¹ Najts Melquisedec mädi Salem tniwintsën eepy Dios sacerdote mädi këxm nexy je mädi Abraham myët nä wyäjtë ku y´ijty të Abraham niwintsën tëjk t´is yëk ook kexy nits ojts kunukxën tmo´oy. ² Jetse mädi ofrenda myooy Abraham. Melquisedec näj je xyëëw y´äyuujk wimpitsemy “Je niwintsën mädi tëy tyump”. Jem tse jädu´uk titulo tmëëdë je tse “Salem nyiwintsén” je tse jotkuj äjt nyiwintsën. ³ Kej y´ijty tyeety pyën ity ni y´äp ni y´ok näy nyäjmë winääk yäjë xëëw txyoontä´äky jets pujunë juky äjt kyukëxët. Ná ampy je tsoom Dios y´uunk tigëx ku sacerdote xëmë këxm je y´ity. ⁴ Ixtë tso je y´ijty ni më y´ijty je yä´äy tyëjk.Je mädi jeknyë eewyë kuky ëëy Abraham. Je Diezmo myooy madi y´ijty të tpääty jem ku y´is tsip tuuny. ⁵ Äweky je Levi y´uunk tëjk të pën tkuentë pëktëp sacerdocio jem je päwään tmëëdë tso´om je kutujk jets ntso Diezmo tyëk mukt yë tse myugu´ktëjk jye oyëm je Abrahäm nyikëxm jyätsoony. ⁶ Melquisedec ku y´ijty je tyuknäs kexëdë jets ojts tkuentëpeky diezmos ku Abraham jets ojts je kunukxën tänikepxy mädi y´ijty promesa myëët. ⁷ Niti äweky kyäti´ity ntso nwänén je jääy mädi känijäwë itp jets kunukxën tkuentëpeky ku myoyë mädi nijäwë itp. ⁸ Ixyä yä´äy tyëjk mädi nikëjx mëët juky eedyëp tkuentëpëktë diezmos näjts je tmooy mädi nä wämp jets jukyë ädëtsp je. ⁹ Ku Levi tkuentë pëjky diezmo näy nyäjts je tmooy diezmo Abraham këxm. ¹⁰ Tigëx ku Levi je më jääy mädi të nyexy jem je y´ijty jyukyë je nyikëxm ku Melquisedec tmët nä wyäjtë Abraham. ¹¹ Ixyäm nä tsoom jyeexyë të nyi oyë kyëxnë sacerdocio levitico këxm. ( yë këxm ts ojts käjp tkuentë´pëktë ¿ti ätujkën je jëp ku jädu´uk teety kyejx jë´ëkt tsoom je Melquisedec nits ken ä yëk ixt tsoom Aaron? ¹² Ku sacerdote tyikäts nä nypajts kutujk tyikäts t. ¹³ Jaduk tribu je nä mädi xyäm nä yëk nikäpx p je mädi jem nijunë kätump mä jem pookx täjk. ¹⁴ Xyäm ts yëkxon tyim yëknijäwë ku ëën nwintsën Judá kye´axy je tu´k tribu mädi Moisesv nijunë kyä nikäpx. ¹⁵ Mädi ëëts nä ntijpy yëk winjäw eepy je yëkxon ku kyejx jë´ëk t nä nyä tsoom Melquisedec. ¹⁶ Ke’ts je kutujk këxm tso´om je kutujk yëk kuy tyuny nikëjx mëët näj tyuuny sacerdote mëk äjtën këxm jets juky äjtën këxm mädi kä kudä koypy. ¹⁷ Tigëx ku jäywyet kexy py je jep nä yëk nikepxy: “mits jeyë tu´uk sacerdote xëmë këxm mädi nä tso’om Melquisedec”. ¹⁸ Näjts jäwiin päwä´än jewäät y´ätuky tigëx ku je ämutsk je y´ijty jets niti kyä´äwä´äny. ¹⁹ Tigëx ku je kutujk ke je tuny mädi oy. Jem tse tso y´ixë näj txyoontä´äky tso oy ixtään mädi miimp kidäkp ku je këxm Dios nwinkunëkx ëyën. ²⁰ Jawyiin ojts tuny juramento nits nä tyujnë. Jets jäduk wiin, pën këm nä tunwäntëp sacerdote oyëm juramento tjäkätun t. ²¹ Jem tse äyäm, yë Jesus sacerdote tyuuny ku ojts juramento tuny ´pën ojts nä nyëmxyë jets je tyun´t: “Të nä wintsën ye´eny ke´ets wuinmäány tyikäts t xëmë këxm mits sacerdote mtun´t. ²² Agëxts je Jesus të je äkäpx tujkën t´yeky pactos madiwë. ²³ Jemtse mädi tuntëjk eedyëp sacerdotes kots je o kën këxm ketse t´okpänëkx ädëtsnë. ²⁴ Ku Jesus jyukyë xëmëkëxm jemtse tmëëdë sacerdocio. ²⁵ Najts mäyëp jets tyëk mädä´äkt pën je Dios wyinkunëkx eedyëp je këxm je ku xëmë këxm je jyukyë jets tnikäpx tso’okt. ²⁶ Je ku je sumo sacerdote je ëën xpäjt ëyëm. Ku je täkoony tkämëëdë niti peky tkämëëdë wä´áts je täkoywyë jääy tmët ity jäweenë këxm je të tsäpwinm twinäxnë. ²⁷ Ke je kyä ijty xyë tsoom sumo sacerdote itp je wintsëjkën tuntët näjts tyäkoony niys näy nyäjmë käjp tyäkoony. Tukyäje nä tuuuny ku këm nyä kyë yäjkë. ²⁸ Kutujk je nä xyë moypy sumo Sacerdotes yë yä´äy tyëjk mädi ämutsk të jets ääw ayuujk mädi juramento jye mädi ixojk pyämiin kutujk je y´uunk xyë mooy je mädi të nyi oy eenyë xëmë këxm.