¹ Ngoco vene ukalame Yehova Njambi yove na ntsimbu yose mukuniunga masiko eni, navitume vieni, na mezi alisiko, na masiko eni. ² Ntantekeya ngecize kanji kahandeka kuva kuvana vanu, vaze kava ntantekeya amba kavamue kuzangamesa ca Yehova Njambi yenu, vukame vueni, livoko lieni lia ndzili, amba livoko lieni lia kuoloka. ³ Vintantekeyelo navipangi vize, via lingile hakati ka Ingito a Faloa, Muangana ua Ingito, naku licifuti ceni. ⁴ Muomu kavamuene via pangele kuma sualale vamu Ingito, kutu valu tuavo, cpiue kumatemba avo, omo mualingisile mema amahongo ava zalesele omo vamikavele kaha omo Yehova avanongesele naku lelo lino, ⁵ Cipue vika ua lingile halienu mu zindinda nomu mumuezile kumu tamba uno. ⁶ Kava muene vika Yehova ua lingisile kuli Ndatani na Avilama, vana va Eliave muana Luvene, ngue omo mavu a sokolekele kanua keni na kuvamina vakeko, vamundzivo yeni, na zimbalaka ziovo, kaha na viose vuekuhuima viakele nukuvakavangeya vakeko, mukati kava va Isaleli vose. ⁷ Vunoni meso enu ana mono viose vipangi via kama via Yehova vize via lingile. ⁸ Ngoco vene niungenu ose masiko aze anjinakusika lelo, vize enu mukale vakukolesa kaha hamenu na kufuka kucifuti akuku mukaye mukuzavuka ku kufuka. ⁹ Kaha linga mulanese matangua enu mucifuti cize Yehova ua lisingile nava Isuenu muku vahia naku mbuto yavo, na cifuti kumbuambumuka mavele na vuci. ¹⁰ Muomu mucifuti kukeko kumukuya muku cifuka, kala lifuele ca Ingito, kukeko kumuafumine, kukeko kuafumine mbuto yenu nakumuaniena mema na vilioto vienu, ngue litepa lia visoka. ¹¹ Vunoni, cifuti, cimukaya naku cifuka likelio lifuti lia mincinda na vimbongo, na kunua mema a kalunga a muilu, ¹² cifuti cize Yehova Njambi yenu akaminiungila meso a Yehova Njambi yenu ntsimbu yose ali hacikeco, kufuma ha hakuvaleka muaka kuheta kukuhua ca muaka. ¹³ Kaha cikakala ngecize, ngue muvuilila naku takama ku masiko ange aze anja misikile enu lelo, mukulema Yehova Njambi yenu na kumupangela na mitima yenu yose na miono yenu. ¹⁴ Linga ange njika mihie kunokesa mema kuli vukuntsimbu yauo, mema a musamba na memamo zimbuto zienu, vienu viniu via vihia, na mazi enu. ¹⁵ Njikamihia muila mumehia enu kava ngombe zienu, kaha mukalia na kukuta. ¹⁶ Zangamenu kulienu vavene vunoni enu mitima yenu kati va kalionge, na kulumuka kumutamba na kulemesa va njambi veka na kuva ntsikamena vakevo; ¹⁷ Vunoni linga vutenu vua Yehova kavu kamisuamena kuhiehi; kaha vunoni kali katambeka kumelu vunoni kati kukale kunoka mema, kaha livu kali kema vusuka vualio, kaha vunoni nenu munonge vuasi kufuma kucifuti cacili cize Yehova ua mihieleco. ¹⁸ Ngoco vene mukahaka aua mezi ange mumitima yenu na muono, cikutema akeo kukala cintantakeyoso halivoko, kaha ecenu vikevio vikale halutue hakati ka meso enu. ¹⁹ Enu mukavalongesa vakevo kuli vana venu na naku handeka navo omo muua vatumine mindzivo yavo, omo mukenda munjila, omo ukakosa havu, kaha nomu muka katuka. ²⁰ Ove uka visoneka vikevio hacipamba cacikolo ca ndzivo yove na civumba ca zimbelo zia mbonge, ²¹ linga matangua enu na matangua avana venu vaka alanese muli micifuti cize Yehova calisingile kuli va ntsekulu mukuhana akeo hakukala namelu a lihelu lia cifuti. ²² Muomu ngue enu mukatakama kuniunga ose aua masiko aze Ange anja misikile enu, vunoni ngue mukulinga akeo, mukulema Yehova Njambi yenu, mukuendamo muzinjla zienu, nakukakatela kuli ikeye, ²³ vunoni Yehova akamifumisamo yose eyi miyati kulutue luenu, kaha enu mukangulula muyati kuvukama na ndzili kuhiana enu vavena. ²⁴ Yose mitamba kumukaliata na viliato vienu ukakala uanu; kufuma ku zindinda na kulivamo kufuma kundonga, Ndonga ya Yufalate, kuheta kuvutokelo kucisali ikakala ndzindza yenu. ²⁵ kakuesi yala aka mana kulutue luenu. Yehova Njambi yenu akahaka kumivuila vuoma halienu naku zuzukila hali enu halihose halivu limukaliataho, ngue muana handeka kulienu. ²⁶ Tala, Njinakumi hakela kulutueeee kuli enu lelo civizikiso na cisingo: ²⁷ civezikiso, ngue enu mukaniunga masiko a Yehova Njambi yenu aze anjikamisika kulienu lelo, ²⁸ na cisingo, ngue enu kamukuniungaa masiko a Yehova Njambi yenu, vunoni mukalumuka kunkanda kunjila ize inja misikile kulienu lelo, kuya kuva njambi veku vaze enu kamua vantantekeyele. ^{29 30} Cika lingiua, omo Yehova Njambi yenu akaneha enu cifuti cize enu kumukuya nakucifuti, cize enu akatuma civezikiso ha muncinda uaNgelizime, na cisingo ha muncinda ua Evale. Kati ikeye ili mu Yondau, muya tangua mumulahuko ua njila, lifuti lia vakua Kanana vali ku Alave, valihata na Ngalileya, kunkanda ya vitelevinte via Mole? ³¹ Kulienu mukazavuka kusinia lia Yondau mukuya na kukovela muku fuka cifuti cize Yehova Njambi yenu na mihie enu, na mkucifuti naku kalamo. ³² Enu mukaniunga viose viyume na masiko aze Anja tumine halutue luenu lelo.