¹ Aua akekeo mezi a handekele Mosesa kuli vose va Isaleli musinia lia Yondau mumusenge, mu cana ca Yondau ndonga ha cimbongo cakala ha Suph, hakati ka Palane, Tofele, Lambane, Hazerote, na Dizahad. ² Matangua likumi na litangua limo muvungendzi kufuma ku Horeb munjila ya Muncinda ua Seile naku Kandese Barnea. ³ Cakele mu muaka makumi auana na miaka itanu na itatu, mungonge yamu likumi na ngonde imo, ha litangua lia kuvaleka ngonge, haze ha handekele Mosesa kuli va Isaleli, kuvaleka vakeko viose via handekele Yehova kutalesa hali vakekevo. ⁴ Eci cakele te Yohova kanda akuata va Sihone muangana uava Amoleu, vakele muHeshibone, na Og muanga ua Bashane, uze akele mu Ashitalote ku Endelei. ⁵ Kuzavuka Yondau, mu lifuti lia Moave, Mosesa uavalekele kutambakana evi vakavangeyo, ngueni, ⁶ ''Yehova Njambi yetu ua handekele kuli etu ku Holeve, ngueni, ''Ua yoyela cikuma kuno kumuncinda ua cifuti. ⁷ Alumuka na kuya vungendzi vuove, kaha uye kumuncinda ua cifuti ca Amoleu na vihela vili kuhiehi kuze ku cana ca Yondau ndonga cimbongo, ku muncinda, mua salala, mu Nengeve, naku Seashole - cifuti ca Kanana, na mu Lebanone kulaha ngue ndonga uakama, vaEuphrates. ⁸ Tala, Ange njahake lifuti kumeso ove; kovelamo mangana upite lifuti lize Yehova liasonekele kuli va isuenu - kuli Avilahama, nakuli Isake, nakuli Yokomba - kuvahia vakevo nakuma zimo kufuma vakevo.' ⁹ Ange nja handekele kulienu ha ntsimbu ize, nguange, 'Ange kanjikuasa kumbata enu likaliange. ¹⁰ Yehova Njambi yenu namilanesela, kaha, tala, lelo muli hano ngue vivunga viatu ntangantanga va muilu. ¹¹ Yehova, Njambi yava Isuenu, kumilingisa enu ngue mankombakazi a engi ngue omu mumuli, nakumi vizikisa, ngue muamisikile! ¹² Vunoni muomu vika Ange likaliange kumbata vienu vilemu, vilemu vienu, na vukalu vuenu? ¹³ Mbata vamala, vaku zangama, vamala vekuivuilila, kaha vamala vacili kufuka kumu yati kumu yati, kaha Ange njikuva lingisa vakevo kukala vakuluntu halienu.' ¹⁴ Mua njikuaniene naku handeka nguenu, 'Viuma vuuahandeka via cili etu kupanga.' ¹⁵ Ngecize Ange njambatele vakuluntu zia miyati yenu, vamala vakuzangama, vamala vacili, kaha nakuva lingisa vakuluntu halienu, tupitau vama nkombakazi, tupitau muma kumi, na misipayi, muyati kumu yati. ¹⁶ Ange njalekele vangazi hantsimbu ize, nguange, 'Ivuilila vukalu hakati kove nava muanoko, na kuyula muoloka hakati kava manoko na yala na muanaye, na niamuiza uze ali mulienu. ¹⁷ Kauatela kuvundila vukusi. Uatela kuyandesa vantu vose vakaku yanda nava valenu hamolika. Kauatela kuivua muama hali uose viali kusinganieka, muomu ukusakula vukalu ngue Njambi muanaleme enu. Kaha ngue vukalu vua hiana halienu, neha kuliange, kaha Ange njikuivua.' ¹⁸ Ange misikile enu hatsimbu ize viuma viose vize vimu kupanga. ¹⁹ Sikaho tuendele kuHoleve tiahitile mumpambo yakuvuisa vuoma ize iua muene, munjila yetu ku muncinda ua Amoleu, ngue muze muahandekele Yehova Njambi yetu kulietu; kaha tuahete kuka kuKandeshi Barnea. ²⁰ Ange njahandekele kulienu nguenge, ''Muneza kumuncinda uava Amoleu, ou Yehova Njambi uana tuhie etu. ²¹ Tala, Yehova NJambi yenu natumu cifuti kumeso enu; kandukenu, mukasulise, ngue Yehova, Njambi yava isuenu, nahandeka kulienu; kati muivue vuoma, amba kuhomba.' ²² Uose akuiza kuliange naku handeka ngueni, ''Tutumenu vamala kulutue luetu, mangana vatutondele lifuti etu, nakuneha lize