¹ Tigëx ku ke je sumo sacerdote, mädi të yëk win ixy jem jääy äkukm jäkëx tsë të yëk täkäpx pety jets jäaÿ tputëkët mädi DFios jye eepy jets nä twäjnët je yoxën ok wintsëjk éëny ku täkoony je´e. ² Mäyëp je jets tputëkët mädi tkämëj pëk täkp ok mädi të yoytyäkoy tikëx ku je këm jem je ämutsk äjtën tmëëdë. ³ Jäkëx je näy nyäjmë pyäädyë tun´t wintsëjkën këm tyäkoony kyëxm näjts tsoo je tuny täkoony kyëxm. ⁴ Ke tse këm tja jë ku nipën nä wintsëjkën tkä kuen të peky. Ku je Dios je të wyäätsoyë näj tso´om ojts Aaron yëk wäätsoy. ⁵ Näy nyäjts ketse këm ojts Cristo nyämyë pëk täkyë ku sumo sacerdote tyuny. Mädi ojts tuny mädi je y´ijty myët nä kyäpx ookën n ä je wyääny: MITS ËTS N´UUNK EEPY, ËTS MITS XYÄM XTEETY EENYËP.” ⁶ Näj tsoom ojts je ye´eny äyäm it: “XËMË KËXM MITS SACERDOTE MTUNT TSOOM MELQUISEDEC TNIWÄWÄÄNY. ⁷ Je xëëw mäni këjx mëët ojts jyukyë Cristo ojts nyukx tä´äky mëët ämädo´on. Akipxy ku mëk nexy ojts t´ämädoy jets Dios twin yäjxy tukëm je mädi mä yë jets tyëkmädä´äkt mä ookën je ojts yëkmädojë ku ku pä´äyoop nyäpyëk täjkyën. ⁸ Oyëm je y´ijty je y´uunk etyë jyääjt je ntso tmumädo´ot mädi këxm ojts jyety kyuwety. ⁹ Të wä´äts je yëkpektäjky jets näjts ojts tyuny pën tmumädoodëp jekëxm je mä mädäjkën mädi xëmëkëxm. ¹⁰ Dios je nä täkäpx pejtë jets sumo sacerdote tyun´t. tso´om Melquisedec tniwäwä´äny. ¹¹ käwinëmpyë ëën nmëët nmëët eyën ntso Jesus nikäpxën nimätyäjkën jets tsip tse tso y´ixë nikápxën nimätyäjkën ku miits ke jetyë m´ok mädoonëdë. ¹² Ku ixyä'ät tyempë myëk ixpëknëdëp miits jyeexyë jets miits mjäk käti'it adëjtxyë jets nidukën wanxyët Dios je kyexy. ¡ leche miits mpäjt äjt tëdëp m'uuktëp jets ke keeky xkäydyët. ¹³ Jets opyënë pëm pën leche y'ukypy ke tse myäyë jets tëy tyuun tunt tikëx ku määxy y'uunk nëm je. ¹⁴ Jets je keeky kyäypy mädi të yeeknë; yë tse mädi të twinmäy pyätnë jets tnijäw eenyë mädi oy jets käoy.