¹ Kaha yala uaku muyati ua mbatele Levi mpuevo ua Levi. ² Kaha mpuevo uze akale na lizimo ua semene muana ua yala. Kaha omu muamumuene uze muana ua yala uacili, uamu vandesele zingonde zitatu. ³ Vunoni kasele kumu vandesa naua, uamu tentuilile cikasa ca makove nakucizika na mbetume na ngongasi. Kaha uahakelemo kakeke mukeko kaha ua cihakele mucihongo mumema kumukolu wa ndonga. ⁴ Kaha muanaye uamene ha laako nakutala vikusoloka kuli ikeye. ⁵ Muana Falao ua sikumukile nakutana ku ndonga vana va vampuevo vendele kumukulu ua ndonga. Ua muene cizuma hakati cihongo kaha uamutumine ngamba yeni ua mpuevo kuya nakuci hianga. ⁶ Ua cifukuile, uamuene kakeke. Tenu, kakeke akele nakulila. Kaha uamu vuililile ngozi naku handeka ngueni, ''Ou ikeye umu muana ua vaHevelu.'' ⁷ Kaha muanaye ua handekele kuli muana Falao ua mpuevo ngueni, ''Njikuya naku kulengeleya mpuevo ua vaHevelu linga amuise muanove?'' ⁸ Kaha muana Falao ua mpuevo ua handekele kuli ikeye ngueni, ''Hamoye.'' Kaha muana ua mpuevo uaile na kumbata naye ya kakeke. ⁹ Muana Falao ua mpuevo ua handekele kuli naye ya kakeke ngueni, ''Mbata ou muana kakeke na kunjamuisilaye, kaha njikakuhia fueto yove.'' Kaha uze mpuevo ua mbatele kakeke naku muamuisa. ¹⁰ Kaha kakeke mualingile nakolo, uamu nehele kuli muana Falao ua mpuevo, kaha uakele muaneni ua yala. Kaha uamulukile lizina ngeni Mosesa, ''Muomu Ange njamufumisile kumema.'' ¹¹ Mualingile Mosesa nakolo, uaile kuli vantu veni uamuene vipangi viavo via zindzili. Ua muene muka Ingito anaku veta kaHevelu, umo uaha vantu veni. ¹² Kaha ua talele noku nuko kaha munjila nkana ize, kaha omu muamuene ngueni kakuakele amba umo kuze, ua tsihile ka Ingito na kusueka muvila ueni mumu sekeseke. ¹³ Kaha uatuhukile mulitangua lia mucivali, kaha, tenu, vamala vavali vaHevelu vakuli veta. Ua hendekele kuli umo uze ua pihisile ngueni, ''Vikandzo ukuvetala mukuenu?'' ¹⁴ Vunoni yala ua handekele ngeni, ''Iya uaku lingisile kukala mukuluntu na ngazi hakati ketu? Ua singanieka kunjitsiha ange ngue muua tsihile ka Ingito?'' Kaha Mosesa uamuile muoma na kuhandeka ngueni,'' Vinja pangele vinapu viku tsimana kuli vakuavo.'' ¹⁵ Vuno omu Falao muacimuile eci, uesekele kutsiha Mosesa. Vunoni Mosesa uatinine kufuma kuli Falao na kutumama mucifuti ca Mindiane. Kuze uatumamene kuhiehi na lisima. ¹⁶ Vuno sasendote ua Mindiane uakele na vana vatanu na vavali. Kaha vezile na kusua mema, vasulisile mato naku nuisa vuntanga vua iseavo. ¹⁷ Kaha tuniungi vezile nakuva sekula, vunoni Mosesa uakatukile naku vakuasa. kaha uanuisile vuntanga vuavo. ¹⁸ Kaha omu muvaheteke kuli Luvene iseavo, ua handekele ngueni, ''Vika vimunezila vuasi lelo?'' ¹⁹ Kaha va handekele nguavo, ''Muka Ingito natuovuele etu kufuma ku tuniungi. Kaha naua natusuililile mema etu naku nuisa vuntanga.'' ²⁰ Ua handekele kuli vana veni vava mpuevo ngueni, ''Kaha ali kuliko? Muomu vika uamu sililile yala? Musane linga ahase kulia viakulia netu.'' ²¹ Mosesa ua tavele kutumama na uze yala, uze naua uamuhiele muaneni ua mpuevo Zipola kumumbata. ²² Ua semene muana ua yala, kaha Mosesa uamu lukile lizina ngueni Ngelesome; ua handekele ngueni, ''Ange nji niamuiza mucifuti ca mbala.'' ²³ Kaha cakele ngecize mukuhita cama tangua aze, muangana ua Ingito ua tsile. nava vana va Isaleli va vindzuokele muomu ya vundungo vuze, Kaha vatambekele na mutambi uavo, uahetele kuli Njambi muomu ya vundungo vuavo. ²⁴ Kaha Njambi muavuile mutambi uavo, Njambi uanukile litavasiano na Avilahama, na Isake, na Yakomba. ²⁵ Njambi ua muene va Isaleli, kaha ua singaniekele.