¹ Noma matsiaca Pjia noapiya, Dio, noma matsiaca Pjia noapiya, ima noma nodanatacawa Pinacojle a kjerreca nawayacaotsa noya njaji jirrapitinaperri norsolri. Nofacaotsa Pinapje yapjite pidanatá-carro njoa naoya njaji matsirri a kjerrekenaotsa nawayacawa. ² Nowanacaotsa Lrikjaolre jliaji Dio Yenonrsedalri pja pjiomi ioya, jliaji Dio inaitjalri norso pjiomi njaji nomalri. ³ Lrimenacaotsa nokjaolre inocape iyomjeta njoa, kerroacani nakjoete njaji inaitjacape norso matsi. Dio watsa imenaca noikjaolre Lrimatsiaca njite corriotsa Lri-macá carroca njoa. ⁴ Nofacawa yawi kerroaperri ipecolrico; nofacawa napecolrico njaji iwapacapenatsa naiñjácarro njoa. Nofacawa napecolrico njaji inaiki irsocape netsa molroco sho njite yawitsioco sho, njite neene matseta keemaperri shocana. ⁵ Dio, picañjata nacapa icacatsa pjia Dio macadalri iofacada eenolricojle; Picada nacapa Pi-matsiaca jelredaoca lrico. ⁶ Nerroeta nopia toda shoperri nacalrapícarro njoipa; niini inona piaca njoa. Njeca tsakja apapji irrirri nopeyajle. Njatsa idia jiwa nanaitjanda lricoda. ⁷ Corrin tecojleca nowaopiakje Pioya, Dio, nocadaca nocaolre pinaco; nocantacaotsa, ajaca, nocantacaotsa canción. ⁸ Nomatsietaca nocaolre matsiadalri nocantácarro Pirso, Dio; nokjematacaotsa arpa njite felroma tsakja nocanta cádanaco Dio irso; nocafia watsa jalreca ipjeya toa. ⁹ Noaca Pirso matsiadalri, Iminalriti, napecolrico njaji inaiki; nocanta caotsa Pirso napecolrico njaji apacoape jiipai. ¹⁰ Caidalritsa macadalrica jliaji pipeyo shopa njoa, teeco naocawa eenolricojle; njite macadalri tsakja piwapacawa njoa cayoji lrioca capisho iyadaoca nacojle. ¹¹ Dio, picañjata nacapa icamicatsa Pjia nataitalri njerretaca yenonrse eenolricojle; Picada njerretaca Pjia pimatsiaca ikjaote pjiomi njaji jalredaoca lricoperri.