¹ Nocaolre icatimatacawa pada yácoti matsiadalri ikjaote; kjemá watsa nolreeca njaji yácoti nodanaji Talricanati inacoapanadalri, idanacaita idanashoca jliaji noenene corridalritsa canacaica lrirso. ² Icatsa pjia atsia matsiapalri naoya njaji apana atsianai; cayoca njaji Pinomaya paiñjeta capisho aceite sho; cayoshopa, wají Dio catsa inaitja Pirso matsia caidalriwetsa. ³ Picadaa Pi-matsetani picodapitsa, Pjia Kjaidanalri, Pi matsiaga melremelrédalri njjite Pjia macadalri pja pjiomi ioya. ⁴ Pi-macádalrica naco piajicawa pjiameta pjiomi ajádalri sho, merroatsa njite pinaitjaca matsia; Pinaitjaotsa aima macapa canaperri macadalripe njite cafainaperri. ⁵ Cafainaperrica njaji Piyawitsioco; corrin nataita nemaca Pikjoete njaji jalredaoca lricoperri; oopina Piyawitá nacaolre ricó njaji Picoema, ⁶ Caidalriwenatsa Pitalricanataca, corriotsa coancaojlica yami Pjia lrioya; Pitalricanataca Pitalricanaca lrico matsiaperri sho. ⁷ Pipeyoca pinaitjaca matsia njite matsi picapaca jliaji imatsicanati; Nini Dio, Pjia Dio, opina lriarro Pinaco aceite catimacarro Pjia naoya njaji pikitsiñape. ⁸ Ketanca pjiomi njaji pitsayani mirra itan sho, áloe tsakja njite casia itan sho tsakja; marfil dapana lrikjoite, jliaji talricanati dapana nakjemata njaji natocaji irsocape neñada pirso. ⁹ Talricanatinai itonaipe nanoca naikjaolre njaji pininai picoadataji; piyekema nacojle roemawa rsoaji talricanati, njite rsoetaca ronacoa tsaya owirromaca nadenda Ofir lrikjoite. ¹⁰ Pjia talricanati yempeti toa, piwapa pjimi matsia jliaji nocaiterri; ajena pinaitjaca cayoji nanaitja capisho njaji piyacalre ricope njite njaji piipaneta. ¹¹ Icamitsa cayo lritaita lricoadataca pjia lrinowa; Icatsa piminalrica, piyamjeta pjiwida lrikjaolre. ¹² Nirseotsa njaji Tiro lricope njite nadeca regalo naoda pirso; naji cayarroaji-perri iofacape napecolrico natatjaotsa caiwi-ricotsa wade pinaitjaca narso matsi. ¹³ Matsiadarroca icapacana rsoaji pjitalriotsa pinoa; nanaitja rotsayani owirro sho. ¹⁴ Nadeotsa rsoaji inarro talricanati ikjaolre rotsayan matsiadalri yapiya; njite njaji inaitjepe rokitsiñapeji walriaparrope toa, nadeotsana pikjaolre. ¹⁵ Catima lricoatsa nadecana nacatima taaca carroa; njewacaotsa talricanati dapana lricojle tralricanati iofacawa lricojle. ¹⁶ Njaji talricanati yenipe, nja watsa jimao talricanatica jliapodam, njaji lricadalriotsa caconaperri pjiomi lritalricanaca lrico. ¹⁷ Nocadaotsa nawadaca pjia pjiomi njaji walricomanaipe; niniotsa, pjiomi njaji inaiki jalredaoca lricoperri, nawatsa Pirso matsiadalri caidalritsa njite caidalriwenatsa.