¹ Vaka cilemo cetu, omo tuli na matavasiano ano, tulilelesienu ku mailo ose aku muvila na ano aku cimbembesi, muku ntuntuluisa kulela na vuoma kuli Njambi. ² Tu sokollolenu mitima yenu: naumo uahi ituavulumuna etu, na umo uahi ituapihisa, na umo uahi itunonga. ³ Kanjika handeka eci ngue kumukuasa muomu nji na hndeka laza nguange muli mumo mumitima yetu kukutsa nakuyoya. ⁴ Kusimpa cange cakama mukuhandeka nenu, naklipamba cange ca kuli enu cakama: Njasulu nakulembezieka, nja sumpuoka na ndzolela ku lamba lietu liose. ⁵ Muomu cipue omo tua hetele ku masendonia mivila yetu kayauanene na cimo cahi, kuose vene vatu yandesele; hambandza kulua muntima vuoma. ⁶ Vunoni uze muka ku lembezieka vaze vana keha kuiza ca Tito; ⁷ Kati ngue na kuiza ceni lika, houe, vunoni naua na kulembezieka cize yetu muamu lembeziekele naco,omo uatulekele malungila enu, kulila cenu kuzangama cenu omo yange; ngoco nja zolelele muakuhiana cikumakuma. ⁸ Amatuhu ngoco mukanda uange uamilingisa enu matoto, Kanjika liveyauo. Vunoni Ange njaliveyeleuo omu munjaumuene uze mukanda uange uamilingisile enu matoto, amba tuhu kutsimbu yaikndende. ⁹ Ngoco Ange njikuviukilila, kati muomu enu muakele muvusiua, vunoni muomu matoto enu aminehele kukualumuka. Enu muakuzatela vusiua vuava njambi, kaha muayandele cakuhona nganialo muomu yetu. ¹⁰ Muomu eyi miyati yavutsiua yekualumuna muntu kufuma kuvupi mangana Njambi ahase kumuovola ikeye. Vusiua vualifuti, amba tuhu ngoco, vuekuneha kutsa. ¹¹ Muomu talenu anukenu kuvangele eci vutsiua vuava njambi vuakele nakutuhuka mulienu. Vulenu muka vuakele mukumivangela mulienu nauana nguenu keti yenu. Vulemu vuakele muvutenu vuenu, vuoma vuenu, lifuua lienu, kutsila cenu kaha nakuzanga cenu nakumona nguetu cimuambata catela kulingika! Muviuma viose vimukumona nguenu keti yenu hali ou mulonga. ¹² Amba tuhu Ange njasonekele kulienu, Ange kanjasonekele kuli vakakulinga viavipi cahi, cpue umo uze akuyandele kukupihisa, vunoni mangana viacili vuenu vitalese halietu vavi zive kumeso a Njambi. ¹³ Munjila nkana eyi vanatukuasako. Mukuhakelako mukuvendezieka cetu, tukuviukilila naua cikuma muomu ya kuviukilila ca Tito, muomu muzimu ueni uakufumisa vuoma enu vose. ¹⁴ Muomu ngue njikuli pamba kuli ikeye halienu, Ange kanjisahukile. Muli cize kuhenga, ngue omo mu vuakala viuma viose vetue kuhandeka kuliove viavusunga, kulipamba cetu haliove kuli Tito canehesele vusunga. ¹⁵ Kaha cilemo ceni cahiana cikuma kuma kuli enu omo ikeye akuvuluka kuononoka cenu vose, gue omo mumua mutambuile na vuoma na kuzana, ¹⁶ Njku zoliela kuviuma viose njasimpa kuvize via kuli enu.