¹ Siete kérri nacó, lriniitacadaa jliaji kérri, irsotsa iwacaacawa iá-carro matsiadalri Dio irso. Corrin itaita idenjica jliadaa jecoapica. Jliadawatsa ipjiaca kjemá-carro iotrompetani. ² Irsotsa ideca pada ofrenda imjaitanda pomení-dalri jirrá carrowa Dio ikjaolre. Irsotsa ínoca apana vaken, apana carnero njite sietena cordero pawalriaperri ipekirrica naca, marsocapetsa imatsica. ³ Icada tsakjaotsa nainai ofrenda ipania inaca nakjoite, harina matsiapedalri aceite fiedalri, sei kilo apana vaaca icaona, coatro kilo carnero icaona, ⁴ njite yamada kilo nacoamitsa icaona njaji sietena cordero. ⁵ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ⁶ Inaitjaoitsa njaji ofrenda sietepi kérri nacó naoya tsakja njaji ofrenda irsolri manatsa iaca walripi kérri inita cádanaco mana: Nainaitjaotsa icadaaca njaji ofrenda imjaitaji iwacaaca cádanacoperri lricope napiyatsa njaji ipania inacope inacope. Njite njaji ofrenda inaitjaji mana caidalritsa, ipania inaca nacope, jaicotjeda iana nacope tsakja. Inaitja njaji Dio inalri inaitjaca nanaco njaji ofrenda ponení-perri Dio irso, ofrenda imjaitanda tiyé-rico Dio irso. ⁷ Die jalredaoca nacó, sietepi kérri naco irsotsa iwacaacawa iacarro matsiadalri Dio irso. ⁸ Irsotsa icadaaca kjenashotoa, corritoatsa idenjica. Irsotsa inaitjaca pada ofrenda pomenídalri jirracarrowa Dio irso. Irsotsa icadaaca apana vaken, apana carnero njite sietena cordero pawalriaperri ipekirrica. Narsotsa mamatsicana catsa pjiomina. ⁹ Icada tsakjaotsa nainai ofrenda ipania inaca nakjoite, harina matsiapedalri aceite fiedalri, sei kilo apana vaaca icaona, coatro kilo carnero icaona, ¹⁰ njite yamada kilo nacoamitsa icaona njaji sietena cordero. ¹¹ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ¹² Quince jalredaoca nacó, sietepi kérri naco irsotsa iwacaacawa iá-carro matsiadalri Dio irso. Corrin itaita idenjica jliada jecoapica, iwacacawa icatimataaca-carroa Dio irso siete jalredaoca. ¹³ Irsotsa icadaaca pada ofrendea imjaitanda, maficalri imjaitanda tiyé ricó pomenidalri jirracarrowa Dio ikjaolre. Irsotsa icadaaca apana vaken, apana carnero njite sietena cordero pawalriaperri ipekirrica. Marso capetsa imatsica nadada nacó. ¹⁴ Icada tsakjaotsa nainai ofrenda ipania inaca nakjoite, harina matsiapedalri aceite fiedalri, sei kilo apana vaaca icaona, coatro kilo carnero icaona, ¹⁵ njite yamada kilo nacoamitsa icaona njaji sietena cordero. ¹⁶ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ¹⁷ Yamadaa jalredaoca naco iwacaacacawa, inoatsa docecena vaken, yamana carnero njite catorcena cordero pawalriaperri ipekirrica, marsocapetsa imatsica. ¹⁸ Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. ¹⁹ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ²⁰ Madalrida jalredaoca naco iwacaacacawa, inoatsa oncena vaken, yamana cordero njite catorcena cordero pawalriaperri ipekirrica, marsocapetsa imatsica. ²¹ Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. ²² Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ²³ Madalrida jalredaoca naco iwacaacacawa, inoatsa diena vaken, yamana carnero njite catorcena cordero pawalriaperri ipekirrica, marsocapetsa imatsica. ²⁴ Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. ²⁵ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ²⁶ Cuatro jalredaoca naco iwacaacacawa, inoatsa nuevena vaken, yamana carnero njite catorcena cordero pawalriaperri ipekirrica, marsocapetsa imatsica. ²⁷ Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. ²⁸ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ²⁹ Sei jalredaoca nacó iwacaacacawa, inoatsa ochona vaken, yamana carnero njite catorcena cordero pawalriaperri ipekirrica, marsocapetsa imatsica. ³⁰ Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. ³¹ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ³² Siete jalredaoca nacó iwacaacacawa, inoatsa sietena vaken, yamana carnero njite catorcena cordero pawalriaperri ipekirrica, marsocapetsa imatsica. ³³ Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. ³⁴ Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. ³⁵ Ocho jalredaoca nacó, irsotsa iwacaacawa padenirri sha. Corrin itaita idenjica jliada jecoapica, iwacacawa icatimataacacarroa Dio irso siete jalredaoca. ³⁶ Irsotsa icadaaca pada ofrendea imjaitanda, maficalri imjaitanda tiyé ricó pomenidalri jirracarrowa Dio ikjaolre. Irsotsa icadaaca apana vaken, apana carnero njite sietena cordero pawalriaperri ipekirrica. Marso capetsa imatsica nadada nacó. ³⁷ Irsotsa icadaca pada ofrenda ipania inaca nacope, jaicotjeda nacope lricaona jliaji vaken, carnero njite narso njaji sietena cordero, inaitja cayoji nanaa capisho inaitjaca njaji ofrenda. ³⁸ Irsotsa icadaaca tsakja apana chivo ofrenda imatsicanaa ikjaote, naoya tsakja njaji ofrenda imjaitaji mana caidalritsa, ofrenda ipania inaca inacope njite jaicotjedainacope tsakja. ³⁹ Icatsa njaji irsolritsa iaca Dio irso iwacaaca cádanacoa cayoji nacadaa capisho irso. Icatsa njaji irsolritsa inaitjaca lrinaco jliaji icaiterri inaitjacaotsa jiwacawaacatsa icaolre rikjoite. Irsotsa iaca Dio irso njaji ofrenda imjaitaji, ofrenda ipania inacope, jaicotjeda nacope njite ikitsindajicawa sha matsia iapiyawaca.'' ⁴⁰ Moise icaite njemi njaji inaiki aimadan nanaco pjiomi njaji Dio inaalri icaiteca narso.