¹ Kauatela kutala ngombe yamukuenu anakuya mueka lisueke ove yavene kuli vakeko; uatela kumuhiluisa. ² Ngue mukuenu Isaleli kakele kuhiehi nove, cipue ngue kauamu ntantekeyele ikeye, vatele kuhiluisa cimuna hembo kundzivo yove, kaha uatela kukala navo nomu muvakuvauana, kaha uatela kuvahana kuli ikeye. ³ Uatela kulinga cocimo kuli cumulu ceni; uatela kulinga cocimilika kuvuzalo vueni; uatela kulinga mumolika kuvuama viose vikuzimbala kuli mukuenu Isaleli viuma viose viazimbala uatela kuviuana; kauatela kulisueka ove yavene. ⁴ Uatela kutala mukuenu cimulu camukuenu kaIsaleli cipue ngombe nalahuka mumukuakua kaha lisueke ove yavene; uatela kumukuasa kuzundula ceka. ⁵ Mpuevo katela kuzala vuzalo vua yala, cocimolika na yala katela kuzala vuzalo vua npuevo; uose akalinga evi viuma cinapu cizila kumeso a Yehova Njambi yenu. ⁶ Ngue lisua lia kazila lili kulutue lua njila yove, kunkala muti cipue hamavu, liavana cimpue maulu, kaha neya natumamaho cipue hamaulu kauatela kumbata naye navana. ⁷ Muavusunga uatela kuca neye aye, vunoni vana uatela kumbata. Ononokelenu ezi zisimbi mangana muye nazio muacli, mangana matangua enu alane. ⁸ Ngue ukutunga ndzivo yaiha, uatela kupanga kuakukuatela kukasungua kove mangana uhone kuneha maninga handzivo yove ngue muntu akulahuka haze. ⁹ Kati uakakuve mbuto yamiyati ivali mumehia enu, mangana ngue mukutia kati vahukule kucihela ca muzimu, mbuto ize iunakuvu nevi viakuima mumehia via mivinio yenu. ¹⁰ Kati ukalime nalitemo liakukoka kuli va ngombe naci mulu hamo. ¹¹ Kati ukazale zintanga zia pandakana namangona amukoko namavu hamo. ¹² Ukalivindila zindzombo kumavunda auana azintanga ziahelu aze amuekulizika. ¹³ Hakulinga yala akumbata mpueyeni, nakuya kuli ikeye, kaha akumuzinda, ¹⁴ kaha akumuvangela navilinga via ntsoni nakumuamba viavipi hali ikeye, nakuhandeka, 'Njambatele ou mpuevo, vunoni omu munjasuenene kuli ikeye, Kanjauanene kanda alimonoha na yala.' ¹⁵ Kaha ise na naye vauze mpuevo vatela kutuala uze mpuevo kuvakuluntu kumbelo ya limbo nakulumbununa ngue kanda alimonaho nayala. ¹⁶ Ise yauze mpuevo uatela kuhandeka kuli vakuluntu, 'Ange njihiele muanange kuli ou yala kukala mpueyeni, kaha uamuzinda. ¹⁷ tala naneha viuma via ntsoni nakuhandeka ngueni, ''Ange kanjauanene muanove kukosa nayala.' Vaka lambelela kufumisa vuzalo kumeso ava kuluntu va cifuti. ¹⁸ Vakuluntu valifuti vatela kumbata uze yala nakumu zangamesa; ¹⁹ kaha muatela kumusindiya kufueta kulukazi ya zishekele zia olu, kaha vahanenu kuli ise ya uze mpuevo, muomu uze yala nahilukilaho hali mpuevo ua Isaleli. Uatela kukala mpueyeni; katela kumusekula mumatangua eni ose. ²⁰ Vunoni ngue evi viuma via vusunga, nguavo vauanene uze muana mpuevo kanda alimonaho na yala, ²¹ kaha vatela kufumisa mpuevo kumbelo ya ndzivo ya ise, kaha yala uze etela kumuasa malolua nakutsa, muomu nalingi vupi mu Isaleli, kulingi ngue vuhule mundzivo ya ise; kaha fumisenu vupi hakati kavo. ²² Ngue yala nauana na mpuevo uze ivambata kuli yala ueka, kaha vose vatela kutsa, yala uze nakusele na mpuevo na mpuevo naua; kaha muafumisa vandemone kufuma kuli vaIsaleli. ²³ Ngue kuli mpuevo uakuhona kulimona na yala, vamuhuhua kuli yala, kaha yala mukuavo akumuuana mumbaka nakukosa neni, ²⁴ vambatenu vose nakuvatuala kumbelo yalimbo, nakuvasa mavue na kutsa. Uatela kumuasa mavue mpuevo, muomu kalilile, amba tuhu akele muimbo. Muatele kuasa mavue yala, muomu napihisa mpuevo ya muvatungila kaha mukufumisa vandemone hakati kenu. ²⁵ Vunoni ngue yala nauana uze mpuevo vamuhuhua laza, kaha ngue akukosa neni, uze yala nakosa neni atela kutsa. ²⁶ Vunoni kuli mpuevo kuatela kulinga amba cuma cimo; kahakele vupi vua kutsa muli mpuevo. Muomu mulonga nkana unapu ngue yala nakuata muvatungila nakumutsiha. ²⁷ Muomu uamuuanene muimbo; mpuevo uakuhuhua anakulila, vunoni vunoni kakuakele uaku mukandunuina. ²⁸ Ngue yala nauana mpuevo uze uakuhona kuli mona na yala uze kanda vamu huhua laza, kaha akukosa neni, kaha ngue vavakuata, ²⁹ kaha uze yala nakosele neni uatela kufueta jishekele zitanu zia palata kuli ise yuze mpuevo kaha atela kukala mpueyeni, muomu nalimono neni. Kali kasa kumutumbuka hamatangua eni ose cahi. ³⁰ Yala kati akambati mpuevo ya ise ngue ueni, kati ambate vitaveso via vulo vua ise,