ngue tuatela kuvasondwesa, kaha na vifuti vize vitu kaheta.' ²³ Lize nkana lia njivuisile kuviuka muacili; Ange njambatele vamala likumi nava vali venu, yala ha yala kufuma kumuyati uose. ²⁴ Valumukile naku kanduka kucifuti ca muncinda, nakuheta kucimbonga ca Eshikole, naku sondueselako. ²⁵ Kaha vambatele vimo kufuma kumihako yacifuti mumavoko avo nakuneha kulietu. Kaha naua vahele lize naku handeka nguavo, ''Lifuti lia cili eli Yehova Njambi yetu liana tuhie etu.' ²⁶ Cipue ngoco muavianene kukandukako, vunoni mualikangele kukusika ca Yehova Njambi yenu. ²⁷ Muakele nakuyayavala mu mbalaka naku handeka nguenu, ''Muomu ya Yehova Njambi uatuzindile etu nakutufumisa mulifuti lia Ingito, nakutuhaka mulivoko lia Amoelu naku tuenieka etu. ²⁸ Tukuya kuliko vunoni? Vamuanetu vava tsimika naku wema, nguavo, ''Vaze vantu vakama naua valaha kuhamba etu; vifuti viavo via kama kaha nazimbango zia kuheta muilu; kutuala muze, tuamono vana va Anakime kuze.''' ²⁹ Kaha Ange njahandekele kuli ove nguange, 'Kati vaku zakamese,amba vaku vuise vuoma, kuli vakeko. ³⁰ Yehova Njambi yenu, uekuya kumeso enu, akumiluila ndzita, ngue viose vize vialingile mu Ingito mumeso enu, ³¹ kaha naua mumusenge, muze mumua muene omu Yehova Njambi yenu muami mbatele, ngue muntu nambata muaneni, kuose kuua ile noho ukuiza kucihela eci.' ³² Kaha mumezi aua kamua tsilielele Yehova Njambi yenu, ³³ uze ua ile kumeso enu munjila nakulengeya cihela cenu mangana mupange colombo, mutuhia vutsiki kaha meselua mutana. ³⁴ Yehova uamuile zungo lia mezi enu kaha uapihililile; ualisingile na kuhandeka ngueni, ³⁵ 'Vusunga kakuesi yala amba umo uava va vandemone vaci semunuino akamona lize lifiti Ange linja lisingile kuhia va kukuavo, ³⁶ kufumisako Calebe muana Jephunnehe. Uahile nakumona cikeko kaha Ange njikuhia ikeye na visemunuino cifiti cize canaliataha, muomu nakave Yehova namutima ueni uose.' ³⁷ Naua Yehova ua pihililile nange muomu yenu, nakuhandeka ngueni, 'Enu naua kamukuya muze; ³⁸ Yehosua muana Nune, uze uamene kumeso enu, ikeye akuya muze; mukuasenuko, muomu aku tuamenena vaIsaseli kusuanamo. ³⁹ Ambatuhu, vana venu vava ndende, vaze vamua vulukile kuvakuata kuli vitozi venu. Muomu vacili vanike vava ndende, kanda vantantekeya vuviuke navu cili. Vunoni vakeko vaze Ange vanjikahia lize lifuti, kaha vakengilamo nakusulisamo. ⁴⁰ Vunoni ngue enu, alumukenu nakuhiluka mumpamba, muaya kulunga ndonga ua Reedesi.' ⁴¹ Kaha uakuaniene naku handeka nguove, 'Tuavulumuna kuli Njambi; tukukanduka na kulua, kaha tuku kavangeya muose muana handeka Yehova Njambi yetu kupanga.' Muntu uose hakati kenu uazalele vitua via ndzita, kaha mualiviukisile nakukanduka kucufuti ca muncinda. ⁴² Yehova ua handekele kuliange ngueni, ''Handeka kuli vakeko nguove, ''Kati mukanduke kati mulue, muomu Ange kanjikukala nenu, kaha mukuveteua kuli vitozi venu.' ⁴³ Ange njahandekele kulienu munjila nkana eyi, vunoni kamua halakanene. Muavianene zisimbi zia Yehova; enu muazankumukile naku kanduka kumncinda ua cifuti. ⁴⁴ Vunoni vaAmoleu, vakele nakuyoyela kumuncinda ua cifuti, vezile halienu nakumisekula ngue vampuka, naku mitika enu ku Seile,kulaha ngue Hormahe. ⁴⁵ Enu muahilukile na kulila kumeso a Yehova; vunoni Yehova kahalakanene kuku lila cenu, amba kuliungumika kulienu. ⁴⁶ Sikaho muakele kuKadeshi matangua aengi, matangua ose amuatumamene kuze.