha maninga eni nakusapuila hose ha muntula. ¹⁷ Uatela kuteta cizamba muzimpindi na kukusa vilio vieni viakati na mikono yeni, kaha uatela kuhaka vilio viamukati, hamolika na zimpindi zieni na mutue ueni, ¹⁸ Ha muntula. uka tsimika cizamba uose. cikakala cikombelo kuli Yehova ¹⁹ Uatela ceka naua kumbata cizamba mukuavo, kaha Alone na vana vni vava mala vatela kusaleka mavoko avo hamuntula ueni. ²⁰ Kaha uatela kumbata maninga amo eni. Nakuhaka mulituitui lia Alone lia cilio, nakutsongo ya lituitui lia vana veni, kumunie ua cinietete kumavoko avo a cilio, na kumunie uakama ua kuvipunga viovo. kaha uatela kusapuila maninga hose ha muntula. ²¹ Uatela kumbata maninga amo aze ali ha muntula na amo mazi akuuavesa, kaha naku sapuila ose hali Alone na havuzalo vieni, nahali vana veni naha viuma viavo, Alone akatela kuliange, navuzalo vieni, vana veni na vuzalo viavana veni kuli ikeye. ²² Uatela kumbata mazi acizamba, mazi akmikila, mazi aze afuika vilio viamukati, afuika lisuli, zintso zivali na mazi hali vakevo, na ntumba ya kucilio ya uze cizamba na kukudika vasasendote kuliange. ²³ Mbata umo muka, na mbolo yamuka ivapange na mazi, kaha a imo ya kuuavesa kucizuma ca muka ya kuhona cimbaluila kumeso a yehova. ²⁴ Uatela kuhaka evi mumavoko a Alone na mumavoko avana veni nakuvingeleya kumeso ange kusengeleya cikombelo kumeso a Yehova. ²⁵ Uatela ceka kumbata viakulia kufuma kumavoko avo nakuysimika ha muntula na cikombelo ca kutsimika. Vukufumisa vueko viakulembuluka viange; Vikukala cikombelo civanjipangele ange kutuhia. ²⁶ Uatela kumbata nkundo ya cizamba na Alone ua nakusengeleya ngue cikombelo ca kusengeleya kameso a Yehova, kaha ikeko ikakala mutamba uove. ²⁷ Uatela kulelesa nkundo ya cikombelo cakusengeleya na ntumba ya cikombelo caku lihana cava sasendote - hamolika na nkundo ize iva sengeleya na ntumba ize avahanene ya Alone navana veni. ²⁸ Eci cikakala ca Alone na vana vine. cikakala ngue kungungukula kufuma kul vana vava Isaleleli nakuhia Yehova kufuma kuli vana vava Isaleli nakhia Yehova kufuma kucikombelo cavo cakuunda. ²⁹ Kaha vuzalo viakulela via Alone uatela naua kukala kucikota cakunima yeni. kaha vakeko vakauavesa na mazi muvikevio nakuvakudika kuliange muvikevio. ³⁰ Sasendote uze amusuanene ikeye kufuma hakati kavana veni vava mala, vaze vezile mu mbalaka ya ciuaneno na nakinjizatela ange mucihela cakulela, kuzala vuzalo mumatangua atatu navali. ³¹ Uatela kumbata cizamba uakukundika uana sasendote kuliange nakumuteleka tsitu yeni mucihela cakulela. ³² Alone navana veni vatela kulia tsitu ya cizamba na muka uze uli mucizuma ha mbelo ya mbalaka ya ciuaneno. ³³ Vatela kulia na muka uze uvahiele kukusambesa vakeko na nakuvakundika vakeko, nakuvalelesa kuli ange. kakuesi mukuavo akulia viakulia, muomu vayela kuviviukisa ngue kukundika kuliange, muomu vialela kuliange. ³⁴ Ngue nkala tsitu yiva kundikile kucikombelo, cipue nkala muka, ukusalaho mukukuca cimene, vatela kukutsimika. kuvatela kuulia muomu vau lelesa kuliange. ³⁵ Munjla nkana eye, nakuvakuvangeya viose vize vinja handekele enu kulinga, muatela kuviukisa Alone na vana veni. Matangua atanu navali muatela kuvaviukisa vakeko. ³⁶ Matangua ose uatela kukombeleya muana ngombe ngue cikombelo ca vipangi mukusambesa. Uatela kuvukisa mutula nakupanga kusambesa muli cikeko, kaha uatela kuuavesa kukulelesa eci kuli Yehova. kaha mutula ukakama kulelesa kuliange. ³⁷ Kaha mumatangua atanu navali uatela kusambesa mutula nakuulelesa kuli Yehova. Kaha mutula ukakuma kuulelesa kuliange . Viose vikakuata mutula vaka vilelesa kuli Yehova. ³⁸ Uatela kulinga cikombelo ha mutula matangua ose vana va mpanga vavali va muaka umolika. ³⁹ Mpanga umo uatela kukumbeleya mucinguezi. ⁴⁰ Ku mpanga uakavanga, kukombeleya likumi ua efa ua vunga vua kuhia satu vua hine yamazi akutua: kaha mulambu uamu ciuana ua hine ya viniu ngue cikombelo ca kunua. ⁴¹ Uatela kukombeleya mpanga uamucivali kuci nguezi. Uatela kukombeleya azevene manona akukombeleya ngue mucimenemene, kaha navimosi ngue cikombelo cavia kunua. Evi vikatuhula vueko velembuluka kulianga; cikakala cikombelo civanjipangela ange natuhia. ⁴² Evi viatela vene kutala cikombelo cakutsimika kuhitila mumazimo ove, hambelo ya mbalaka ya ciuaneno kumeso a Yehova, kukeko Ange kunjikaliuana nenu nakuhandeka nenu kuze. ⁴³ Kukeko kuze Ange kunjikaliuana nava Isaleli; mbalaka ikalela havumpau vuange. ⁴⁴ Ange njikalelesa mbalaka ya ciuaneno kaha na mutula uavaze vakundama kuliange likaliange. Ange naua njikalelesa Alone navana veni kunjipangela ange ngue vasasendote. ⁴⁵ Ange njikayoyela mukati kavana va Isaleli kaha njikakala Njambi yavo. ⁴⁶ Vakantantekeya nguavo Ange yange Yehova, Njambi yavo, avafumisile vakevo mucifuti ca Ingito mangana Ange njase kukala mukati kavo. Ange yange Yehova Njambi yavo.