¹ Piwapa pjimi matsia, Dio njaji notatjalri piinai; njite madawatsa pioyao njaji notatjalri caiwi ricotsa piinai. ² Pjimi norso njite pjiepa njoa; corrin notaita nomaodacaca naoya njaji njorrapitalri ³ naaco ima njaji nocoema, njerrapitetalri njoa imá njaji inaiki matsiperri; icatsa njaji iderrica norso njaji njorrapitalri njite napinetaca njoa irroati ricó. ⁴ Nocaolre icorsoca nowawa lrico, njite mayamicalri ifaima jiwacawa nonaco. ⁵ Nofiocawa niini notetjecawa, njite njaji cafainaperri oopi namjaidata njoa. ⁶ Ima noaco cayoji: ''Norso cadantja nonapje cayoji tsotsobo sho icamitsantja noarracawa teecoa nowafetácarrontja. ⁷ Niini, icamitsantja noajicawa tecoa; noantja nofawa jalrapocolri ricó. ⁸ Njoecontja kjeya noa-carro nodawacawa caolri kjaidadalri ioya, jliaji itipirratacadawa.'' ⁹ Pino noyana, no-Minalri, pimanalrieta naoya naaco. Nocapa coajica nainoacacawa njite matsi naofacawa. ¹⁰ Jalrewerrico njite deepi rico namoto manawa nadana ioya; njite narsoca aima imatsicanati njite iwaopiakjeti matsiperri nanaco. ¹¹ Aima narsoca imatsicanati; corrin yami njerrapitetaca nayacalre ricó njite corrin yami nacaiteca ishati. ¹² Ima corricatsa apada njopondaca jliaji icoitalri njoa, ima cayo cadantja cotsa coadaca norsoni; corrin tsakja apadaca matsidalri icapaca njoa jliaji yemalri nokjoete; ninintja nodawacawa lrioya. ¹³ Mitsa pjia catsao, pada atsia caidalritsa nocayosho, nokitsinda, nikitsindaji imatsiaca. ¹⁴ Matsiaperri pia waofacawa wapiyawaca yamadape, waapiawa Dio ipana lricojle nainai njaji inaiki aimadan. ¹⁵ Picadaa mayamicalri jiwacawa nanaco kjeyanadatsa; picada naorrocowa irrirri lrico cafitsa, ima naofacawa matsidalri ricó, napecolricoca njaji imatsicanati. ¹⁶ Mitsa njoa, nowana caotsa Dio noikjaolre, njite jliaji Iminalriti lrimanacota caotsa njoa. ¹⁷ Deepi ricó, piyompinaco lrico njite mayacan cádanaco jérri nocajacaotsa icaiyati ima, njite Jlimi caotsa noacoam. ¹⁸ Ajádalri corriotsa Lricadá carroca mayamica njoa lri-ricoda jliaji inoacakjeti namatsietanda piatja nopia; ima aimadan piaca njaji inoacalri nokjoete. ¹⁹ Niniotsa Dio, jliaji italricanatacada enolrikjoite, jliaji corridalritsa italricanaca iwayacacawa, jlimiotsa coajica nacaiteca njite Lri- kjenatacaotsana. Corriotsa coancaojli napadameta nawaopiakje, corrin nafiocawa Dio iwana. ²⁰ Jliaji nokitsindaji, opi jlinico nakjoete njaji imaodacacapetsa iofacawa lriapiya; corrin lricacoadatac jliaji yácoti lrirsolri napiya. ²¹ Catimaperri piaca pjemica njaji yácoti lricaiterri cayoji paiñja capisho mantequilla, mitsa lricaolre ricó icamitsa lrirsoca irroati; njaji yácoti lricaiterri, lricaite matsiacalri ricó, metamperri pjemica cayoji paiñjeta capisho panacoa aceite, mitsa njaji yácoti lricaiterri yacoti cafainaperri cayoji matseta njetandetsa lriarropa ioya. ²² Picada njaji pidecalre Dio naco, njite cayoatsa Lrikitsindata pjia; corriotsa coancaojli watsa lricadaa njewacawa njaji inaiki inaitjacape matsia. ²³ Mitsa, Dio, pidewatsa njaji inaiki matsiperritsa iwaopiakje naacawa nawayacacawa; njaji inocape inaiki njite njaji cashaperri corriotsa naofá carroca wia jalredaoca lrico nacayosho njaji apjetsida, mitsa njoa nocadaca nocaolre Pinaco.