¹ Njambi uandekele mezi aua ose ngueni: ² ''Yange Yehova Njambi yove, uze ua uamifumisile mu cifuti ca Ingito, ku ndzivo yange ya vungugo. ³ Kati ukakale na Njambi weka kumeso ange. ⁴ Kati uka lipangele cifua ca kusonga amba cifwa ca kala cuma cili muintsi yamema, ⁵ Kati ukalikotamese kuvikevio amba kuvihia kavumbi, muomuo yange yehova Njambi yove,yange Njambi ua lifuua. njikahetesa vupi vua vaise kuli vana ku lizimo lia mucitatu neli liamu ciuana ha vakua kunjizinda. ⁶ Njika muesa ngozi ya cilemo ku makulakazi avaze vanjilema na kunuinga mezi ange alusiko. ⁷ Kati utumbule ngoco lizina lia Yehova Njambi yove mu ngoco,muomu kanji kamusambuesa uze aka tumbula lizina liange ngoco. ⁸ Vulukenu litangua lia Sambata, kuli hanguila ange. ⁹ Ukapanga naku linga vipangi viose mumatangua atanu na nalimo. ¹⁰ Vunoni litangua lia mu citanu na avali likeko litangua lia Sapalo lia Yehova Njambi yove.kulikelio kati uka linge vipangi navimo viahi, viose amba muanove ua yala,amba muanove ua mpuevo,amba ngamba yove uayala amba ngamba yove ua mpwevo,amba cimuna cove, amba ngendzi yove ali mukati ka zimbelo ziove. ¹¹ Muomu mu matangua atanu naki limo Yehova uatangele lilu na mavu, na mana avu kalunga, na viose vili mu vikeko, kaha ua huimine ha litangu lia mu citanu na avali. Ngoco vene Yehova ua lelesele lia mu citanu na avali na kuliha ngangulaho. ¹² Singimika iso na noko, linga matangua ove akalane mu cifuti cize cali kukuhia Yehova Njambi yove. ¹³ Kati ukatsihe. Kati ukalinge vupangala. ¹⁴ Kati ukeve. ¹⁵ Kati uavangele mukuenu. ¹⁶ Kati ukavangele mukuenu. ¹⁷ Kati uka liveye ndzivo ya mukuenu Kati uka liveye mpuevo ya mukueu, amba ngamba yeni ua yala, amba gamba yeni ua mpuevo, amba ngamba yeni, amba cimbulu ceni amba nkala cuma ca mukuenu. ¹⁸ Kaha muntu vamumuene mihiato nakuzima, na lizi lia luneta, na muncinda kutsima muisi. kaha vantu omu mu muvanimuene, vazazele na kuya na nakumena halako. ¹⁹ Valekele Mosesa nguavo, Handekako ove netu, kaha tu kevuako; Vunoni Njambi kali ka handeka netu, kutina tukutsa.'' ²⁰ Mosesa ualekele vantu ngueni, ''Kati muivue vuoma, muomu Njambi neza muku mieseka linga ka muka vuila vuoma kukala ku meso enu, mangana kati mulinge vupi. ²¹ Kaha vantu vamene halako, na Mosesa ua suenene kumiziviliko ya kulava vui kuze kuakele Njambi. ²² Yehova ua lekele Mosesa ngueni, ''Omu ukahandeka nava ka Isaleli: 'Enu vavene muamono njahandeka neni kufuma muilu. ²³ Kati muka pange va njambi veka hamo nange, va njambi va palata amba va njambi va olu. ²⁴ Muka njipangele mutula ua livu, uka kakombeleho vikombelo viove via kutsimika, na vikombelo via ciyulo, mpanga vove na vangombe vove.kumuhela uose kuikavuluisa lizana liange, njikeza kuliove naku vezikisa. ²⁵ Kaha uka panga mutula ua mavue, kati ukapange na mavue aku songa, muomu ngue uku hakaho vinoma viavo, una u zualesa. ²⁶ Amba kati ukalonde ku mutula uange ha zindondelo, ku tina vuntselentsele Vuove vusoloisa.ke ha ukeuo.