1 Pjetapon shotsa wacapa Dio idieta caojli pia njaji inaiki Sión lricoperri. 2 Niini wapakjanta panaya wanoma ikjenti sho, njite wapakjanta wenene cancón sho. Niini nacaite narsowaca njaji inaiki jalredaoca lricoperri: ''Dio inaitja matsia naikjaote.'' 3 Aima matsiaperri Dio inaitja waikjaote; ¡itimati pekirridalri warso pia jliawajli! 4 Piwataca tsenakja wa-Minalri, cayo-carro fa lricayosho jliaji ooni jalrapocolri ricoda Neguev lrico. 5 Njaji iyacapem pia naapana caojli pia, naniwacaotsa napania itimati ricó. 6 Njaji iyacape nadée cádanaco napanaope, catimaotsa nadiaca njite nadieta capoena napania ínaca njite.