¹ Mäts tu’t të wen je tje jë ku nmugu’ktëjk tsojkén tu’uk jäduuk tmëëdët. ² Kädiim xjääy dyäkoydyë jets jääy xyëk määk täntët ku je nä tuntë jem tse nidukën tyék määk täntëp angeles jets ni ke tnijäwëdë. ³ Jääy myetstë miits puxtëk jääydyë jye tsoom je jyeexyë kipxy xmët puxtëk tsëënëdë mjääy myets tëp miits jedë pën je yëk wentuntëp tsoom miits jyeexyë jem nyikëxm jyukyëdë. ⁴ Jets tukëyë ämetsk tsënääny yëk wintsëkët ämetsk jääydyë wä’äts tse y´it t myäwejt Dios je wyenë téy tyujnëdëp mädi nä yë tsë needyëp ke y’äjäy myukyëdë o ku ämetsk jääy tmëtwitit mädi kyämët ämetsk tsëneepy. ⁵ Kädi kyo yë meeny t’ätseky jyä’äy äjtën kéxm. Täjotkujk tä’äktë miits je pën ti jem mëët të tikëx ku të këm Dios ye’eny: “NIJUNË ËTS MITS NKÄMÄTS TU’UT NIN KÄ NI KE’EKT ËTS MITS.” ⁶ WEN TJOTKUJK TÄJKYËN NITS NWÄNËN: YË WINTSËN ËTS XPUTËJK EEPY NINKÄ TSËKËT ËTS ¿TSO ËTS JE YÄ’ÄY TYËJK JÄÄY XTUN’T?” ⁷ Kuentë tuntë tso je mädi wintuwëjk äjtën myutuwëktëp jedë mäd Dios y’ääw y’áyuujk wänxëdë äxtuktë tso je jyääy y’äjt tyëk näxtë panëkxtë nä tso jenxyäwën tmëëdë. ⁸ Näy jye Jesucristo mädi uxëj, ixyäm jets xëmëkëxm. ⁹ Jets kädi miits wijnk ixpëjkën myëk tä’änëkxëdë nä je y’oyë ku ääw joojt myëk pëktë pä’äyoon këxm ke je täkääny kyëxm yëktëy tyun’t keje pyutëk etyë mädi nä tkäjuky äjt eedyëp. ¹⁰ Jem ëën tu’uk yoxtäjk nmëët ëyën pën jep tuntëp tsäptiky py ke tse pyäät etyëdë jets kyäydyët. ¹¹ Tänë’ëk nyëjpy täkoony jye tyëk ookp jets jem yëk munikyxy wä’äts it jotm yäm nyikëjx tyoy jën jety py jem tëkwimpy. ¹² Näy nyäjmë tse Jesus y’äyooy käjp tyëk äkäj jëxkepy näjts je käjp tyëk wä’äts jät t kyém nyëjpy kyëxm. ¹³ Wentse tmëët ëyën tëkwimpy jets mpätëjkë jyäyën txyotyuun. ¹⁴ Ke je mëj käjp yä tyi’ity mädi itp kunexy yä itp mädi ntuunëm wen t’ixtäyën je mëj käjp mädi winkomp. ¹⁵ Jekëxm näjts wen je itp wintsëjkën këxm tmoyën je Dios je ëy je tëëm mädi äm pitsëmp mádi ixkäjpxyëp xyëëw. ¹⁶ Jets ke njääy dyäkoyën tso tu’uk jädu’uk nädyäputëjk ëyën je wintsëjkën je Dios y’oy jyäwë nyexpy. ¹⁷ Mädowdë päwään pätëkëdë wintuwëjk eewyë tikëx ku je m’alma wintuwëjk ätxyëdëp tsoom je mädi nikxy tukëyë tkëyäk kexy mumädowdë miits wintuwëjk eewyë nits nä jotkujk tjäk tun ädëts t nits ke txyätxy tyäwinmäyty niti je xkäpäät tët ku miits nä itp mjäwän it t. ¹⁸ Je ëëts xnikunukx tä’äkt ke ëëts ti nmäy ntäjy tso ëëts nmëëdëdë nwinmää´ny jety py nä ëëts ntseky njukyë wyä’äny oy yëkxon tso tpääty. ¹⁹ Xyäm ëts miits nkäpx putëkë y’ädëtstë jets nä xtun ädë’ëts t tso ëts tsoj ampy nwimpit kojmët yä. ²⁰ Ixyäm je Dios jyotkujk täjkën mädi juky pyëjkën ojkën äkujky je oveja myë ixyitpë. Ëën nwintsën Jesus je nëjpy mädi xëmë këxm wäntä’äky eepy. ²¹ Je myëk ni oy äjtëp mädi oy näjts txyojkën yëk tujnët wen je ëën je xmoyën mädi oy nyexy kejx jë’ëkp je wyinkukm. Jesucristo këxm mädi je myëj äjtën xëmëkëxm nits xëmëkëxm nämëm je. ²² Xyäm ëts miits nkäpx putëkëdë jets xkuentë tuntët yë äyuujk mädi ëts miits ntämukäpxtëp mädi ëts të weenë njä’äy. ²³ Nijäwëdë ku ëën nmugu’uk Timoteo tëje yëk mäts tu’uty pën éts wyenë nmët mimpy pën wimpitp jetyë. ²⁴ Mukäpxtë wintuwëjk eewyë jets nidukëyë nidukëyë mädi wä’äts tuyoydyëp. Mädi jep Italia je miits mukäpxëdëp. ²⁵ Jem miits pä’äyoon mët itëdët nidukëyë.