¹ Waa waofawa Babilonia ionite icodapi, icatsa waaca waofa waiya nirse wawaopia cádanaco Sión naco. ² Njite nanaco njaji jaico íki nirse perri wacada nerroa njaji waarpani. ³ Njaji ideecape prseo fa nirse natatja ainai wacantá-carro narso, njite icacaperri wanaco nacaite warso catimacarro fa, naaco: ''Icanta femi papaco canción Sión nacoda. ⁴ ¿Coajintja wacantaca canción wa-Minalri naco pada jipaite ricotsa? ⁵ Corri cadenatsa nowadaca pjia, Jerosalén, pjita nooya jliaji nonaapa noyekjemadalri. ⁶ Njite corri cadatsa nowadaca pinaco, picadaa noenene irroa nonoma lricotsa, corri cadetsa nooma pjia, Jerosalén, cayoji nooma capisho njaji nocatimata shopa njowaacawaacatsa. ⁷ Piwaopa, no-Minalri, coaji piaca edomitanai naino caojli pia njaji Jerosalén lricoperri. Naaco pia yacalre naco cayoji: ''Idoita jliwao, idoita njaji lriemacawawa.'' ⁸ Babilonia íito, kjeyetsa jlinana pjimao carroatsa napeco jiwao, matsia watsa jliaji inaiki inaitjalri cayo, jliaji iomalriotsa wacoadawa inaitja capoa warso maatsi. ⁹ Matsia watsa jliaji inaiki, jliaji inocadaotsa yenipe tsoiperri jiwida nainócarro jiipada nacojlena.