¹ Iaca matsiadalri wa-Minalri irso eenolrikjoite; Iá matsiadalri Lrirso yenonjite. ² Iá matsiadalri Lrirso sha Lri-angelenai, pjiomi sha Lri-angelenai aimadan iofacape eenolricojle. ³ Jérri njite kérri, iá Lrirso matsiadalri, pjiomi sha jiwirsida kjaidaperri icanaca, iá Lrirso matsiadalri. ⁴ Pjia eeno yenondalri, njite pjia ooni eeno icaodalri, iá Lrirso matsiadalri. ⁵ Icadaa naca matsiadalri wa-Minalri Ipitana irso, ima nanaitjacacawa Lrinaa cádanaco pia nanaitjacacawa. ⁶ Lricadaa naofácarroa caidalriwetsa; njite cadaa yacoti nanacoapana corridalritsa coca itaita itecojletacana. ⁷ Iá Lrirso matsiadalri, jalredaoca lrikjoite sha maficalri cafainaperri iofacapewa ooni itjewacaca lrico, ⁸ eeno iperronialre, iyao tarraperri, itamana, iyadaoca, caojli kjaidadalri nanaitjaca cayoji lrinaa capisho nanaitjaca. ⁹ Iá Lrirso matsiadalri, pjiomi jiipana yenonperri, pamoyoaperri, pjiomi jaico paiñjampe inaca, njite pjiomi cedro lrima, ¹⁰ pjiomi maficalri mapirra canaperri, pjiomi náapirra, wipjiarro njite pjiomi njaji maficalri yajicape nawawa sho tsakja. ¹¹ Iá matsiadalri wa-Minalri irso, pjiomi sha talricanatinai jalredaoca lricoperri njite pjiominjaji jiipai, caconaperri yenipe njite pjiomi njaji italricanatacape jalredaoca lrico, ¹² pjiomi njanji atsianai, inaitjepe yempetipe toa, pekipenaina njite pjiomi yempetidape toa. ¹³ Icadaa nácarro naa matsiadalri wa-Minalri ípitana irso, icamitsa Lripitanaca jliaji wataitalri ferretaca yenonrse pjiomi ioya njite Lrimatsiaca melremelredalri íita pjiomi jalredaoca lrico njite eenocoma lricojle tsakja. ¹⁴ Jliaca njaidao njaji lrinaikite aimadan. Pjiomi njaji iomacapeni naaca Lrirso matsiadalri, njaji Iraelnai, njaji lrinaikite tsomiperri Lrioya.