¹ Paulu, kapositolo ua Kilistu Yesu kuhitila muku lema ca Njambi, kuli vantu va kuzila va Njmbi mu Efeso, Ava vatsiliela muli Kilisitu yesu. ² Likozi kulienu na kuunda kufuma kuli Njambi cisemi cetu na muangana yesu Kilisitu. ³ Njambi yetu na Tata yetu ya muangana uetu Yesu Kilisitu va muzumbangeye, ou natuvezikisa na mizimu yose ya kuvezika muzi ngalila zia zilemu muli Kilisitu. ⁴ Njambi atusakuile etu muli ikeye kufuma kucikuku ca lifuti, ngueni tutumame vakuzila na kuunda kumeso eni na namucilemo. ⁵ Mucilemo Njambi uatusakuile etu. uatusakuile kukala vana kuhitila muli Yesu Kilisitu, kueseka na cilemo ceni cacili. ⁶ Ha kutusakula cetu calingisa kuzumbangeya kuzila ceni ca ngozi cize canatuhie ca vuana vuetu muli umo ya lema. ⁷ Muli Yesu Kilisitu tuatumama va vakusakula kuhitila mumaninga na kutukonekela kuli vaze vatue kuvulumuna, kueseka na vupite vua ngozi yeni. ⁸ Ekulanesa ngozi yeni kulietu na mangana eni ose na kuvukisa. ⁹ Njambi uapangele kuntantekeya kulitu visinganieka vieni, kueseka nomu muviamu vukisile ikeye, kaha nomu a muavisoluesele muli Kilisitu, ¹⁰ Navisinganieka viaku sulisa tsimbu, nakuneha viose hamo, viose muilu na hamavu, kuhitila mumtue umo, na Kilisiti. ¹¹ Muli Kilisitu va tuinikile kuli vavengi, cakuhetesa kueseka na visinganieka vieni ou ekuzata viose kueseka na cuma ceni ivene. ¹² Njambi atuinikile etu kukala vantuamena mangana etu, kukala vakulivanga va ku tsiliela muli Kilisitu, tukutumama vaku lemesa kuzila ceni. ¹³ Muli Kilisitu, Nenu naua, omu muavuile mezi avusunga, muzimbu ua cili uakualumuka, mukutsiliela muli ikeye kaha muasulile na masiko a muzimu. ¹⁴ Ikeye vana tsiliela vusuana vuetu nomu vene tu kaheta haku mbata vupite vuetu, nakulemesa kuzili ceni. ¹⁵ Hakulinga ngoco, kufuma haze njavuile lutsilelo luove muli muangana Yesu na cilemo cove muli vose vantu zia Njambi, ¹⁶ Kanjesekele kusinganieka Njambi muliove ngue muze munjami vulukile muku vundila ange. ¹⁷ Nja vundila nguange Njambi ua muangana uetu Yesu Kilisitu, cisemi ua kuoloka, akukuhia kuliove muzimu ua mangana na kusoloka mumangana eni. ¹⁸ Nja vundila nguange meso amutima uove a viukilile, nguange ua ntantekeya lutsilielo luze vanakusana ove navupite vua kuoloka vusuana hali vantu va Njambi vose vakuzila. ¹⁹ Mukuvundila cange njahulisile nguange natela kuntantekeya cihandua cakama ca zindzili zieni kuhitila mulietu tuatsiliela, kueseka na kuzata na zindzili zieni. ²⁰ Ezi zikeko zindzili zize Njambi zia zatesele kuli Kilisitu omu muamu sanguile kufuma kuvatsi na kumutumamesa kulivoko lieni lia cilio munganda ya muilu. ²¹ Uatumamene halako Kilisitu helu lia vaka kuyula na vakazisimbi nakazindzili, kaha lizina liose lize valuka. Kilisitu akayula, keti lika muli miaka ino, olondzo na miaka ina kuiza. ²² Njambi uahakele viuma viose hamo kuvilioto a Kilisitu na kumuhia ku kutembele kukala mutue ua viose viuma. ²³ Tembele ukeko muvila ueni, kuzala ceni ikeye uekutukutisa etu vose.