¹ Hanima yevi viuma, omuo vutenu vua muangana Ahasuelu vua tulile, ikeye uasinganiekele viava siti na vika via lingile. Ikeye naua uasinganiekele via vilumuna vize ikeye via lingile kuli ikeye. ² Ngecize vakuendze vavamala vana va muangana vaze vamu pangele nguavo, ''Ecenu tutondeleko kuli muangana vana vava mpuevo vakuv viuka. ³ Ecenu muangana ahakeko vakakuyula muzindanda ziose zia kuvanga vueni, vakungulule hamo vose vana vava mpuevo vakuviuka ku ndzivo ya vuangana mu Susane. ⁴ Ecenu vekevo vakele mukuvaniunga kuli hangai, muka kuyula ua muangana, iya mukuluntu uava mpuevo, kaha ecenu ikeye avahiele vakevo viavo via kulilelesa. ⁵ Kuze kuakele umosi ka Yundeya kundzivo ya vuangana ya Susane lizina lieni Molendekayi muana Yaile muana Sisane muana kise, yakele ka Mbenjamini. ⁶ Ikeye vamu mbatele ku vundzinda ku Yelusalema hamo na vindzinda hamolika na vaze va mbatele mu vundzinda hamo na Yekoniya, muangana ua Yunda, uze Nevukaneza muangana ua mbambilone yatualele ku vundzinda. ⁷ Ikeye ua lelele Handesa, uze ikeye, Esita, muana nentu ua mpuevo, muomu kakele na ise amba naye. kaha muana mpuevo ua biukile kaha ua viukile mukusoloka. Malendekiye uamu mbatele ngue muaneni ua mpuevo. ⁸ Omuo lisiko lia muangana vali tambekele, vavengi vanahele kundzivo ya vuangana ya DSusane. Vava hakele kuli Hangai kukuvalama. Esita neninaua vamutualele kumutamba ua muangana naku muhaka kuku mulama kuli hangai, kumuluntu uava mpuevo. ⁹ Kaha muana mpuevo ua muviukililile ikeye, kaha uauanene ngozi muli ikeye. Vuasivuasi uamu viukisile vuzalo kaha na mutamba ueni ua viukulia. Ikeye ua muhiele vantu na vavali vangamba vava mpuevo ku mutamba ua muangana, kaha ikeye ua mufumisile na vangamba vava mpuevo kumutamba ua cili mundzivo yava mpuevo. ¹⁰ Esita kava lelkele umosi veya vantu veni cikale vavusoko vakele, muomu Melondekayi uamu vindikile kati ambulule. ¹¹ Matangua ose Melondekeyi uendele munima na mulutue lua cimpaka ha mbandza lia ndzivo yava mpuevo, muku lilongesa via Esita na hinduka, kaha akalinga vati nei. ¹² Omu muvalumukile na kuiza ca muana mpuevo uose na kuya kuli muangana Ahasuele - hanima ya kumulemesa kumasiko kuvana vampuevo kuli likumi na zivali kuzi ngonde, kulieci na kulilelesa yakuviuka cavo cahuile na kulilelesa: Zingonde zitanu na imo yakele na mazi a milana zitanu naimo ya lemba ya kulembuluka na viakulilelesa - ¹³ Omuo vana vavampuevo vaile kuli muangana, amba vuose via lemene va muhielevo kundzivo yava mpuevo, veni nakumbata kunganda. ¹⁴ kucinguezi ua kovelele, kaha na cimene ua hilukile kundzivo ya mucivali ya mpuevo, kaha na kukuvuniunga vua Sasengaze, kaha mukakuyula ua muangana, ikeye mukuluntu ua vaka vuhale. kali kalikahiluka naua kuli muangana kuvanga na mbata cilemo cakama muli ikeye kaha aka musana hali zina. ¹⁵ Vunoni omuo ntsimbu yahetele kuli Esita (muana ua mpuevo ua Avihaile nentu ya alendekayi, ouo ua mbatele ikeye kukala muaneni) kukovela kuli muangana, kali kuhula cimosi vunoni vika Hangai muka kuyula ua muangana, ou ikeye mukuluntu kuva mpuevo, va mbuluile. Vunoni Esita ua tambuile ngozi kuvose vaze va muene. ¹⁶ Esita va mutualele kuli muangana Ahasuele mukukala kuvuangana mungonde ya mulikumi, eyi ikeyo ngonge ya Tevete, ku muaka ua mucitanu na avali ya kuyula ceni. ¹⁷ Kaha muangana ua lemene cikuma Esita kuhiana vose vakuavo va mpuevo kaha ua tambuile, ngozi na cikeketima ha lutue lueni, mukuhiana vose va kuavo vana vampuevo. Ngoco ikeye vamuhakele cilongo ca vuangana ha mutue ueni na kumulingisa ikeye lisano kupulekana Vasiti. ¹⁸ Kaha muangana uahile kuviukilia cakama kuli vose vakuluntu nakuli vangamba veni, ''Esita kuviukilila ceni, ''kaha uahanene milambu kuli vose vaka vifuti. Uahanene naua mulimbu nava kakanda. ¹⁹ kaha omuo vana va mpuevo va likungu luile kamucivali. Malendekayi ua tumamene ha mbelo ya muangana. ²⁰ Esita kalekele umosi via va vusoko veni amba via vantu veni, ngue Melondekayi muamulekele. ikeye ua tualeleho naku kavangeya mua mulekele Melondekayi ngue, '' muanalingi omuo muana singaniekaneni. ²¹ Muli aze matangua, omo Molendekayi ua tumamene kumbelo ya muangana, vakakiyula vavali va muangana, Mbingetone na Telese, vaze valamene njila ya mbelo, vakele na vutenu na kusinganieka kulua na muangana Ahesuele. ²² Kaha cize ca solokele calingikile lisano Esita, na Esita ua handekele kuli muangana mu lizina lia Molendekayi. ²³ Kaha muzimu vau tondesele na ku utavesa, kaha vose vamala vava sukikile mumiti. Ou mulonga vausonekele, kumeso a muangana, mumukanga ua mizimbu ya kuyula ceni