¹ Näjts ixyäm mä´äm jumëjt ok ntso it tyiketxy mugu´uk tëjktë ke miits mkäijt xëdë jets myëk jäyëdët. ² Je ku miits wä´äts nexy xnijäwëdë ku je wintsën xyëëw myiny nixkëm meetspë myiny koots. ³ Ko je wyä´äntët: Oy ëëdëm nits njotkujk äjtën, nits kukexy ëny ätsujky tyänäxkidä gëdët.nä nixkëm toxtyëjk mädi käniwä´äts unäjnk nyiwä´äts wänyë. Näjts niti kyäity ntso y´ixë tkuke´ektët. ⁴ Jets miits mugu´uktëjktë, ke miits m´äkotxyë tuj yëdë jets je xëëw mnäspäát ätëdët nixkëm tu´uk meetspë. ⁵ Je ku nidukëyë miits äjääjk uunk jets äxëjny uunk. Edëm ke n´äkootxy uunk ëyën jets ninkä ku koots ëyën. ⁶ jägëxts, ke nmájëntë nixkëm pën y´ädëtstë wen wijy kejy t´ijtyën jets nijäw eepy. ⁷ Jets vmädi äädëp koots je miädë, mädiwëts uktëp mujkëdëp koots je nä y´ádëts të. ⁸ Jets ko äxëjny y´uunk ts ëëdëm, wents nijäw eepy tnäpyëmën wen tnädyäxojxyën jenxyäwëm mëët je tsojkën nä ixkëm tu´uk pujx kujup je jup ixén mädi mimp kidäkp je mädäjkën. ⁹ Je ku ke Dios të xpëmyën jets jot ään xpäjtën, je dë ëëdëm nyëkpëmyën nits näspäjt ëyën mädäjkën ëdëm nwintsën Jesucristo kyëxm. ¹⁰ Je të ëdëm xku ookyën oyëm n´ijtën niwijy ok määp je´ets nmët juky ëyëm. ¹¹ Jegëxts miits näkyäpx jotmëj ätëdë tu´uk jänidu´uk näk wyimpetëdë tu´uk jänidu´uk nä nixkëm xtuntë ¹² Näjts miits n´ämädowdë muguktëjktë, ixkäptë je mädi tuntëp mä miits ok mädiwë jem eepy wintsën këxm mä miitstë mädiwë mkäpx jotmë äjtëdëp. ¹³ Näy nyä ëëts n´ämädoy jets më kä je xtäoy jyäwëdët. Ko nä tyuny nits oy jotkujk y´it t mä miitstë. ¹⁴ Näjts miits muguktëjktë nkäpxjot mëjëdë: xwäjnëdët mädiwë käoy tyu yoy dyëp nits xputëkëdët mädi ämutsk eedyëp mädi ämäaÿ tyë jets yujy mnyä pyëmëdët mä´ám tukëyë muguktëjk. ¹⁵ Ixtë nits ke pën nyämyuwim pitëdët oy käoy mädi tsojkëp mnyämëk mjëdët jets xtuntët mädiwë oy tu´uk jänidu´uk. ¹⁶ Jotkujk tä´äktë itpnexy ¹⁷ Nukxtä´äktë itp nexy, tukëyë kujuyën kuwejtën xmodët. ¹⁸ Je ku yë Dios teety txyojkën eepy mä miits Cristo Jesus kiëxm. ¹⁹ Kädi xyëk pi´itstë Dios wyä´äts jäwën. ²⁰ Ke xkämëj ixtët yë kepxy mätyä´äky. ²¹ Ixtë tuntë tukëyë këjëm mëdë mädi jety oy. ²² Ke xtuntä äktët pën winääk pet yë käoy äjt. ²³ Nits këm Dios mädi äwä´äts äjt tmëët myëk wä´äts jätëdët pu´uky keepxy. Tukëyë mits je mjäwën mjuky äjt mëët mnikëjx y´it t ixyity ni ti peky tkämëdë pën junë je wintsën Jesucristo myiny. ²⁴ Tyëywyë je mädiwë wäätsojëp. Jets tyump je näynyä ²⁵ Muguktëjktë kunukxtä´äktë ëëts. ²⁶ Kuentëpëktë nidukëyë muguktëjktë wä´äts tsuukxën këxm. ²⁷ Näjts nmädoy wintsën kiexm jets yä´át neky yëk käpxët tukëyë mugu´uktëjk. ²⁸ Jets wintsën Jesucristo wyä´äts äjtën y´it t mä miits nidukëyë.