¹ ووراني نهر صافي من مية حية بيلمع زي البلّور، طالع من عرش الله والحمل. ² في وسط ساحتها وعلى النهر من هنا ومن هناك، شجرة حياة تطرح اتناشر ثمرة، وتدي كل شهر ثمرها، وورق الشجرة لشفا الأمم. ³ وماتكونش أي لعنة بعد كده. وعرش الله والحمل يكون فيها، وعبيده يخدموه. ⁴ وهما هيشوفوا وشه، واسمه على قورتهم. ⁵ ومش هيكون ليل هناك، ومش هيحتاجوا سراج أو نور شمس، عشان الرب الإله هينور عليهم، وهما هيملكوا لأبد الآبدين. ⁶ وبعدها قاللي: " الأقوال دي أمينة وصادقة. والرب إله الأنبيا القديسين بعت ملاكه عشان يوري عبيده اللي لازم يحصل بسرعة". ⁷ أنا جاي بسرعة. يابخت اللي يحفظ كلام نبوة الكتاب ده". ⁸ وأنا يوحنا اللي كان بيشوف ويسمع ده. ولما سمعت وشفت، ركعت وسجدت قدام رجلين الملاك اللي كان بيوريني ده. ⁹ فقاللي: " اياك تعمل كده! علشان انا عبد معاك ومع اخواتك الأنبيا، واللي يحفظوا كلام الكتاب . اسجد لله!". ¹⁰ وقاللي: " ماتختمش على كلام نبوة الكتاب ده، عشان الوقت قرّب. ¹¹ اللي بيظلم خليه يظلم. والنجس خليه متنجس. والبار فيعمل البر كمان. والقديس يتقدس كمان." ¹² أنا جاي بسرعة وأجرتي معاي عشان أجازي كل واحد على قد مايكون عمله. ¹³ أنا الف والياء، البداية والنهاية، الأول والآخر." ^{14 15} يا بخت اللي يعملوا وصاياه وغسلوا هدومهم عشان يكون ليهم سلطان على شجرة الحياة، ويدخلوا المدينة من الأبواب، عشان بره هيكون الكلاب والسحرة والزناة والقتلة وعبدة الأصنام، وكل اللي يكدب ويحب الكدب. ¹⁶ أنا يسوع بعت ملاكي عشان اشهد ليكم بالأمور دي عن الكنايس. أنا أصل ونسل داود. كوكب الصبح المنير." ¹⁷ والروح والعروس بيقولوا: " تعالى!". واللي يسمع فيقول : " تعالى". واللي يعطش يجي. واللي عايز ياخد مية حياة مجاني ¹⁸ عشان أنا أشهد لكل اللي يسمع كلام نبوة الكتاب ده: إن كان أحد يزود على ده، هيزود الله عليه الضربات اللمكتوبة في الكتاب ده. ¹⁹ ولو حد حذف من كلام كتاب النبوة دي، هيحذف الله نصيبه من سفر الحياة ومن المدينة المقدسة، الموصوفين في الكتاب ده. ²⁰ الشاهد بده بيقول: " نعم! أنا جاي بسرعة". آمين. تعالى ايها الرب يسوع. ²¹ نعمة ربنا يسوع المسيح معاكم كلكم. آمين.