¹ Kaha, vamuanetu, vundilenu netu, nguenu lizi lia Muangana lintunte kaha vali zumbangeye, ngue omu mumuli nalio enu, ² kaha ngecize tuku tsiliela kufuma kukuzeya na kuvupi vua vantu, muomu kati vose vana tsiliela. ³ Vunoni Muangana uetu uatsilla, ikeye akamikolesa na kuminiunga enu kufuma kuvupi. ⁴ Tuli nalutsilielo muli Muangana uetu halienu, enu vose vavali kulinga na kutualeleho kulinga viuma vize vivamisikile. ⁵ Muangana uetu amituamenene mumitma naku lema ca Njambi na mutsitsa ya Kulisitu. ⁶ kaha tukumisika enu, vamuanetu, mulizina lia Muangana uetu Yesu Kilisitu, nguetu ecenu vose va muanetu vaze vekuyoya na vulenda na kuhona kuyoyela kuesekesa na cisemua cimuatambuile kufuma kulietu. ⁷ Muomu enu vavene muantantekeya cavuka kukavangeya etu, muomu katuakela vakuliungumika tsimbu tuakela nenu. ⁸ Katualile amba viakulia via umo cakuhona kufueta, vunoni tuapangele vutsiki na mutana muvipangi via vikalu na kukaluua, sikoho tuatela kulemuuisa nkala uose halienu cahi. ⁹ Tualingile eci kati muomu katuesi na zindzili, tualingile eci mangana cikale cimueso kulienu , mangana mukavangeye etu. ¹⁰ Muomu cipue mutuakele nenu, tuamisikile enu nguetu, '' Uose akuhona kuzanga kuzata kati alie.'' ¹¹ Muomu tuavuile nguavo vamo hakati kenu vanapu vaka kuenda enda, kati havi pangi cahi, vunoni kuvila yavo. ¹² Kaha ava vekulinga omu tuasiki na kukatula muli Muangana Kilisitu, nguetu vatela kupanga muvuholela na kulia viakulia viavo. ¹³ Vunoni enu, vamuanetu, kati muzeye nakulinga via cili. ¹⁴ Kaha ngue umo kononokele na mezi etu muli ou mukanda, muntantekeyenu na kaha kati mulipande naikeye, mangana hamosi akukala na tsoni. ¹⁵ Vunoni kati mumutande ikeye ngue citozi, vunoni mumamunenu ngue muanokuenu. ¹⁶ Kaha Mangana ua kuunda ivene akumihia kuunda hatsimbu yose muzinjila ziose. Mangana akale nenu vose. ¹⁷ Ange Paulu, kusoneka evi na livoko liange, cikeko cintantekeyeso hami kanda Ange injasoneka. ¹⁸ Kavumbi ka Muangana uetu Yesu Kilisitu kakala nenu vose. Ame.