14 Nocafica icidocao cayoji ooni yarrocapisho; piomi njaaji noapi maapicana cerashoca lriaji iarrolri nocaolrerrico. 15 Meetakena lriaji noidá cayoji torropje mjetadlrinsho; noenene orrokena cacocadanaco noa, mayandalrin sho picapacanoa. 16 17 Njaji tsino nacorrarrataca noa nashomitacanoa njaji apapoco inocape inaki naayaonita nocapirrico njite noijipalrico. Notaita noniweta piomi noapi; caiyopa njaji nocoema corrin nenitaca natirrá nooya. 18 Naca narsowaa lriaji noshayani njite noshaninaco netaca 19 suerte.PJIA NOMINAIRI mamacasha noa pjiacatsa noida, pita noa keeya nauya. 20 Pjita lriaji nocafica masheeta yooya pjitashaca nocaolre matsiadalri naoya naji maficalri chinoshoperri. 21 Pikichindata noa yawi inoma ioya njite lrishowa yoya lriaji Búfalo. 22 Nocaiteotsa piacona nokishiñape irso; inaiki ipecolrico noawatsa matsíadalri pirso. 23 Njaji iwiocape WAMINALRI iwana naaca matsiadalri lirso; ikeñata lricapa coami ipeyocani jia israelnail. 24 Ima corrim maatsi lricapaca dofenadalrí lrirrapitacadanaco lriaji jirrapitacada; Lrioma cadanacon lriaji jirrapitacada; Lriaji WANINALRI corrin Lridawaca Lriecoa Lrioya; Lriwanacadanacon Lriaji Jirrapilacada, Lrimica Lrirso. 25 Lriaji notima pinacoitedalrican, nokeñataotsa napecolricon njaji inaiki; nonaitaotsa Lriaji nocaiterripia napeyalre njaji icadape icaolreo lrinaco. 26 Lriñacaotsa lriaji inonadalri, njite catimacaotsani; nawatsa matsiadalri WAMINALRI irso njaji yomacapen; njite catimawatsa nacaolre caidalriwetsa. 27 Piomi njaji inaiki jipainacoperri nawaopiawatsawa, njite nadiawatsa WAMINALRI iderse; piomi watsa jalredaocalricoperri nacoanacaotsa lricaolre. 28 Ima lriaji jidatji WAMINALRI njitedalrican lriaji watsa piomi nanaco njani jalredaocarricoperri. 29 Naiñawatsa njite nawatsa matsiadalri piomi njani talricanatinai caidaperri. Natodootsa naorripadao piomi lripeyalre; njaji iowacape cayo mayamiwatsana cayo poalrípocoa sho. 30 Njaji njapodomperri, nawatsa lrirso matsiadalri, nacatewa WAMINALRI iaconá narso njaji napodamperri. 31 Piomiotsa njani corriperritoa imitoa nacaitechacaotsa lrimatsiaca naco lria lriaji lrinaitalri.