¹ Iaca matsiadalri wa-Minalri irso; ima Matsiadalricani njite corriotsa coancaojlica yami lripeyoca fa. ² Picadaa nacaiteca njaji Iraelnai: ''Caidalritsa Iminalriti ipeyoca fa, corrin coancaojli yami Lripeyoca fa.'' ³ Pivcadaa nacaiteca njaji Aarón iipaneta caoji: ''Dio ipeyoca fa, corrin coancaojlica yami Lripeyoca fa.'' ⁴ Picadaa nacaiteca njaji shepacaperri Lriaco ajádalri: ''Iaca matsiadalri wa-Minalri irso; ima Matsiadalricani njite corriotsa coancaojlica yami lripeyoca fa.'' ⁵ Njota cádanaco nocaolre nowana no-Minalri ikjaolre; njite no-Minalri shepa njoa njite lriyomjeta njoa. ⁶ Noinai catsa no-Mijnalri, niini corrin nofiocawa; ¿coajintja lritaita lridejica njoa jliaji inaiki? ⁷ No-Minalri yemawa nocodapi Lrikitsindatácarro njoa; niini njoama caotsa nanaco njaji matsíperri icapaca norso. ⁸ Matsia pja pacadaca pacaolre Dio naco wadee wacadaca wacaolre atsia nacotsa. ⁹ Matsia pja pacadaca pacaolre Dio naco wadee wacadaca wacaolre talricanatinai nacotsa. ¹⁰ Pjiomi njaji inaikinai jalredaoca lricoperri nayofieta njoa; njite noinona no-Minalri iipitananaco. ¹¹ Na danata njoa, ajaca, nadanataca njoa; njite noinona no-Minalri iipitananaco. ¹² Nadanata njoa aini kerroaperri idanata capisho pja; mitsa kjeyatsa nawayacacawa cayoji kjeya capishotsa tiye iwayacacawa corricawatsa pacapa aima malritsi; ima noinona no-Minalri iipitananaco. ¹³ Nano naino njoa nawayaketácarro njoa, mitsa Iminalriti ikitsindata njoa. ¹⁴ No-Minalritsa ia njoidawa njite lricatimata njoa, njite icamitsa Jliaji iyomjetalrica njoa. ¹⁵ Caidalritsaotsa njemica coajica njamaca nacoema njaji matsiaperritsa inaitjaca Lrirso. Wa-Minalri ikitsindatana Jliida kjaidadalri sho. ¹⁶ Icaite matsia wa-Minalri jiida kjaidadalri naco, wa-Minalri shamaca pjiomi jliida kjaidadalri sho. ¹⁷ Corriotsa mayami carroca njoa, icamitsa caafica njoa nocaité-carro coandalrica jliaji no-Minalri idejicalre. ¹⁸ Jlirrapitenina matsina njoa jliaji Iminalriti; mitsa corrin Lricadaa mayamica njoa. ¹⁹ Pimjeco norso napananoma njaji matsiaperritsa wadee nomatadaca; njoewaotsa niini njite nonaitja watsa cayoji nocapa capisho niini, njite noa watsa matsiadalri Pirso no-Minalri. ²⁰ Dio ipananomaca njaji; icamiytsa njaji matsiaperri njaji shewalri niini. ²¹ Noawatsa matsiadalri Pirso, ima pjiepaca njoa, njite piyometa tsenakja njoa. ²² Jliaji jiipada napecolri naoyao njaji inaitjacap panti, jlienakja panaya jliaji jiipada nanaitjalri inaco jliaji panti. ²³ Dio idejicalreca jliaji; matsiaperrica pacapaca. ²⁴ Icatsa jliada watsa jalredaocaca wa-Minalri icadaca wacapa Lridejicalre matsiadalri; wacatimataca caotsawa, catima watsa wajiacacawa lrikjaote. ²⁵ Pinaitja matsia warso no-Minalri, Picadaa famaca pjiomi. Pinaitja matsia warso no-Minalri, Picada matsiaca warso pjiomi. ²⁶ Matsiadalrica pacaiteca inaco jliaji inolri Iminalriti ípitana naco; wacaotsa matsiadalri Pirso Dio iipana lrikjoite. ²⁷ Dioca jliaji Iminalriti, njite lriaca warso camarrai; lripapi njaji maficalri wainoji Lrirso nanaco njaji altar itsowa. ²⁸ Icatsa no-Dioteca Pjia, noaca Poirso matsiadalri; no-Dioteca Pjia, njite njorretaca Piipitana yenonrse. ²⁹ Iaca matsiadalri wa-Minalri irso; ima Matsiadalricani njite corriotsa coancaojlica yami lripeyoca fa.