¹ Piyomjeta njoa, no-Diote naoya njaji nocoema; pjirreta njoa yenon naoya njaji jinocaperri nokjoete. ² Pimanacota njoa naoya njaji idejicape matsiperri naco, pimanacota njoa naoya njaji icocape inaiki. ³ Picapa coajica nawapaca njoa dawacalri ricó nainócarro njoa. Njaji inaitjacape matsi nawacacawa njawacatsa nemacarro nokjoete, mitsa corrin nomatsicana ikjaote cantja, no-MInalri. ⁴ Namatsietacawa njecócarro nokjete mikjapantsa; picafienawa pinócarro pikitsindata njoa. ⁵ Pjia Iminalri, na-Diote njaji tsolrodaonai aimadan, na-Diote njaji Iraelnai, pjinicoa pjirrapitetacarro njaji jalredaoca lricoperri, wade kjenaca poicapaca nanakjoite njaji inaitjacape matsi. ⁶ Nadiawa deepi ricó; najicawa cayoji tsino kerroaperri yaji capisho iyofiawa nayacalre iwaida naco. ⁷ Pocapa coajica namotoitaca yacoti matsi-perritsa, mtseta shoca shoca njaji nanomaya, ima nacaiteca cayoji: ''¿Cocao jimi warso?'' ⁸ Mitsa Pjia, no-Minalri, icamiytsa Picaaca naicao; mitsa piají matsilri-perrimca pjiomi njaji inaiki jalredaoca lricoperri. ⁹ Pjia Dio, Pjia iácada njoidawa, njomicaotsa Pirso panaya, icatsa Pjia iwapacadaca njoa yenondalri naco. ¹⁰ Lrioketaotsa njoa jliaji no-Diote kjena capoa lricapaca norso; Dio icadaotsa nocapa jliaji nomalri njerrapitaca inaco njaji nocoema. ¹¹ Mainotsaotsana, no-Minalri; wadentja corrica naji jliaji jirrapitakjeti. Picadaa napocotacawa Pjiida sho njite Picadaotsa njewácarro, Pjia Dio, idanatacada fa. ¹² Naikjaote njaji imatsicanati nanoma lricope, njite naikjaote njaji yacoti nacaiterri inaco, picada njepacana napádalreca ima, caco capoana maatsi njite naikjaote njaji ishati nacaiteperri inaco tsakja. ¹³ Piwayaketana irroati ricó wadee cafi catoana; picadaa nají Pjiaca jliaji italricanatalri nanaco njaji Iraelnai njite pjiomi jalredaoca lrico. ¹⁴ Nadiawa deepi ricó; najicawa cayoji tsino kerroaperri yaji capisho iyofiawa nayacalre iwaida naco. ¹⁵ Najica naoma naiñjao macadatsa, njite nanaitja cayoji tsino sho corri cadaa kepinana. ¹⁶ Mitsa njoa nocanta caotsa Pjida naco, njite deepi toa nocanta caotsa lrikjaote jliaji ipeyokjeti macadalri pirsolri nonacojle. Ima icacatsa Pjia iwapacada njoa njite Pjiatsa iwapa njoa matsi cádanaco njoyapacawa. ¹⁷ Nocantaca Pirso, Pjia iacada njoidawa; Icatsa Pjia iwapacadaca njoa, Pjia kjenadalritsa icapaca norso, Pjia no-Diote.