¹ بولس رسول يسوع المسيح بمشيئة الله ، علشان وعد الحياة اللى فى يسوع المسيح . ² لتيموثاوس الابن الحبيب : نعمة ورحمة وسلام من الله الاب والمسيح يسوع ربنا . ³ بشكر الله اللى بعبده من جدودى بضمير طاهر ، دايما بفتكرك على طول بصلاتى بالليل والنهار ، ⁴ بشتاق انى اشوفك وانا فاكر دموعك علشان اتملي من الفرح . ⁵ وانا بفتكر بالإيمان النقى اللى فيك اللى كان ساكن الاول فى جدتك لوئيس وامك افنيكى ، وانا متاكد انه فيك كمان ⁶ علشان كدة بفكرك ان تقوي كمان موهبة الله اللى فيك بوضع ايدى ، ⁷ عشان الله معطناش روح الضعف لكن روح القوة والمحبة والارشاد ⁸ وماتخجلش بشهادة ربنا ولا منى انا اسيره ، لكن اشترك فى احتمال الصعوبات من الانجيل بحسب قوة الله ، ⁹ اللى خلصنا ودعانا دعوة مقدسة مش علشان اعمالنا لكن علشان القصد والنعمة اللى خدناها فى المسيح يسوع من قبل بداية الزمان ، ¹⁰ لكن دلوقت بانت بظهور مخلصنا يسوع المسيح اللى انهى الموت ونور الحياة والابدية بالانجيل . ¹¹ اللى خلانى كارز ورسول ومعلم للامم . ¹² علشان كدة اتحمل برضوا الامور دى . لكن انا مش هاتكسف . علشان انا عارف ايمانى بمين ومتاكد انة يحفظ الامانة وحياتى لليوم دة . ¹³ اتمسك بصورة الكلام الصحيح اللى سمعتة منى فى الايمان والمحبة اللى فى المسيح يسوع . ¹⁴ احفظ الامانة الصالحة بالروح القدس اللى سامنة فينا . ¹⁵ انت عارف ان كل اللى فى اسيا ارتدوا عنى . اللى منهم فيجلس وهرموجانس . يدي الرب رحمة لبيت انيسيفورس ، ¹⁶ علشان مرات كتيرة ريحنى وماتكسفش من سجنى ، ¹⁷ لكن لما كان فى رومية بذل جهد فى البحث عنى فلاقانى . ¹⁸ يدية الرب انة يلاقى رحمة من الرب فى اليوم دة . وكل اللى كان بيخدم فى افسس انت تعرفة كويس .