¹ Iá matsiadalri Dio irso. Iá matsiadalri wa-Minalri iipitana irso. Iá matsiadalri Lrirso, sha wa-Minalri irsoperri, ² sha iemacapewa Dio iipana lrico, Lriipana iyacalrecoa lrico. ³ Iá matsiadalri wa-Minalri irso, ima matsiadalricani; icaite matsia Lripitana naco icanta cádanaco, ima matsiaca panaitjaca cayo. ⁴ Ima wa-Minalri iniwanaca Jacob Lriyadawa, Lriyadaca jliaji Irael. ⁵ Noajintsa matsiadalrica jliaji wa-Minalri, Jliaca naicao pjiomi njaji nacadaji dionaica. ⁶ Cocacatsa Lrioma jliaji wa-Minalri, Lrinaitjani enolricojle, jiipai nacojle, macapawan lrico njite ooni macapawan itjewacaca lrico tsakja. ⁷ Lridee njai iyadaoca tekjoitepe, lricadaa eeno iyao ikitsindawa njite Lridee jliaji caolri naaroda nakjoite. ⁸ Opi Lrino jliaji pjerriti Egipto lricope, maficalri nakjoite njite inaiki nakjoite tsakja. ⁹ Lrinaitja manaitjacanaperri pinakjoite Egipto lrico, Faraón icapao njite nacapao pjiomi njaji lrirsoperri. ¹⁰ Lriino aima inaiki iofacape njepaite lrico njite lrino tsakja talricanatinai kjaidaperri, ¹¹ lrino Sión, amorreonai italricana, njite Og, Basán italricana njite pjiomi njaji talricanatinai Canaán lricope. ¹² Lria warso jlipaite nakjoite wayadao, Lrinaikite Irael iyadawa. ¹³ Corri coancaojlica lriwayacaotsawa jliaji Piipitana, wa-Minalri, Jlia catsaotsa nainai njaji walricomanai. ¹⁴ Jliaji wa-Minalri lriwapa njaji Lrinaikite njite kjena Lricapaca narso njaji Lrirsoperri. ¹⁵ Palrata sho njite owirro sho nanaitja na-idolo niwa njaji jalredaoca lricoperri, atsianai inaitjajitsa nacapi sho. ¹⁶ Narsoentsa nanoma njaji idolonai mitsa corrin nataita cacocana; narsoentsa natji mitsa corrin nacapa nasho; ¹⁷ narsoentsa njenacolrico, mitsa corrin njemica nasho; corrin namotoita caolri nanoma lrico. ¹⁸ Caiperri tsakja nacayosho njaji inaitjacapena, njite cayo tsakja njaji icadacape icaolre nanaco. ¹⁹ Sha Irael inakjoiteperri, icaite matsia wa-Minalri naco; Aarón inakjoiteperri, icaite matsia wa-Minalri naco. ²⁰ Leví inakjoiteperri, icaite matsia wa-Minalri naco, sha inaitjacape matsia wa-Minalri irso, icaite matsia wa-Minalri naco. ²¹ Matsiadalrica jliaji wa-Minalri Sión lrico, sha iofacapewa Jerosalén lrico. Iá matsiadalri Dio irso.