¹ Paulu, kapositolo ua Kilistu Yesu kucizango ca Njambi, na Timoteo muanetu, ² Kuli vaka kulela na vamuanetu vaka vu cili muli Kulisitu vali ku kolose: Kavumbi kuli enu na ciyulo via kufuma kuli Njambi Tatetu. ³ Tukusantsela kuli Njambi Ise ya Muangana uetu Yesu kilistu, nakumi vundila ntsimbu yose. ⁴ Omo mutunevu kutsiliela cenu muli kilistu Yesu, na cilemo cimuli naco kuli vose vaka kulela, ⁵ omo kulavelela cize civanami tulikilaco muilu, cikeko cimua vuile laza muli lia vusunga vua zipande zia cili ⁶ zikezio zineza kulienu; ngue zinaheta naua hose hano hamavu nakuima mihako akuli kosesa, ngue zie kulinga mulienu naua, kufuma litangua lize - muavuile kaha mua ntantekeyele kavumbi ka Njambi mua vusunga. ⁷ Ou muzimbu uacili omu mumu kuutanga kufuma kuli Epafalase, mukuetu ngamba ua cilemo, uze ngamba uaku tsiliela ua Yesu kumenako etu. ⁸ Epafalase ikeye uatu zimbuilile naua cilemo cenu muli muzimu. ⁹ Muomu ya cilemo eci, kufuma kuli tangaua litua vile evi katuecela kukuvundilila ove. Tunakuvundila nguetu musulise mana muma ngana ose na muzimu uakuivuisisa, ¹⁰ mangana uende mumangana acili a muata kaha amuvuise kuvuaka muzinjila ziose: na kuima mihako muvi pangi viose nakukola mumana a Njambi ¹¹ na kukukolesa na zindizli, kuesekesa navu mpahu vueni vuakama, mangana mukakale nalukakatela luose na ntsintsa ya ngozi hamo na ndzolela ¹² nakuhana kutsantsela kuli Tata, ou akuasesele ove kupangela mu vusuana vua vantu zia Njambi vaku zila mu ceke. ¹³ Ikeye uatuohielele ku zingdzili zia milima kaha natutuala kuvuangana vua cilemo ca muaneni, ¹⁴ muli ikeye tuli nakupatuka cetu, kuecela ca vupi vietu, ¹⁵ Ikeye cifua vene ca Njambi uze intsa katuhasa kumona, ikeye ndala ua kutunga cose. ¹⁶ Muomu muli ikeye va tangele viuma viose, vili muilu na hano ha mavu, viuma via ku mona na viuma vintsa katukasa kumona, cipue vuasuana cioue vuangana cipue vuntanga cipue vukama; viuma viose vavi tangele hali ikeye nakuli ikeye. ¹⁷ Kaha ikeye uaviuma viose, na muli ikeye viuma viose vialikuata hamolika. ¹⁸ Kaha ikeye napu mutue uamuvila ukeko tembele, ikeye vene kuvaleka, ikeye ntuamena uamuli vatsi, mangana muviuma viose akale ivene. ¹⁹ Muomu kusulilila cavu Njambi cose camuene kuviuka kutumama muli ikeye. ²⁰ Kaha hakupanga muli ikeye, hakuneha kuunda namaninga akucilindankano ceni, amba vunoni viuma viose akaviukise naivene, cipue viuma via hamavu, cipue via muilu. ²¹ Nenu naua, enu muakele muva kuhangula na ikeye hamuaka, umuakele muvupi mumitima yenu havipangi vienu viavipi. ²² Vunoni hali ino tsimbu nahamavu laza na Njambi mumuvila ua cisemua ceni cahamavu, hakutsa ceni. Mangana ngueni, akamimese kumeso eni muvakazila, navupi vuahi, nacuma cakumiuanena naco mulonga cahi. ²³ Kaha ngue mukukala mulutsilielo nakutakameselamo, ngue kamuku futuka kukulavelela caku muzumbangeya uacili, ou na miambuluila laza vose vakuvuntanga vuakuli Njambi vali hano hamavu, mukaku pangela. ²⁴ Ino tsimbu njinaku viukilila mukayando kange aka njekumona haliange, vize viasaleleho viaku kayando kaKilistu kakumuvila uange njili na kueniekela muvila ueni ukeko tembele. ²⁵ Hakeko vene vanjilingisile kukala mukakupangela, ngue omu muaya vipangi via Njambi, eyi yanjihiele halienu, yakuhetesamo muaya mezi aNjambi. ²⁶ Akeko mangana akuvanda anapu akuvanda hamiaka yeka yose nakusemunuina caka cose, vunoni matangua ano vanasoluesa kuli vakakulela veni. ²⁷ Kuli vaka Njambi uahanguile, avalekele vupite vua vumpahu vua mangana akuvanda ali muli vaka mafuti, aua avekuhandeka nguavo, ''Kilistu ali mulietu, ikeye kulavelela cavumpahu. ²⁸ Ikeye vene ou etuekuambulula etu, nakusimpisa vantu vose nakuvaleka vantu vose muzingano ziose. mangana nguetu, tukamese vantu vose vanahi laza muose kumeso eni muli Kilistu. ²⁹ Hakeko vene hanjekupangela naua, nakuhundangana ngue muatela cipangi ceni cekupanga muliange nandzili.