¹ وظهرت آية عظيمة في السما: امرأة لابسة الشمس، والقمر تحت رجليها، وعلي راسها اكليل من اتناشر كوكب، ² وهي حبلي بتصرخ متوجعة من ألم الولادة. ³ وظهرت في السما ايه تانية: تنين عظيم أحمر ليه سبع رؤوس وعشر قرون، وعلي رؤوسه سبع تيجان. ⁴ وذنبه بيجر تلت نجوم السما فطرحها للأرض. والتنين وقف قدام المرأة اللي هاتولد عشان يبتلع ولدها لما تولده. ⁵ فولدت ولد ذكر اللي هيرعي جميع الأمم بعصا من حديد. واتخطف ولدها الي الله والي عرشه، ⁶ والمرأة هربت للبرية، في المكان المجهز ليها من الله عشان يعولها هناك ألف ومتين وستين يوم. ⁷ وحصلت حرب في السما ميخائيل وملايكته حاربوا التنين، ⁸ والتنين وملايكته حاربوا ومقدروش، معدلهمش مكان بعد كدة في السما. ⁹ فاترمي التنين العظيم، الحية القديمة اللي اسمه ابليس والشيطان، اللي بيضل العالم كله، اترمي للأرض، واترمت معاه ملايكته. ¹⁰ وسمعت صوت عظيم في السما بيقول: " دلوقت صار خلاص الهنا وقدرته وملكه وسلطان مسيحه، لانه المشتكي علي اخوتنا اترمى، اللي كان بيشتكي عليهم قدام الهنا في النهار والليل. ¹¹ وهما غلبوه بدم الحمل وبكلمة شهادتهم، ومحبوش حياتهم حتي انهم ماتوا. ¹² وعشان كدة، افرحي يا سموات انتي والساكنين فيها. ويلكم يا سكان الأرض والبحر، لان ابليس نزلكم وكله غضب عظيم لأنه عارف ان زمانه قليل ". ¹³ ولما شاف التنين انه اترمي للأرض، اضطهد المرأه اللي ولدت ابنها الذكر، ¹⁴ فاتعطت المرأة جناحين النسر العظيم عشان تطير لمكانها في البرية، اللي فيه تعالُ زمان، وزمانين ونص زمان، من وش الحية. ¹⁵ فطلعت الحية من حنكها ميه زي النهر ورا المرأه عشان تخليها تنجرف بالنهر. ¹⁶ فساعدت الأرض المرأة، وفتحت الأرض حنكها وابتلعت النهر اللي طلعه التنين من فمه. ¹⁷ فغضب التنين علي المرأة، وراح يحارب مع باقي نسلها اللي بيحفظوا وصايا الله، وعندهم شهادة يسوع المسيح.