¹ No-Minalri, matsiacarro jliaji pirsodalri David, piwadatsani coajica jliyapacao. ² Piwada coajica lricaite Iminalriti irso, jliaji Kjaidadalri Jacob irso. ³ Lriaco: ''Corriotsa njoewá carroca noopana lrico, norsoácarro norsoacarroita naco, ⁴ corriotsa daimjí carroca njaji notjí, corriotsa naitá carroca njaji notjiya ⁵ a kjerrecaotsa noketa a kjerrecawa lrico caotsa lriofawa jliaji no-Minalri, pada pana panti lriofa carroda jliaji Kjaidadalri Jacob lricoda.'' ⁶ Ajaca, femi lrinaco Efrata lrico; waoketani Jaar jipaite lrico. ⁷ Fewawa Dio ipana lrico; Wacaotsa matsiadalri Lrirso Lricadacawa naco jliipa. ⁸ Pinoena no-Minalri, pinocarro Piofawa lri-ricoda jliaji panti Piwafeta carroda lrico, Pjia njite Pipatowan tsakja, jliaji picañjata shopa nacapa pjiida. ⁹ Picadaa nacapa njaji inaiki nanaco njaji pisacerdotenaipe, inaitjacapeca matsia; njite Picadaa nawanaca njaji pinaikite catima capoa nacaolre. ¹⁰ Matsiacarro jliaji pirsodalri David, mamacatsa jliaji talricanati Piniwananda Pirsowao. ¹¹ Jliaji Iminalriti inaitja pia pada yácoti ajadalri sho David irso, yácoti corridalritsa lriwayaketa lrioyani. ¹² Njaji pienipe, corri cadaa njeena lrioya jliaji Noacoam naapiya, njite naoya njaji yácoti Nocanantalrina inaco, caidalri tsaotsa natalricanata tsakjaotsa njaji pienipenaipe.'' ¹³ Ajádalritsa wa-Minalrica iniwana jliaji Sión, Lriniwanaca lriofacarrodaca inaco. ¹⁴ ''Icatsa nowafetacawaca caidalritsa. Icatsa nofacawa anji, ima nopeyondaca. ¹⁵ Nocadaotsa aima iñjaodati narso niini Nonaitja capoa narso matsia. Nocadaotsa naiñjaca kepinape njaji kjenaperri niiniperri. ¹⁶ Nocadaotsa nacapa njaji inaiki nanaco njaji No-sacerdotenaipe, inaitjacapeca matsia; njite nawanaca njaji Nonaikite catima capoa nacaolre. ¹⁷ Nocadaotsa talricanati-carro David idakerri nakjoite, njite caidalritsaotsa talricanaticana njaji Noniwananda inakjoiteperri. ¹⁸ Nocadaotsa napaimanietacawa njaji lricoemanaipe, mitsa jliaji Noniwananda, kjaidadalri caotsa napeyajle.''