¹ ياسادة ،عاملوا عبيدكم بالعدل والمساواة ، وافتكروا ان انتوا كمان ليكم سيد في السما ² داوموا على الصلاة سهرانين فيها وشاكرين، ³ وصلوا عشاننا احنا كمان، عشان يفتح لينا الرب باب للكلام، فنبشر بسر المسيح اللي عشانه انا مسجون كمان، ⁴ عشان انادي بيه وواجب عليّ اني أبشر بيه ⁵ اتصرفوا بحكمة مع كل اللي بره الكنيسة، مستغليين الوقت. ⁶ وخلوا كلامكم دايماً لطيف، مليح، عشان تعرفوا كيف تجاوبوا كل واحد. ⁷ هيخبركوا بكل احوالي تيخيكس الاخ الحبيب، والخادم الأمين، والعبد معانا في الرب ، ⁸ اللي بعته ليكم مخصوص، عشان يعرف احوالكم ويعزي قلوبكم، ⁹ مع انسيمس الأخ الأمين الحبيب اللي هو منكم. هما هيخبروكم بكل اللي حاصل عندنا. ¹⁰ يسلم عليكم ارسترخس المسجون معاي، ومرقس ابن اخت برنابا، اللي وصتكم عليه . إن جالكم اقبلوه. ¹¹ ويسوع اللي هو يسطس، اللي هما من الختان. هما وحديهم اللي بيساعدوني لملكوت الله،اللي كانوا ليّ تعزية, ¹² يسلم عليكم ابفراس،اللي هو منكم، عبد للمسيح، مجاهد دايماً عشانكم بالصلاة، عشان تثبتوا كاملين ومليانين في كل مشيئة الله. ¹³ وانا اشهدله انه ليه غيرة كتيرة عشانكم، وعشان اللي في لاودكية ، واللي في هيرابوليس. ¹⁴ يسلم عليكم الدكتور لوقا الحبيب ،وديماس. ¹⁶ سلموا على الاخوة اللي في لاودكية، وعلى نمفاس وعلى الكنيسة اللي في بيته. ¹⁵ ووقت ما اتقرت الرسالة دي عندكم خلوها كمان تتقري في كنيسة اللاودكيين، واللي من لاودكية تقروها انتوا كمان. ¹⁷ وقولوا لأرخبس :"خلي بالك من الخدمة اللي قبلتها في الرب عشان تكملها بالتمام" ¹⁸ السلام ده بخط إيدي انا بولس. افتكروا قيودي. النعمة معاكم. امين. - اتكتبت لأهل كولوسي من رومية على يد تيخيكس و انسيمس -