1
واكتب لملاك الكنيسة اللي في ساردس:" ده يقوله اللي ليه سبعة أرواح الله والسبعة كواكب : أنا عارف أعمالك، إن ليك اسم انك حي وانت ميت.
2
إسهر وثبت اللي اتبقى، اللي هو قرب انه يموت، عشان مالقيتش أعمالك كاملة قدام الله.
3
فافتكر اللي خدته وسمعته، واتمسك بيه وتوب، وانت لو ما سهرتش، اناهجيلك زي حرامي، ومش هتعرف في أنهي ساعة هجيلك.
4
عندك ناس قليلة في ساردس مانجسوش هدومهم، ودول هيمشوا معاي في هدوم بيضا عشان هما يستحقوا.
5
اللي هيغلب هيلبس هدوم بيضا، ومش همسح اسمه من سفر الحياة، وهعترف باسمه قدام ابويا وقدام ملايكته.
6
اللي ليه ودن فيسمع اللي بيقوله الروح للكنايس".
7
واكتب لملاك الكنيسة اللي في فلادلفيا: "ده يقوله القدوس الحق، اللي ليه مفتاح داود، اللي يفتح ومحدش يقفل، ويقفل ومحدش يفتح:
8
أنا عارف أعمالك. أنا خليت قدامك باب مفتوح ومحدش يقدر يقفله، مع إن قوتك قليلة، لكنك حفظت كلمتي ومانكرتش اسمي.
9
أنا هخلّي اللي هما من مجمع الشيطان، من اللي بيقولوا انهم يهود وهما مش يهود، لكنهم بيكدبوا، هخليهم يجوا ويسجدوا عند رجليك، ويعترفوا اني حبيتك.
10
لأنك حفظت كلمتي بصبر ، أنا كمان هحفظك من ساعة التجربة اللي هتيجي على العالم كله عشان تجرب الساكنين على الأرض
11
أنا هاجي بسرعة . اتمسك باللي عندك لحسن حد ياخد اكليلك.
12
اللي هيغلب هخليه عمود في هيكل الهي، ومش هيطلع بره تاني، واكتب عليه اسم الهي، واسم مدينة الهي، أورشليم الجديدة النازلة من السما من عند الهي، واسمي الجديد.
13
اللي ليه ودن فيسمع اللي يقوله الروح للكنايس".
14
واكتب لملاك الكنيسة اللي في لاودكية:" ده يقوله الآمين، الشاهد الأمين الصادق، بداية خليقة الله:
15
أنا عارف اعمالك، انك مش بارد ولا حار. ياريتك كنت بارد أو حار!
16
ده عشان انت فاتر، ومش بارد ولا حار، أنا قربت أتقياك من حنكي.
17
عشان انت بتقول: أني أنا غني وأغتنيت، ومش محتاج لحاجة، وانت مش عارف انك انت الشقي والبائس وفقير وأعمى وعريان.
18
انصحك انك تشتري مني دهب متصفي بالنار عشان تبقى غني، وهدوم بيضا عشان تلبسها، عشان مايبانش خزي عريك. وكحل عينيك بكحل عشان تشوف تاني.
19
انا كل اللي أحبه أوبخه وأأدبه. خليك غيور وتوب.
20
أنا أهو واقف قدام الباب وبخبط. إن سمع حد صوتي وفتح الباب، ادخل ليه واتعشى معاه وهو معاي.
21
اللي هيغلب هديله انه يقعد معاي في عرشي، زي ما أنا كمان غلبت وقعدت مع ابويا في عرشه.
22
اللي ليه ودن فيسمع اللي يقوله الروح للكنايس".